يا حبيبي والله يالهامور موضوعك هذا قريته كم من مرة ولكن مع الاسف كنت اقراه بالجوال وانت خابرن عاد التصفح بالجوال وغثاه يادون عاد كتابة الرد عن طريقه والله العالم لو كتبت الرد عن طريقه تفجرت فيني 100 صدوفه جديدة 
ههههههههههههههه
ولكن على قولتهم حيل الله اقوى يا صحيبي
المراد جعلي ما ابتسيك والله ان موضوعك زين بالحيل وينفع للنقاش والاخذ والرد
وعلى طاري النقاش والاخذ والرد انحشششششششششش بس عن البيض والالبان ومشتقاتها والسكر وبس والباقي امره يهون
انا يا طويل العمر امتنعت امتناع كامل عن البيض وما البيض <<< بالله عليك البيض وعرفناه بس ( وما البيض ) وشهي !!؟؟ ههههههههههههههههههه
وامتنعت يا بعدي بعد عن الالبان وما الالبان <<< ترا هذي على سنع الالبان معروفة و ( ما الالبان ) يعني الحليب والقشطة والجبن وباقي الربع هههههههههههههههههههههههههههههههههه ما عدا الزبادي لان الجماعة مدحوه يقولون ان فيه انزيمن نافع للصدفية ولا يبيله شي في الهضم . والعلم عند الله يا قليييبي .
وحجبت يا سنايدي عن الحوار وما الحوار هههههههههههه مهوب الحوار يعني النقاش انتبه ههههههههههههههههههههه الحوار الاشياء الحارة يعني مثل الحبحر و الفلفل <<< لا ياشييييخ هههههههههههههه والشطة .
وحجبت عن السكريات اينما وجدت سواء السكر اللي خابرينه او السكر اللي مدسوسن في الفواكه مهنا فرق بينهن
وعاد الله أكبر يالبيدجان خلقه ما جاز لي وشلون عاد يوم قالوا الجماعة انه مهوب زين للصدفيه هههههههههههههههههههههه بديته الاول
أما الخبيزات وما الخبيزات والرزيزات وما الرزيزات والدجيجات وما الدجيجات والمريقات وما المريقات والمكيرينات وما المكيرينات والسميتسات وما السميتسات فوالله اني ما تركتها كود الموت يتركني مع اني ادري ان النشويات تحول لسكريات يعني صبه احقنه مير اني اسلي عمري واقول في نفسي ييزي اني قللت على الاقل من السكريات اللي في الشاهي والحلى والفواكه ،،،
والحمد لله على كل حال
وعلى طاري المشروبات الساخنه يا صحيبي جرب مشروب الزنجبيل الطازج بدون سكر و جرب مشروب الينسون بدون سكر صدقني بيعجبنك ان شاء الله اما الشاهي بدون سكر فوالله انه يوجع الراس والبطن هههههههههههههههههههههههههههههه
وترا المكسرات زينه مهيب شينه ادبغ الين تقول بس والخضروات بعد صدقني مهيب شينه جلستن عقب عصر مع الاهل وبريق زنجبيل مع صحين جرجير أو خس أو كراث أووووووه وش خليت <<< الله من وحدتن بتدعي علي تالي الليل عقب الكراث ههههههههههههههههههههههههههه
وترا الكراث مهوب زينن تكثر منه بالحيل لانه غني بفيتامين سي <<< تراه ما خاف من دعوات تالي الليل ابد ابد ابد هههههههههههههههههههههههههههههههههههههههههههههههههه ههه
الله يعيين يا صحيبي وفالك العافية ان شاء الله