جوريــــــــــــــــــــــي
..أعرفكم بنفسي .. أنا فتاة من المنطقة الشرقية عمري 15 سنة مصابة بالسمكية..
وعندي ثلاث اخوات مصابين وخمس سليمين
الأب والأم قرايب ..
عند الولادة كان كل شي طبيعي ولكن في عمر أربع سنوات إبتدى الجفاف وكان خفيف استخدمت فازلين
وبعد البلوغ تطورت الحالة وبدت القشور <<وبدأت المعاناة 
وطبعا كنت ما اعرف أي شي عن المرض..
ولما رحت للمستشفى كنت متوقعه إن الدكتورة تقول إنها أول مره تشوف هذا الشي وإنها بتقول.. انه جفاف عادي حطي فازلين ويروح ..
لكنها أول ما شافت كانت عاااادي وكأنها كل يوم تشوف هذا الشي وأنا أطالعها مستغربة
وقالت مرض اسمه السمكية 
وان الي فيني درجه خفيفة << 
وطبعا أنا كنت معصبه عليها لأني كنت أفكر إن إلي فيني مو خفيف أبدا
ولكنها ورتنا <<أنا وأختي
ورتنا صور .. قلت الحمد لله رب العالمين وكأني بالنسبة لهم مافيني ولا شي
وعطتنا علاج ولكني ماحسيته نفع .
وبعدين رحت مستشفى الظهران وعطتني الدكتورة العلاج .. Oilatum gel _
و_ULTRA MIDE 25<< هذا خطير على المناطق الحساسة _و
لقشرة الرأس SEBULEX.
واستخدمته ونفع يعني القشور تطيح ويترطب المكان .. أنا للآن استخدمه ولكني مو مداومة لأني لازم أحطه
أكثر من مره باليوم وأنا بطبعي ملوله .. أنا دوي علاج جذري يعني مو استخدم شي وبعد ما أوقف يرجع ولا
كأني مسويه شي ..
انا الي أبغاه علاج يروحه نهائي.
كريم للاطفال مفيد جدا 