[صدافر]

عندي شوية أسئلة لحضرتك :


ليه الذوبان في كحول مش إيثانول absolute نقاوة 99% كما هو موصي هنا؟
إيه الفرق؟


وهل صعب الحصول علي الإيثانول بالنقاء الموصي به؟ ومنين في مصر ؟


إيه أفضل مواد للتخفيف؟ وليه؟ (معظم الأسئلة هنا للكل وخاصة رواد المنتدي الأكثر خبرة)
حتي الآن مابحثتش بالتفصيل في الموضوع ده
لكن مؤقتاً عايزة الخلاصة لأني عايزة أنقذ ضافرين يربطهم بالجذور شريط جلدي سليم رقيق بعرض مل بس والصدفية فيهم بتزحف للجذور- يعني مل وينخلع.


والسؤال الأهم: حضرتك قلت حاجة عن (تنقية القطران الخام قبل تخفيفه)
هل لو إشتريته خام هأحتاج أنقيه أو أفلتره قبل التخفيف؟


وعن جودة القطران والثقة في المصدر- ممكن تفاصيل أكتر؟
وهل أثبت نجاح في إنقاذ الأظافر؟
من منطلق إن صدفية الأظافر هي تقريباً الأعند وعلاجها الأبطأ, بالتالي - أفتكر محتاجة جودة عالية.


و بالنسبة للتسعير- أفهم من كدة إن المواد المخففة هي مركز التقل في الأسعار غالباً؟ (إلي جانب جشع البعض وإستغلاليتهم طبعاً)
ماعنديش مانع أدفع سعر معقول- ونسيب المجاني للي فعلا محتاجين.


ياتري هأحتاج كمية أد إيه لأظافر اليد فقط .. خلال عامين - بمعدل 3 مرات في اليوم مثلا؟



وسؤال أخير أثار فضولي لا إعتراضي- لحضرتك كامل الحرية طبعا في الإحتفاظ بإجابته لنفسك:
ليه ( الحد الأقصي مجاني 300 جرام للمقيمين بجمهورية مصر العربية - أما للمقيمين خارج مصر 3000 جرام ) و لا أعتبره تمييز من أي نوع- هو بس فضول.
أو إعتقاد ان السبب ممكن يكون لصعوبة الشحن للخارج وعلي العكس- سهولة إعادة الشراء والشحن للداخل.
أنا منتظرة إجابة حتي لو كانت الكمية الموجودة انتهت
أو في إنتظار مصدر جديد مضمون في مصر.