[ايهاب العراقي]

المشاركة الأصلية كتبت بواسطة نجرب ونشوف

كثير من التجارب يا اخوي ايهاب يتوقف الاخوان دون ان يذكرو هل وصلو للشفاء ام انتكست حالتهم .ام افادتهم التجارب بمستوى مقبول انا ما ادري ليه هالشي .وانت بشرنا عنك .كيف امورك ان شاء الله تمام .

اهلا اخي الكريم صحيح كلامك لكن الأغلب بمجرد مايستعمل علاج ليومين او ثلاث وبمجرد ماتختفي القشور وهذا الشي طبيعي حتى لو تستعمل فازلين راح يصير نفس الشي وينزل موضوع ويقول استفدت من الخلطة او العلاج الفلاني وانا اشوف انو هذا استعجال..والبعض الأخر مثل ماقلت حضرتك مايكتب شنو يصير معاه من بعد مايوصل الى نسبة شفاء معينة.
بالنسبة لي انا اول امس طلعت من المستشفى من بعد ماسويت عملية رفع البلاتين واربع براغي كبيرة من الرسغ الأيسر في يوم الثلاثاء ..مادري اذا سامع بالسالفة انا الصدفية قوية عندي وسوت التهاب مفاصل في الرسغ الأيسر(اليد اليسرى)ودمرت المفصل وسويت عملية في سنة 2006 وثبتوا المفصل بقطعة عظم مأخوذة من الحوض وخلوا فوقاها قطعة بلاتين وثبتوها بأربع براغي كبيرة وقبل يومين سويت العملية وشلت البلاتين والحمد لله وهسه ايدي وذراعي بالجبس..وبهل يومين كنت تعبان شوي من جراء العملية والتخدير واليوم الحمد لله استرديت شوي من طاقتي..وايضا قطعت العلاج اللي كنت استعمله السايكلوسبورين(مثبط المناعة)قبل العملية بيوم والصدفية بدت ترجع شوي وراح استعمل علاجات طبيعية داخلية وخارجية..الله يسهل الله كريم..مشكور على سؤالك بارك الله بيك