[أبو ريماس]

المشاركة الأصلية كتبت بواسطة الهـــــامور

هلابك هلا أبو ريماس
والله مااصعب على الشخص ان يقطع جميع ماكان يأكله .
فمثلا أنا من الناس احب اللحوم الحمراء وبهذا الوقت تعرف طلعات البر ويكثر الشوي والكبسات وانت ادرى بالامور هذي مااستطيع المقاومة للحوم .
الشيء الثاني صار لي 3 ايام اكل خبز اسمر قسم بالله بالغصب آكله ماني متعود عليه والمشكلة الأكبر أنه يوم ويخرب الخبز الاسمر
الشيء الثالث الفطور الصباح : اجبان ممنوع الحليب ممنوع خبز ممنوع بيض ممنوع لم يتبقى إلا الزعتر وزيت الزيتون
الغداء : الخليج من سابع المستحيلات نتنازل عن الرز .
العشاء الكل متعود على القلي والمعكرونات وهذي الاشياء صار لي فتره قاطعم


لو نعمل برنامج بما معنى ان نضع جدول المسموح اكله في الصباح والغداء والعشاء كان سهل علينا شغلات كثير

وراح أبدأ بالفطور واتمنى من يستطيع الاكمال له جزيل الشكر

الصباح : الفطور
زعتر
زيت زيتون
خبز اسمر
مربى
عسل

ننتظر الزيادة ...

يا بعدي والله يالهامورررر والله العظيم اني حاس بكل كلمة تقولها يا قليبي ولكن وسع صدرك يا قليبي وبيسهل الله الامور ان شاء الله

تدري عاد اني اشوف ان التضييق على النفس بكثرة الممنوعات يجيب ضيقة الصدر والمشكلة ان ضيقة الصدر تزود الصدفية وهذا الشي يكاد يتفق عليه معظمنا ان لم يكن كلنا

وعشان كذا انا اشوف انك تخلي الامور تساهيل يعني لحم الحاشي والمفاطيح ما يخالف لو في الشهر تاكل منه مرتين او ثلاث او اربع بس مهوب قبل عاد ههههههههههههههههههههه
والله وانا اخوك يالهامور اني ودي انك تاكل منه اليييييييييييييييين تقول بس ولكن عاد سددوا وقاربوا ... وان الله قاله ان شاء الله بتدبغ في اللحوم الحمراء وكلش تشتهيه اذا طلع العلاج القاطع للصدفية وهو مهوب بعيد ان شاء الله .

وبالنسبة للجدول اللي انت حطيته تكفى امسحه لا يشوفه موسوعتنا أبو السعاعيد ثم يطب في بطني قبل لا يطب في بطنك هههههههههههههههههههه الدعوة فيها عسل ومربى يعني سكريات يعني كنديدا ومشاكل في هضم السكر

اما الزعتر فشكلك وانا اخوك منتب من الجماعة اقصد (الوسطى الرياض وضواحيها ) ههههههههههههههههه ما عمرنا كلنا الزعتر على فطورنا ابد ابد ابد ،،، والله العالم انك من الحدود الشمالية حول الاردن وحواليها اهل الزيتون والزعتر ...

وعلى طاري النموذج اللي انا اسير عليه فتراه مهوب زين ابد ههههههههههههه وهو كالتالي :

الفطور : مويه وقهوة وبس واحيانا صبيبات بدون بيض وبدون حليب ولا تكثر منها ههههههههههههههههه

الغداء : قطيعات سمك كنعد على البخار وعليه شوي بهارات واحيانا شووووي رزيزات و صدير دجاج ،، واحيانا قطع دجاج مسلوقه واركز على الصدور .
ويمدحون المصابيع و القرصان مع قطيعات الكوسة والقرع والفاصوليا اووووه وش خليت يمي يمي ( اما الجريش فوالله اني احبه بالحيل هو والسليق ولكن حيل الله اقوى كله حليب فما اكله )

المشروب بعد الغداء : كوب نعناع بدون سكر / شاهي محلى بالاسبرتيم ( مدري صح علي والا خطا ) / كوب زنجبيل / كوب ينسون / قهوة تركية مثل هالحين وانا اكتب لك الموضوع قاعد امزززمززز على القهوة التركية السادة ) <<< وش عنده مهند مدري يحيى هههههههههههههههههههههه

العشاء : بادية شوربة شوفان ، مرقة خضار ( كوسة و قنبيط و جزر و فاصوليا من دون طماط وشووووي ملح ) وقطيعة خبيزة <<< ترا القطيعة عنده خبزة كاملة هههههههههههههههههههه و يمدحون التونة بعد تراها مهيب شينة ابد ،،، والحمص بعد
وأحيانا والله اغمض واكل مكرونه هههههههههههههههه واقول مهيب دارية ( الصدفية هانم ) <<< ثم الوعد الفراش عند النوم انواع الحكحكة هههههههههههههههههههههههههههههههههه