[عاشقة فلسطين]

شكرا هاجر على الفكرة الحلوة....

أنا بتذكر مرة بحصة اجتماعيات كان عنا مدرسة دايما تيجي تحكيلنا أنا تعبانة وما لي خلق أشرح...(الله يعينها)..

عاد مرة دخلت عنا وسلمت وقعدت ..وكانت من عاداتها تخلي بنت معينة دايما تقرأ الدرس ... فاحنا قعدنا نستنى انه تقول

انها تعبانة او تخلي البنت تقرا ..واستنينا لحد لما زهقنا ...قمنا بالآخر طلعنا مجلة وقعدنا نقرأ فيها ..وطبعا ما تسألو عن

حالة بقية الصف..اللي بتلعب واللي بتاكل وحالات ما يعلم فيها إلا الله..وفجأة واحنا منهكمين بالقراءة......................


قالت......( اسم البنت ) يلا قومي اقرأي .. والمصيبة يا جماعة انو احنا كنا حاطين الكتب بالشنط فبسرعة طلعنا الكتب وبعد شوي الأبلة قالت للبنت خلص بكفي..قمنا رجعنا الكتب وقعدنا نكمل المجلة...ومرة تانية بعد يمكن عشر دقايا رجعت فجأة قومت البنت تقرأ واحنا ضلينا نضحك نضحك نضحك وهي ( الأبلة )ولا معها خبر....وقضينا طول الحصة على المجلة والضحك والمصخرة و طبعا...فلانة يلا قومي اقرأي...وفي نفس حصص هاي المادة كنا نقعد ناكل وفي بنت مرة كانت تطلع فجأة بنص الحصة ترقص وطبعا حضرة الأبلة ولا معها خبر..ولا هي هون..وهيك واحنا طول الوقت ضحك على أشياء فظيعة كانت تقولها..ومن الأشياء اللي كانت تضحكنا بكلامها..لما تحكي عن شي مالو دخل بالمرة بموضوع الحصة..ويا ريت كمان معلومات صح..بس شو بدنا نسوي...الحمدلله انه خلصنا ..