السلام عليكم اخباركككم
رجعنا مره ثانيه
امس كان عندنا عرس وكنت خايفه ميته خوف انه الكوافيره تشوف صدفيتي وانحرج وتسئلني خصوصا الغرفه كانت معانا خالتي وخبيره المكياج المهم وانا طول الوقت ادعي انه الله يحط غشاوه بعيونها وماتشوف صدفيه واستغفر طول الوقت والحمد الله مر الوقت بسلام الحمد الله .. عقدتنا الصدفيه هههه 
بخصوص صدفيتي الاحظ انها بدت تروح من نفسها الحمد الله لاني احط زيت زيتون ومرات فازلين بس في مكان تعبت تعبت تعبت وااايد ماتروح ولا خفت ليش مدري مع انه باقي جسمي خفت وبعضها راح بس ليش هالمنطقه عنيده مدررري
هي منطقه الظهر والله اتعب منها الالم فضيع وتعرفون الظهر لزم يكون فيه حركه والله العظيم احط زيت زيتون وتصير ملمسها زين بس بعدين تصير بيضاء وتجف وتشقق وتخشن والالم فضيع اذا تحركت شنو الحل والله مرات تجيني الصيحه من الالم حتي عند النوم اتالم وماقدر اتحرك براحتي تقريبا نص ظهري كله صدفيه بقعه كبيره سبحان الله والله بشهاده الكل حلوه بس عيبي الصدفيه سبحان الله اذا الله حب عبده ابتلاه والحمد الله على كل حال ..
اذا بتقولون حطي قطران مدري خايفه خصوصا له سلبيات يخلي البشره سمراء ويطلع حبوب وانا بشرتي حساسه وبيضا .. محد من خالاتي فيهم صدفيه ولا اهل ابوي من وين جا مدري يمكن من اجدادهم الله اعلم بس الحمد الله
عطوني نصيحه والله يجزيكم الله الف خير ويشفينا ويجعل سنه الجديده سنه خير ورحمه وشفاء وبركه لكل البنات والشباب الي بالمنتدي
وتغير حال من حال لحال ويرزقنا بزواج صالحين يسعدونا ويكونون قره عينا ويحبونا والله يجملنا بنظرهم ... 
تحياتي اميره الاحزان 