[أبو ريماس]

المشاركة الأصلية كتبت بواسطة فتى الخرج

1- العلاج الداخلي (لا استخدم علاج داخلي )

2- الحمية المتبعة ( انا اتبع حمية الابتعاد عن السكر وعن القهوه والشاهي الاحمر وعن الكبسه وعن الخبر الابيض وستخدام البر مع الاعتماد على الايدام الخالي من البهارات ومن الحوار مع الاكثار من التفاح عندما يداهمني الجوع)

3- المرطب المستعمل : ( الفازلين )

4- العلاج الإشعاعي ( لا استخدمه والله يبعدناعنه )

5- دورات الإبر البيولوجية ( لا استخدمها )

6- دورة علاج اليوم الواحد ( لايوجد )

7- كريمات أو مراهم الكرتوزون ( لا استخدم منها شيئ ولله الحمد )

8- التشمس والملح ( مافيه وقت علشان نسوي هذي الاشياء وياحظ الي عندهم بحر )

9- اساليب علاجية اخرى ( الابتعاد عن الصوابين وستخدام الصابون المغربي )

10- طريقة التعامل مع صدفية الوجه ( اللهم لك الحمد لايوجد لدي صدفيه بالوجه والله يبعدها عني )

والله يعطيك العافيه اخوي

ما شاء الله عليك اخوي فتى الخرج طريقتك حلوة وخفيفة جدا وياليت يا قليـبي لو تجرب الفجل أو الزبادي أو التين المنقوع 10 ساعات أو الاوميجا 3 أو حبوب زيت السالمون أو بذور الكتان كعلاج داخلي<<<< تراها مهيب شينتن ابد
وانا والله كنت اشوف ان الفازلين بطران ورهيب لين الله فكني منه واستعنت بعد الله بالزيوت الطبيعية وابرزها زيت جوز الهند تراه والله كايف يا بعدي لا يفوتك جربه وبتحس بالفرق وخاصة في موضوع تسطيح الصدفيات وقلة قشوورها الموذية .
أما العلاج الاشعاعي فما ادري ليه كلمة ( الله يبعدنا عنه ) هل هو ضار مثلا ؟ لان اللي سمعته من طبيب الجلدية عندنا في المستشفى وهو استشاري يقول انه مو اشعاع ليزري ،،، قلت له أجل وشو ؟ قال هذا الجهاز يطلق اشعة بالضبط مثل اشعة الشمس للي ما يقدرون يتشمسون ،،، وهو جهاز آمن ويستخدمونه الغرب في الاصل للتشميس الصناعي حتى يسمرون جلودهم لان مثلك عارف البشرة الاوربية حمراء و تعجبهم البشرة البرونزية او البرازيلية فتلقاهم يحرصون على التسدح والتبطح على الشواطئ في الشموس عشان يسمرون شوي :d هههههههههههههههههههههه وعلى فكرة ترا الاشعة نوعين منها نافع ومنها ضار الظاهر واللي بيفيدنا في هالموضوع الاخ سعيد الله يحفظه آمين

دمت بود حبيبي فتى الخرج