وعند اهل مصر الخبر اليقين (قطران الفحم الحجرى)
اثناء رحله البحث عن قطران الفحم الحجرى فى مصر
طرحت موضوع فى منتدى مصرى طبى
وبالصدفه لقيت راجل محترم بيقولى احنا بنبيع قطران الفحم الحجرى خام
كلمته على الموبيل
والحديث كان كألاتى
بابرو : هل القطران الى موجود عندك مصرى ام بريطانى ؟
الراجل المحترم : لا مصرى
انا فقدت الامل وقلتله مفيش بريطانى ؟
الراجل المحترم: على فكره انا شغال فى شركه النصر لصناعه الكوك ودى اكبر شركه فى مصر والوطن العربى فى صناعه مشتقات الفحم الحجرى وبنصدر لجميع الدول العربيه وكمان الهند
بابرو :هل القطران الى موجود عندك فى الشركه يصلح للاستخدام الطبى ؟
الراجل المحترم : اقفل دلوقتى وانا هنزل اسئل فى المعامل ؟
وبعد ساعه
الراجل المحترم :انا سئلت فى المعامل وقالولى ان شركات الادويه والصيدليات يشتروا هذا القطران خام ويضيفوا عليه تركيبات طبيه واذا هو صالح للاستخدام الطبى بعد اضافه المركبات الطبيه عليه
بابرو : طب انا عايز لتر
الراجل المحترم : انا كنت فاكرك عايز طن او نص طن , ولكن على العموم انا هنزل بكره فى اداره المبيعات وهحاول اجبلك اللتر دا بس بشرط انك تدعيلى
وقالى كلمنى بعد الفطار بكره
وبشرى ساره لاهل الجزائر
الشركه لها فرع فى الجزائر وتبيع قطران الفحم الحجرى ولكن هو ميعرفش مكانها فين
والشركه اسمها النصر لصناعه الكوك
|