ملتقى الشفاء الإسلامي

ملتقى الشفاء الإسلامي (http://forum.ashefaa.com/index.php)
-   علاج مرض الصدفية والامراض الجلدية (http://forum.ashefaa.com/forumdisplay.php?f=88)
-   -   صدفية الرأس وصبغ الشعر .. أرجو الإفادة .. (http://forum.ashefaa.com/showthread.php?t=90950)

mero22 12-01-2010 01:26 AM
صدفية الرأس وصبغ الشعر .. أرجو الإفادة ..
 
السلام عليكم ورحمة الله وبركاته ‏..
أنا مصابه بصدفية في أسفل رأسي و أريد صبغ شعري ..
فهل للصبغه تأثير سلبي على الصدفية ؟
أتمنى من خواتي اللي عندها صدفية وجربت الصبغه تقولي وش صار معها ‏..
وشكرآ عسى ربي يجزاكم آلف خير ..
]

فكرى دياب 12-01-2010 02:14 PM
رد: صدفية الرأس وصبغ الشعر .. أرجو الإفادة ..
 
اقتباس:
المشاركة الأصلية كتبت بواسطة mero22 (المشاركة 877789)
السلام عليكم ورحمة الله وبركاته ‏..

أنا مصابه بصدفية في أسفل رأسي و أريد صبغ شعري ..
فهل للصبغه تأثير سلبي على الصدفية ؟
أتمنى من خواتي اللي عندها صدفية وجربت الصبغه تقولي وش صار معها ‏..
وشكرآ عسى ربي يجزاكم آلف خير ..
]
أبنتى الفاضلة
سوف أجيبك على سؤالك
طبعاً للصبغة تأثير سلبى على الجلد وخاصة لو كان مصاباً بمثل الصدفية ..
ومن الممكن لك استخدام نوع معين من الصبغات التى تتأكدى من عدم أحتوائها على أى مواد كيميائية وتكون من مواد طبيعية ..
ولأن الجلد كما تعلمين يمتص جزء كبير من أى دهان نستخدمة وأذا احتوى على أى مواد مثيرة للصدفية فسوف تكون لها آثار جانبية خطيرة على الحالة
يوجد فى ألأسواق الكثير من المنتجات ألآمنة.. لك أن تبحثى عن أحداها وتستخدمية بطريقة آمنة ..
فى أمان الله
:_11:

reem50 12-01-2010 02:37 PM
رد: صدفية الرأس وصبغ الشعر .. أرجو الإفادة ..
 
ممكن تضعي الحناء وتضيفين اليها بعض الاعشاب لكي يميل اللون الى الاصفر مثلا بالبابونج المطحون او البني بالعفص المطحون وغيرها
ولكن من رائي ان تضعي مسحوق البربين اي بعد تجفيفه وطحنه يصبح علاج ممتاز مع الحناء

بنـ الكويت ــت 12-01-2010 04:14 PM
رد: صدفية الرأس وصبغ الشعر .. أرجو الإفادة ..
 
انا انا ييتج :d
ياحبي حق صبغ الشعر
انا اصبغ لما تكون صدفيه راسي قشوور وعادي ماأثّر
بس اذا كانت ملتهبه او شي لا مستحيل !

بس عموما انا اتكلم عن نفسي الحمدالله ماتتأثر من الصبغ صدفيتي ..

بس بقولج شغله الصبغ ترى يحطونه على فروة الراس !
اما الاوكسجين لا يبعدون شوي اذا كنتي بتشقرين

انصحج اذا كانت صدفيتج قشريه هاليومين حطيلها زيوت سواءزيتون او خروع
كلهم بفيدون عشان يوخرون لقشوور

والله يشافيييج ..

nada1000 13-01-2010 12:13 AM
رد: صدفية الرأس وصبغ الشعر .. أرجو الإفادة ..
 
سلام بنت الكويت وينك هده الايام صرك زمان ما بينتي شلونك طمنيني عنك ويش اخبارك هده بالغة الكويتية .

mero22 13-01-2010 03:06 AM
رد: صدفية الرأس وصبغ الشعر .. أرجو الإفادة ..
 
مشكوووورين جميعاً ع الردود ..

بنت الكويت أنا ناوية أقول للكوافيرا تبعد الصبغة عن مكان الصدفية لانها اسفل الراس ما راح تضر ان شاء الله بس امي خوفتني قلت اشاوركم الحين بوريها كلامك ان الوضع عاااااااادي لان الحين صدفيتي موو ملتهبة بالعكس الالتهاب راح ..

أنا بصراحة اول مرة تجيني صدفية الراس صدفيتي كانت فقط بالمفاصل ..
حتى الإستشوار صاير يأذيني الله يعين ..

بس الدكتورة وصفت لي شامبو اسمة بولي تار روعه مررررره حسيت بالفرق يوم استخدمته..

جربية يمكن يساعدكـ ويخفف صدفيتك ..

ومشكورين جميعااااااااا ..

بنـ الكويت ــت 13-01-2010 04:55 PM
رد: صدفية الرأس وصبغ الشعر .. أرجو الإفادة ..
 
اقتباس:
المشاركة الأصلية كتبت بواسطة nada1000 (المشاركة 878503)
سلام بنت الكويت وينك هده الايام صرك زمان ما بينتي شلونك طمنيني عنك ويش اخبارك هده بالغة الكويتية .
وعليكم السلام والرحمه

ظرووف والله :(
صحتي متدهوره شوي والدراسه تعب والله
الله يعين ويسهل ان شاء الله

شخبارج ** مو ويش اخبارك هذيل اخوانا السعوديين :p

االحمدالله

انتي كيفك ؟ :ppu

وكيف الجو عنكون بلبنان ؟؟

تصدقون احنا الكويت عندنا دفا :confused: !
والاسبوعين الي فاتو ورب الكعبه لما اسوق السياره اشغل المكيف من الحر !

بنـ الكويت ــت 13-01-2010 04:58 PM
رد: صدفية الرأس وصبغ الشعر .. أرجو الإفادة ..
 
اقتباس:
المشاركة الأصلية كتبت بواسطة mero22 (المشاركة 878542)
مشكوووورين جميعاً ع الردود ..

بنت الكويت أنا ناوية أقول للكوافيرا تبعد الصبغة عن مكان الصدفية لانها اسفل الراس ما راح تضر ان شاء الله بس امي خوفتني قلت اشاوركم الحين بوريها كلامك ان الوضع عاااااااادي لان الحين صدفيتي موو ملتهبة بالعكس الالتهاب راح ..

أنا بصراحة اول مرة تجيني صدفية الراس صدفيتي كانت فقط بالمفاصل ..
حتى الإستشوار صاير يأذيني الله يعين ..

بس الدكتورة وصفت لي شامبو اسمة بولي تار روعه مررررره حسيت بالفرق يوم استخدمته..

جربية يمكن يساعدكـ ويخفف صدفيتك ..

ومشكورين جميعااااااااا ..
ئيي نصيحه بس اخاف تقوليلها صدفيه وتخترع :ppu
قوليلها وخري شوي احسن عشان اخاف تحوشني حساسيه او شي

مالوم امج ، نفس امي عندنا وعندج خير :ppu
امي ماتحب اصبغ بس تحب اهي تصبغ :ppu وانا عاد غرامي حتى لما اعالج بامريكا اصبغ شعري :10:

ئي والله انا اذا صدفيه عادي بالاستشوار بس اذا التهبت مشكله والله
افكر اسوي يوكو ولا كيراتين ! عشان افتك اذا التهبت شهبّب بشعري
اروح الجامعه جذي يخترعون الاوادم :ppu بعدين محد يداوم بسبتي لووول


جربي شامبو دوكراي عجيييب ّ وحتى الامبولات ملوته روعه يشيلون لقشور

ابيض ومكتوب بالكحلي دوكراي عندكم بالسعوديه موجود بعد

ويلا ان شاء الله يطلع نيوو لوك حلوو
واذا اللون طلع حلو ضروري تبلغيني :ppu

بوسطن 14-01-2010 11:54 PM
رد: صدفية الرأس وصبغ الشعر .. أرجو الإفادة ..
 
وجهة نظرى عالجوا الصدفيه افضل
من الصبغ حتى لاتهيج


الساعة الآن : 09:41 PM

Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour


[حجم الصفحة الأصلي: 12.83 كيلو بايت... الحجم بعد الضغط 12.26 كيلو بايت... تم توفير 0.57 كيلو بايت...بمعدل (4.42%)]