[أنـــا]

وطبعا الصدفية خفت كتير بعد مااستخدمت المرهم .. وبعد اسبوعين رجعت للدكتور واعطاني برضو ابرة زيلوكين مخلوطة مع افيل.. وكمان ابرة تانية توووجع مرررة في العضل..

ولما سالتو عنها قال انها ابرة (آلفين) وانها ابرة لعلاج الصدفية.. وبصراحة جسمي صار خالي من الصدفية.. من بعد ما أعطاني هادي الإبرة إلين اليوم (تقريباً 3أسابيع) .. مع اني بعد الإبرة مااستخدمت ولا مرهم..

ودحين اللي محيرني وقالقني انو من يوم ما أخدت الابرة (آلفين) وأنا أدور لها في النت.. مالقيت ولا موضوع عنها..

فجيتكم ادور الجواب عندكم.. وان شاء الله القاه..

*******

(مع اني ماكنت ابغا اكتب الموضوع الين أتأكد من علاجات الدكتور واتأكد من شفائي أو عدمه.. ماكنت ابغا اشوش عليكم.. خصوصاً انكم مشغولين بموضوع أخونا قيس العبيدي.. جزاه الله عنا خير الجزاء.. بس القلق والحيرة أجبرتني..)

ومشكووورين مقدماً.. وكل عام وانتو بخير وصحة وسلامة..

معليش يمكن ماأرد عليكم بسرعة للي عندهم استفسارات.. لأني بكتب الموضوع وانا في سكرات النوم..

يعني الين أناآام وبعدين أقوم واصحصح يصير خير إن شاء الله..