[سعيد مسلم]

المشاركة الأصلية كتبت بواسطة ansam islam

أخ سعيد بغيت نسولك واش كاين حبوب الاوميغا 3 داخل فيه زيت كبد الحوت او كل حبوب لوحدها وهل هو متوفر بالصيدليات عندنا في المغرب كنت شحال هادي سولت عليه ومابقيتش عاقله اشنو قالو ليا حيت عوضته ببذور الكتان ,وممكن اذا وافقنا نشربه مدى الحياة مافي اي آثار جانبية
اشكرك

مرحبا اختي انسام
كاين الحبوب اللي تتباع كنطر بوند فالشمال تلقاي لعجب هناك
لكن انا تنشري من عند واحد السيد فمديننتي زيت كبد الحوت كيف ما سبقت و قلت ليك و انا صراحه تنفضل لو يلقى لواحد زيت كبد الحوت لوحده و زيت السمك "الاوميغا3" الوحده او شي بديل ليه بحال زيت golza
و على العموم زيت كبد الحوت لوجدتيه الجرعات ديالوا و على مدي الحياة ما تتجاوزيش نسبة 20.000 وحده دوليه من فيتامين أ و ما كاين حتى خوف من هاد الشي.
اما اذا كنتي ما لقتيهش الا الزيت و ما عرفاش شحال كاين فيه النسبه ديال فيتامين أ لكل جرعه فالحل انك ما تتجاوزيش مابين زوج معالق اكبار ديال زيت حتى اربعه على الاكثر كجرعه يوميه من الزيت و كل جسم تختلف نسبة استجابه تاعو .
كاين اللي غادي يستفيد من زوج معلقات و كاين اللي خاصو يوصل الى اربعة معالق.
اما زريعة الكتان فأخر معلومه عرفتها ان كاين شريحه من الناس اللي متتستطعش تحويل و هظم الاحماض اللي فيه الى اوميغا3 و هذا هو اللغز اللي عدد من الناس تناولت بذور الكتان للتستفيد كيف ما استفادت الاخت ارسس و فالاخر ما ستفادوش و منهم انا و عدد من الاخوه و الاخوات هنايا.
انا من ملقيتش زيت كبد الحوت فالصيدليه ما بقيتش سولت مره اخرى الصيدليه واش عندهم الاوميغا3 ولا لا و صدقيني الصيدليات تتجيب اللي تيتمشى ليها لكانت شي حاجه تتمشى ليهم تيجيبوها ان شاء الله يكون لبن العصفور و الا ما كانتش تتمشى ليهم ما غاديش يجيبوها ان شاء الله تكون اسبرين.
تهلاي فراسك و تقبلي سلامي آ اختي انسام.