الصيف حل وبادرت عطلة الصيف
وكلا بفصل الصيف يتبع مزاجه
احدن نوى لندن وباريس وجنيف
وحدن نوى مصر وشواطي سفاجه
وحدن حجز قصر الفرح والتغطريف
وزع على الاقراب دعوة زواجه
وحدن بوده مير ماجت على الكيف
رده عن الاسفار حاجه وحاجه
وحدن بوده مير مامن مصاريف
ومن قلت المصروف يقعد حجاجه
بغا وحاول مير رده صواديف
حارت به الامواج قبل المواجه
حمله اجا وطويق والنير ياليف
قلبن كسره الوقت كسر الزجاجه
عن عالم الافراح مبعد عن الكيف
صيفه سموم الشمس حر وعجاجه
ياهل الشعر وين الشعر والتواصيف
الشعر مستعمر وطافي سراجه
قل احترام الشعر عند المواليف
الصدق يجحد والحقيقه سماجه
يارب بدل حرها للمواقيف
انت الكريم الي على كل حاجه