[عازمة على شفائه]

عزيزتي امل الربيع الف الحمدالله على سلامة طارق....يعني والله فرحت انو خفت 50%....يعني نسبة كويسة الحمدلله رب العالمين...ما تتخيلي يا امل ادي كنت متدايقة مبارح لما قرات انو رجعتلو....وكذا مرة افكر بابنك ويخطر علبالي وحتى الصبح وانا عمبجلي كنت بفكر فيه....الحمدلله رب العالمين....
بالنسبة للبرنامج الي عمبتعمليه فهو ممتاز ولكنني مع البقية هذا طفل وسيكون من الصعب عليه انو يطبقو بالذات انو من فترة مو بعيدة طبق برنامج بنفس الصعوبة....عزيزتي امل احنا ما بدنا اياه يكره المرض بالعكس بدنا يتعايش معو بسلام....وما بدنا ياه يفكر انو حياتو هيك رح تصير من هلا وطالع(هيك الاطفال بفكروا) بالتالي يفكر بامور اكبر من عمرو ومو مفروض يفكر فيها هلا...انا براي الجميع خففي البرنامج شوي لو طالت مدة الشفاء اكثر...والله تعالى اعلم...
بالنسبة للطعام يا عزيزتي انا مع الخالة ريم خففي من الاكل الي بضري بس لا تقطعي عنو شيء حرام...وزيدي من الاكل الصحي كتير ...انا ابني بحسها بتزيد لما ياكل لبن او يشرب بيبسي..بس بياكل لبن كل يومين تلاتة مع الاكل بس انا شو بعمل؟؟ ...بقلل اللبن بصحنو كتير وبقلوا يي يا ماما خلصنا لبن...وبخبي اللبن..وبالنسبة للبيبسي ازا شرب الكل يعني مرة كل شهر شهرين بشربو نص كاسة شاي وبقلوا لانها بتعملك حساسية..وبالمدرسة رحت لمدرسة المقصف قلتلها ابني معو حساسية لا تعطيه بسكوتات سعرها رخيص لانو كلها زيوت مهدرجة وبتضرو..اعطيه شيء واحد فقط بالمصروف احسن من اشيين تلاتة كلهم خرابيط...او ببعتلوا انا من البيت اشياء اهون شوي يعني بدون زيوت مهدرجة...شو بدك تعملي؟؟الصغار كمان لازم يعيشوا عمرهم ببراءة وما يفكروا بامور اكبر من عمرهم ابدا ابدا....
وابنك ما شاء الله عليه حبيبي والله صار نفسي اشوفو وانا معك هادا ابنك ان شاء الله رح يصير شي كبير بالمستقبل اميين يا رب العالمين.....وبزكرك...
الله يصبرك يا امل ويبعتلك الفرج من عندو يا رب العالمين...
اللهم اشف جميع مرضى المسلمين اللهم ااامين...