04-01-2015, 10:45 PM
|
|
عضو جديد
|
|
تاريخ التسجيل: Aug 2014
مكان الإقامة: egypt
الجنس : 
المشاركات: 16
الدولة : 
|
|
قال تعالى (يخرج من بطونها شراب مختلف ألوانه فيه شفاء للناس)
السلام عليكم
بنتى عندها 7 شهور ومن يوم ولادتها وانا بستعمل الكريمات اللى وصفهالى دكاترة واستشاريين كبار فى مستشفى ابو الريش فى مصر
والكريمات دى هى (كارباميد وفيوسيدين و ميبو و كانستن)
كريم كارباميد للترطيب
كريم فيوسيدين مضاد حيوى
مرهم ميبو للجروح وتجديد وإلتئام الانسجة ومرطب قوى
كانستن فى ثنيات الجسم وده انا بطلته لان المشاكل اللى كانت فى ثنيات جسمها الحمد لله خفت
وفى مية الاستحمام بحطلها كربونات صوديوم لانها قوية وسريعة جدا فى التقشير
كنت بدهن كل كريم لوحده فى اوقات مختلفة وبعد كده بقيت اخلطهم مع بعض (كارباميد وفيوسيدين و ميبو)
ومن حوالى شهر قررت استعمل عسل النحل لانه مفيد جدا فى ترطيب البشرة سواء بأكله أو دهانه
ولأن بنتى ما كملتش سنة فأنا بدهنلها منه والحمد لله النتيجة كانت ملحوظة فجسمها اصبح اكثر نعومة وانشاء الله بالاستمرار عليه هتكون أحسن وأحسن
http://quran-m.com/container2.php?fun=artview&id=968
لما دهنتلها العسل كان صعب شوية فى توزيعه لانه تقيل فخلطه مع الكريم علشان يكون اسهل وبدهنهم مرتين أو ثلاثة فى اليوم لكن فى الوجه بعد دهانه من الخلطة دى بدهن كمان عسل لوحده علشان اخليه اكثر نضارة
والدهان بالعسل بيترك الجلد رطب مدة اطول من دهان الكريم لوحده
اتمنى انكم تجربوها وانشاء الله مش هتندموا
وإذا حد جرب ياريت يقوللنا النتيجة إيه
وانا اسفة للإطالة بس حبيت اتكلم عن تجربتى مع العسل يمكن اقدر افيد غيرى زى ما انا استفدت
|