محتاج مساعدتكم يااخوان
السلام عليكم ورحمة الله وبركاته..
اعتذر يااخوان عن الانقطاع الطوووووووويل عنكم بس لظروف الدراسه وخصوصا ان التخصص صعب ويبغاله مذاكره والحمدلله انا على وشك تخرج حاليا يااخوان انا الصدفيه رجعت لي بعد غياب سنتين والحمدلله على كل حال انا ان شاءالله مسافر الاردن في الاجازه القريبه وحاب اعرف يااخوان ارقام المنتجعات وكيف طريقة الحجز وهل هي مكلفه او لا ياليت يااخوان الي عنده معلومات كافيه يزودني فيها والله يجزاكم خير انتظر الرد بفااااااارغ الصبر |
رد: محتاج مساعدتكم يااخوان
19 مشاهدة ولا رد غريبببببببببببببببة
|
رد: محتاج مساعدتكم يااخوان
والحين صاروا 20 مشاهدة بدون رد:ppu..انا بعد معاهم:ppu ..اخوك مطيري
|
رد: محتاج مساعدتكم يااخوان
هلا عيوني وليد الحمد لله على السلامة..ترى قاعد امزح معاك..نتمنالك الموفقية في الدراسة.
ترى اللي شاهدوا الموضوع ..ماردوا لأن يمكن ماعندهم فكرة عن ارقام المنتجعات ومايعرفون التكلفة..انا كل اللي اعرفه انو الأسعار هناك غالية جدا مقارنة بسفاجا..وان شاء الله يفيدك واحد من اهل الأردن. تحياتي |
رد: محتاج مساعدتكم يااخوان
سلامات أخ وليد ونورت المنتدى أنا ماعندي فكرة عن الاردن ولكن قابلت مرة في مستوصف أسنان أردنية وسألتها نفس موضوعك مانصحتني قالتلي نفس رأي إيهاب ياريت فدتك إنشاءالله وفقك الله في دراستك وشفاك وحمدلله على رجوعك للمنتدى:_11:وعلى فكرة دوبني شوفت الموضوع :rolleyes:
|
رد: محتاج مساعدتكم يااخوان
الاخ الكريم وليد..
ليش مستعجل على الجواب ؟ لسا الدنيا برد .. انا يلي بعرفه ان الاردن مرتفعة التكلفة وفيها عدة منتجعات ،، و من ضمنها فندق البحر الميت العلاجي الذي يعنى بالمرضى ، طبعا أنا لم أجرب لكن كنت على وشك الذهاب.. و في كمان شاطئ عمومي و ارخص من الاقامة في الفندق بس وقتها رح تحتاج أنو تستأجر بمنطقة قريبة من البحر و كل يوم بتروح و بتيجي...لأنو على حد علمي انو مافي شاليهات.. و اذا بحثت عالنت رح تلاقي كل المعلومات عن الفنادق الموجودة و الأسعار حسب المواسم و ارقام التلفونات ...و كل شئ. بس سفاجا أرخص و فيها ميزات ايضا على حسب ماعرفت .. وبالاخير كله ماء بحر .. طيب.... انت قلت انو الصدفية رجعتلك بعد غياب سنتين ،، فممكن انت تفيدنا هالمرة وتخبرنا كيف غابت هالسنتين؟؟ لوحدها أو بعد اتباع علاج ما ؟؟ نسأل الله لك الشفاء و التوفيق.. |
رد: محتاج مساعدتكم يااخوان
حياك الله اخوى وليد شخبارك شعلومك وليد شسويت اللى خلى الصدفيه اختفت سنتين ليش ماتحاول تجرب نفس العلاج السابق الاردن بلد جميل وبارد ومياه البحر الميت مفيده لكثرة الاملاح فيها ولكن احذر ترى البلد بارد والاسعار تختلف |
رد: محتاج مساعدتكم يااخوان
اشكركم جميعا على تعاونكم انا جربت ادويه ونزلت موضوع لها قبل فتره في المنتدى الي جربتها قبل سنتين بس الوضع المره هذي اختلف لي الان 5 شهور تقريبا مواضب على الادويه وماجابت النتيجه المرجوه تختفي الصدفيات بس فيه صدفيات غيرها شغاله والمشكله عندي في الساق ام المصائب تقريبا ثلاث ارباع الساق صدفيه
انا رحت واستفسرت عن منتجع البحر الميت العلاجي ولقيت اسعارها مرررررررره رخيصه مقارنه بالوصف الي انتم وصفتوه لي ومقارنه بالادويه لان الدوا كل شهر كان يكلفني تقريبا 700 ريال والبحر الميت اقامة واكل وكل شي ب2200 لمدة اسبوع وانا راح اجرب ان شاءالله بعد اسبوعين وخصوصا اني اعرف ناس في الاردن يقولون الدنيا برررررررررد في عمان وشمال الاردن بس البحر الميت في الوقت هذا يقولون الجو خياااااال دافئ لابرد ولا حر وان شاءالله اني عزمت اموري وكلها فتره الاختبارات وان شاءالله مسافر وراح اقولكم التطورات الي تصير معي بس انا حاب اسئل هل الصدفيه اذا كانت عين ينفع معها العلاج او لا لاني حاس مليون في الميه انها عين بسبب الاعراض لانها لما تتهيج تسبب لي تنميل في الاطراف والم في البطن وسمعت كثير يقولون هذي اعراض العين على العموم انا راح اروح لشيخ نهاية الاسبوع وبعد اسبوعين من اليوم راح اسافر الاردن بأذن الله تعالى |
رد: محتاج مساعدتكم يااخوان
أخ وليد تقريباً السعر اللي ذكرته نفس تكاليف سفاجا أنا مارحت لكن معانا عضو راح أخونا شقران يقول انه أسعار القرية متفاوته حسب الدرجة وأقلها الدرجة العادية في اليوم للشخص الواحد61دولار يعني في الشهر 2000 دولار يعادل 8000ريال سعودي انت استخير وفكر انا لاني مرأة ولازم محرم ويدفع نفس سعري غير افكر في اولادي وعلى فكرة فعلاً الصدفية عين والاعراض اللي توصفه يجيني نفسها تماما لما تشد في الشتاء يارب يشفينا جميعا المهم طمنا على أخبارك والله يوفقك في الدراسة والعلاج ولما تقرر وتتعالج أكتبلنا تجربتك في موضوع مستقل يستفيدوا كل الاخوان والاخوات في المنتدى بنيتك الطيبة الله حيشفيك :o
|
رد: محتاج مساعدتكم يااخوان
اقتباس:
طيب اذا كانت عين فالعلاج بين ايدينا : المعوذات ،، آية الكرسي ،، والقرآن كله خير.. و أنت اقرأ على نفسك أيضا و لا تتكل فقط على الشيخ أو القارئ .. و حتى لو كانت عين فما المانع من العلاج ؟؟؟ بس في شغلة مهمة انو اذا لاحظت تحسن في البحر الميت فالمفروض تعمل حسابك ما ترجع حتى تتعافى تماما باذن الله ،، و الا ما بتستفيد شي.. و يا ريت لو تشوف لنا الوضع هناك بالنسبة للنساء، أنا كنت رح أروح لكن لما اتصلت على الفندق العلاجي و سألتهم اذا فيه امكنة خاصة للنساء قالوا لي لا .. فممكن تشوف لنا كيف وضع النساء المحجبات هناك ..! هذا اذا وجدت محجبات هههههه ،، لانو على حد علمي اغلب القاصدين هم من الغرب و لله الحمد. وبالتوفيق والشفاء ان شاء الله.. |
| الساعة الآن : 07:28 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour