[ايهاب العراقي]

هلا خالة شلونكم..والله ياخالة بالنسبة لصدفيتي ماكو وقت معين تكون بيها في احسن حالتها ماكو هيجي شي عندي..هي لو مااخذ اي علاج تزيد وماتوقف الى ان تغطي الجسم بالكامل بشكل قطعة وحدة وهذا الحجي عل مدار السنة لو مااستعملت علاج كيماوي مثل الميثوتركسيت او السايكلوسبورين او النيوتيجاسون هيجي يصير بيا..وبالنسبة للنفسبة هي نفسها طبعا احنا بشر مرات الواحد تكون نفسيته زينة ومرات تكون مو زينة مو بأيد الواحد هاي الدنيا هيجي ..خارج ارادتنا هالشي.
وبالنسبة للطوبة لاتخافين ماراح انضرب جلطة اذا طلع منتخبنا لاسمح الله عادي هي كرة قدم واني احب الطوبة وجنت حارس مرمى في احد اندية الدرجة الثانية (بفئة الشباب) وبعد ماضرب التهاب المفاصل ايدي بطلت من النادي.
اني حاليا رفعت الجرعة الى 300 ملغم باليوم مرة ثانية بس اريد مكان العملية(الرسغ)ميطلع بيه صدفية والبقع اللي طلعت تروح ان شاء الله واسوي العملية واطلع البلاتين ووراها احاول استعمل الخلطة والله يستر بعد ترك العلاج علاج السايكلوسبورين..الله كريم املنا بالله كبير..وعندنا عزيمة على المواصلة ان شاء الله.
تحياتي