السلام عليكم ورحمة اللة وبركاته
كيف حالكم وان شاء الله اموركم طيبه
حبيت انصح الاخوان والاخوات الطلبه واللي يدرسون عيالهم اللي موباقي الافتره بسيطه للاختبارات أخر العام
لاتجهدون نفسكم وتعبون نفسياتكم والارتباك والمحاتاة الكل راح ياخذ نصيبه وتحصيله والامور ماشيه والاختبارات جايه لامحاله
بس يبيلها طولت بال وراحه نظمو وقتكم وعدم التفكير كثيرا وتاكلون بأنفسكم
حتى لاتنتكس صحتكم على حساب نفسيتكم وتثور عليكم الصدوفات الان اللي من الله عليهم بالشفاء واللي خفت عليهم شوي
الان هي بالمرصاد تنتطر دعوه شخصيه منكم وتطلب العوده إلى قواعدها :D(الركب والاكواع وووو)
ولاكن كونوا لها بالمرصاد ابتعدوا عن كثرة التفكير
عليكم بالاتي الدارسين خاصتا الثانويه العامه وطلبة المدارس وووو
نظمو وقتكم خلو بالكم من المنبهات اللي مالها داعي
عليكم بشاي منعنع وعصير ليمون بنعاع :)ومطلوب منكم عدم السهر كثيرا
في المساء لان هالفتره سبحان الله نمو خلايا المخ على ما قريت والله العالم
وبالنسبه للامهات اللي يدرسون عيالهم لاتكثرو من الصراخ;) والضرب خاصتا الاولاد الله يعينها مو مثل دراسة البنات أهون
كلنا نصرخ ونهاوش نبي عيالنا احسن من غيرهم والكل يتمنى ذلك دون شك ويصيرحالة طوارئ بالبيت كل هذا ماله داعي عليك الان تلخيص الكتب في مذكره وخليهم يحفضون بعدها سمعي لهم وشربي شاي بنعناع دون صراخ ونرفزه وعوار راس وحكه بالجسم وحرقان بالمعده وانتفاخ بالقولون العصبي كل هذا ابتعدي عنه لانه انتى مو ناقصه اوجاع وامراض اللي فيكم مكفيكم
برودة أعصاب اقول اذا حطيتي في بالك إن النرفزه والصراخ وحرقان دمك ترجع اجداد صدفيتك بهالحظه محد بنافعك لاولد ولا تلد تنامين مقهوره وصوت مبحوح وحكه بالجسم وصدوفه بتلمع وتقول رايحين لفلانه أو فلان لانهم مقهورن ونايمه متنرفزه من العيال
واذا كلمك ابوهم انفجرتي بوجهه بالصراخ والنكد عليهم جميعا
بهالوقت تتحسفن وتندمين كثيرا
بس بعد ماذا ؟؟؟؟؟؟
لانتى مرتاحه ولا مريحه العائله بمرضك

نصيحتى لكم وانتباه :rolleyes: (( النتيجه جايه والصدفيه راده))انتبهو لصحتكم وعافيتكم ومالكم الا اللي قاسم ربكم لكم
واتمنى لكم النجاح والتوفيق لكم ولابنائي والله لايضيع تعبكم
وموفقين إن شاء الله نسمع اخبار حلوه
ويصير نجاح بتفوق وتحصيل عالى:D:D:D
بإذن الله تعالى

شكرا لمروركم جميعا
صحيح كلامك يا خاله ريم انا كنت بالسابق اخلي البيت مكهرب احاتي وافكر بمسقبل العيال
ولاكن خذيت موقف مع نفسي اني ما اهتم كثيرا مثل السابق اللي الله كاتبه لهم راح يصير وريحت بالي حتى هم يقولون امي مومثل اول تصرخ علينا يالله درسو لاتشوفون التلفزيون نامو مبجر لاتسهرون كل هذا شلته ولاغيته
الان احب نفسي كثيرا لان محد نافعني حتى اقرب الناس لي
وبهالطريقه نجحت بتفوق ومع مرتبة الشرف على القضاء على صدوفتي الله لايردها
علشان جذي حبيت اذكر الاخوان والاخوات عن تجربتي
وجزاكم الله ألف خير

بارك الله فيك اختى ام ناصر جزاك الله الف خير
دائما حريصه على رواد المنتدى بنصائحك المميزه
لك جزيل الشكر والتقدير

سطرتي لنا كلمات رائعه كالعاده

بس يم نصور يقولون تغير جبل ولا تغير طبع ...مدري المثل كذا صح ولا انا حرفت فيه شوي ان كان ذلك فأستبيح القائل عذرا

المهم ان.... طبعنا كل مابداء العد التنازلي بالنزول كلما ارتفع معدل الضغط لحين ساعه الصفر ثمن وقتها ...معاد اقدر اكمل لأن الموقف فوق الوصف


دعوااااااااااااتك يالغاليه ويابخت اللي مايدرس

أحسن مافعلت يالغالية أم ناصرررر
المهم صحتك وصدوفتك الله لايعيدها عليك وعلينا جميعا ,,أنا ألان اتبع نفس سياستك أطنش على رايكم حتى الكلام الي يجيب وجع الرأس لي ساستمر بهذا لان الصدوفة المحترمة تحتاج لراحة النفس فعلا
جزاك الله الف خير