مساكم / صبحكم الله بالخير
يالله ان تحيي كلن باسمه وش علومكم يالربع و عسى كلشن زين ان شاء الله 
وعلى طاري الزين و ما الزين اليوم جالسن افرفر في المنتدى وطرا علي طاري قلت في نفسي هالحين مدام ان التواجد ماشاء الله تبارك الرحمن قوي والحضور ماشاء الله مشرف من أعضاء / عضوات منتداني ورا ما نحط لنا موضوع نتواسع فيه الصدر و نتبادل فيه الخبرات عشان ماينطبق علينا المثل اللي يقول ( لا أرضا قطع ولا ظهرا أبقى ) <<<<< وش عنده جرير مدري المتنبي مدري ابو ليلى المهلهل هههههههههههههههههههـ المهم يا ربعي وجماعتي واهلي اقول وش رايكم نحط لنا مكان نطرح فيه تجاربنا اللي يمكننا ان نسميها جداول اسبوعية أو شهرية للتعامل والسيطرة على المحروسة ( صدوفه أفندم ) خلال هالاشهر الشتوية اللي قد تضايق البعض وقد يسر لها البعض الاخر <<<< أموت وادري ليه معقدينها اهل اللغة العربية و يقولون ان ( بعض ) ما يدخل عليها (ال) التعريف مع انها وش زينها ووش سهلها ههههههههههههههههههههههههههـ 
على العموم والله ان تابعتوا بربرتي والله ما نخلص ولا في الشتاء الجاي الله يلحقناه بخير ان شاء الله ههههههههههههههه
المختصر المفيد ( الخلاصة ) :
اقترح بأن يتفاعل الجميع ويحتسبوا مشاركاتهم لنفع انفسهم واخوانهم واخواتهم بعد أن يجيبوا عن النقاط التالية :
1- العلاج الداخلي ( إن وجد ) : سواء أكان علاجا كيميائيا أو طبيعيا كالخضار والفواكه المعينة .
2- الحمية المتبعة ( إن وجدت ) : حيث يعرف الجميع أن هناك حميات آتت ثمارها مع بعض المصدوفين كالتوقف مثلا عن اكل البيض أو الباذنجان أو مشتقات الحليب أو التوابل أو الفلفل بأنواعه البارد والحار ... الخ .
3- المرطب المستعمل : سواء أكان بزيوت طبيعية أو مراهم أو كريمات معينه خالية من الكرتوزون أو مجرد الفازلين أو خلطة الدهيمية أو أي خلطة مرطبة أخرى .
4- العلاج الإشعاعي ( إن وجد ) : كأشعة الناروباند بنوعيها .
5- دورات الإبر البيولوجية ( إن وجدت ) : كإبر الهوميرا والامبريل ...
6- دورة علاج اليوم الواحد ( إن وجدت ) : كالعلاجات التي تقيمها بعض المراكز الجلدية المتخصصة .
7- كريمات أو مراهم الكرتوزون ( إن وجدت ) : اذكر منها على سبيل المثال الدايفوبت و الاليكوم و الساليبت ... الخ
8- التشمس والملح ( إن وجد ) : سواء التملح البحري أو المنزلي .
9- اساليب علاجية اخرى ( إن وجدت ) : كاستعمال حمام البخار والصابون المغربي البلدي ...
10- طريقة التعامل مع صدفية الوجه ( إن وجدت ) : كاستعمال زيت القطران مثلا و مرطب أكسيد الزنك وزيت الزيتون والخروع .
وعلى العموم والله ودي اكمل الموضوع واكون اول مشارك ولكن اعذروني تكفون جاني ضيف هالحين وابفتح له الباب ...
11- تاريخ صدفيتك : وفي هذه الفقرة يذكر ( العضو/ العضوة ) المدة الزمنية للصدفية لدية من وقت بدايتها إلى اليوم .
12- مناطق انتشار صدفيتك : وفي هذه الفقرة يذكر ( العضو / العضوة ) أماكن انتشار الصدفية لديه . ويا حبذا لو ذكرت منطقة بداية المرض كيف كانت والى اين وصلت .
13- مدى التحسن لتجربتك : وفي هذه الفقرة يذكر ( العضو / العضوة ) مدى تحسن صدفيته ودرجة رضاه عما يصنعه لأجل السيطرة عليها ومكافحتها .
ولي عودة إن شاء الله
دمتم بود وبانتظار التفاعل يا جعل ربي يعافينا كلنا ولا يحرمني منكم ...