[أبو ريماس]

يالله حي أهلي وربعي وجماعتي وصديقيني

وعلى طاري الصديقيني قبل شوي وانا قاعدن أمارس هواية الفستقة الهجهوجية وأثناء طقاقي و ملااافطي و مصافففقي مع إحدى الفستقات المقفلة اللي كادت أن تقول باثنين من سنيناتي اللي تسنهن لولو بسم الله عليهن الرحمن الرحيم

^
^
^
عينة من احد ضحايا الفستقة الهجهوجية

المهم وعلى أساس ما تكبر السالفة وهي كبيرة أقول يالربع جا على بالي هالمويضيع اللي عنونت له بـ :

(( سواليف عقب عصر قربوا الفستق وتعالوا نتقهوى ))

وقلت هالحين يوم إننا ما شاء الله علينا واجد وحضورنا زين و متواصل ورا ما نخلي لنا موضوع نتجمع فيه ونسولف ونتراد فيه السواليف

مثلا على سبيل المثال لا الحصر وعشان ابدا السالفة هالايام اللي طافت كنت مدهر على نظام ما ادري مدى فايدته ولكن على الاقل لعل فيه نوع من السيطرة على الصدوفة خانو

المراد النظام اللي أسير عليه هالحين هو اني لقيت عندي علبة فازلين مع فيتامين E مخزنة من كم شهر <<< الله يذكر الفازلين الطبي بالخير
المهم قمت وخلطتها مع دايفونكس كامل و كثرت عليهم من الخلط ثم قمت ادهن بهن كل يوم
وطبعا لا زلت مسوي حمية الحليب ومشتقاته وحمية السكر والبيض
ولازلت امزمز على الأوميقا3 وكعيب الحرشف البري وكبسولات زيت سمك القد

المهم ان لي والله فترة وانا على الوضع لا تقل عن شهر ونص

المراد اللي لاحظته يالربع وهو الاغرب حتى اليوم من عرفت سيئة الذكر وعرفتني ان هناك يمكن بقعتين او ثلاث شارفن على الاختفاء في البطن وهذي لاول مرة في تاريخ صدفيتي اشاهد هالصورة

المهم وبعد التحري والبحث لاحظت اني مهتم بالاستحمام بشكل يومي مع الفرررررك والدعك المركزين على هالبقع المذكورة اللي قلت لكم انها قرررربت تختفي !!!

وعلى هالاساس قلت ورانا ما نتناقش وندردش حول هذا الموضوع وغيره ان كان هناك شي غيره

نقطة النقاش الحالية

(( هل كثرة الاستحمام ودعك بقع الصدفية ثم تنشيفها السريع يساعد على تعجيل شفاء الصدفية ؟ ))

دمتم بود أحبتي