دكاتره آخر زمن
السلام عليكم عندي مشكله محيرتني وماني عارفه لها حل ان شالله يكون الحل على ايدكم بسم الله من كم يوم لاحظت ان شفايفي صايره جافه و بدت تتقشر:king:الموضوع سبب لي شي من الرعب,,,خفت ان الصدفيه ناويه تفتح لها فرع جديد...طبعا المكان غير مناسب عشان كذا رحت للدكتوره وياليتني ما رحت...شرحت لها مشكلتي وبعد ما خلصت قالت لي من متى عندك اكزيما في ايدك!!!!!!!!!!! اي اكزيما يادكتوره هذي صدفيه قالت لا هذي اكزيما حاده:confused: وكتبت لي العلاج التالي Daivonex وAcretin و حبوب فيتامين A ...وطبعا مشكلتي الأساسيه ما اهتمت فيها....دكاتره آخر زمن:mad:طبعا الورقه رميتها ولا استفدت غير الحيره وتشتيت الباااااال سؤالي لكم ...ابى آخر كلام اللي عندي صدفيه ولا اكزيما؟؟؟؟وكيف اتأكد |
رد: دكاتره آخر زمن
شكلها مهوية هاي الدكتورة اختي الله يعينا ش راح نشوف
|
رد: دكاتره آخر زمن
اختي عليج بفيتامين a
ومرطب الشفايف طلعيه واخلطيه مع فازلين وعسل وزيت بابونج من كل نوع نصف ملعقه صغيره واخلطيه زين ورجعيه للعلبه حقت المرطب وادهني منه كل يوم |
رد: دكاتره آخر زمن
مشكور اخوي الوايلي هذي المشكله الأولى وخلصنا منها ...لكن المشكله الأكبر والأهم كيف اعرف ان اللي عندي صدفيه ولا اكزيما؟؟؟؟ الدكتوره تقول اكزيما حاده ,,,وحسب معلوماتي المتواضعه ان الاكزيما الحاده تسبب آلام تقرحات وصديد في الجلد ...وهذي المواصفات مو عندي ,,,اللي عندي الجلد يكون لونه وردي بقشور بيضا تميل للفضي ...وهذي مواصفات الصدفيه ,,,كيف صارت اكزيما؟؟؟وبعدين العلاج اللي كتبته لي كانو كاتبينه لي دكاتره من قبل للصدفيه ,,,كيف تكتب لي نفس العلاج وتقول اكزيما !!! يعني الدايفونكس والأكرتين يعالجون الصدفيه والأكزيما؟؟؟؟؟؟ يعني معقوله دكتوره تدرس طب سبع سنين ما تعرف تفرق بين الصدفيه والأكزيما؟؟؟ |
رد: دكاتره آخر زمن
اقتباس:
والله يا اخ مقدادي مهويه ولا منسمه المهم انها ماسوت فيني خير وبس |
رد: دكاتره آخر زمن
السلام عليكم
اختي الحل موجود وعلاج واحد لكل المشكلتين ان شاءالله صدفيه كانت او اكزيما خوذي عشبة الجعده والمنقيات للدم والمسهل واي وصفه للدهان اللي كتبتها للاخوان وان شاءالله تشوفين العافيه وتدعين لي باذن الله |
رد: دكاتره آخر زمن
الله يعافيك و يهديك، الجلدية من أصعب فروع الطب، و لذلك يحتاج طبيب خبير للتشخيص، و لا يمكن التشخيص بالوصف، ضروري أن يشاهد الطبيب الخبير بأم عينه هذه الآفة، و للمعلومة: يصبح التشخيص صعباً حتى على الطبيب الخبير إذا كان المريض قد عالج الآفة بأي نوع من المراهم و خاصة الكورتيزونية، لأنها تبدل صفات الآفة التي يحتاجها للتشخيص.
الخلاصة: إذا لم تُشفَ الآفة من تلقاء نفسها أو مع أي علاج استخدمته، توقفي عن اي علاج لفترة لا استطيع تقديرها (حتى يعود منظرها كما كان أول ظهورها) ثم استشيري طبيباً آخر لعله يكون أكثر خبرة، و لا تغرك الأسماء الطنانة. أما عن الطب في آخر زمن.... فليتهم يسمحون لي أن أكتب ما عندي (و أنا طبيب) فرأيي أن يغلقوا كلية الطب، ويعيدوا فتحها كقسم في كلية التجارة، و الله المستعان. |
رد: دكاتره آخر زمن
عليك بشرب الماء بكثره والترطيب بنسبه لمعرفة النوع انصحك اسئلى اكثر من دكتور ياريت يتم توضيح حالتك لربما نساعدك ونحدد مرضك سلامتك لك الاجر والثواب |
رد: دكاتره آخر زمن
جودينا كيف حالك الصدفيه : تعريفا انها يوجد على شكل دوائر ومقاسات مختلفه وعليها قشور بيضاء الاكزيما فيها تشققات بالعرض وليس لها قشور ولاكنها تميل للون الاسمر بين التشققات ولا تعورين راسك يالغاليه كلهم تحت بند ((مرض جلدى غير معدي )) والله كانت لي صديقه 47 سنه الاكزيما ماكله يدها تخيلي يدها اليمين من 3أصابع لين الاصبع الصغير ومتفرعه وماسحه معها الكف من فوق اليد وصله وحده ومتشققه وعلى طول تحك يدها وكنت بوقتها استخدم الدهيميه والله طلبت منها ان تشتري الخلطه وعلمتها عليه والله ثم والله لوتشوفين يدها سبحان الله اللي غير ما تغير صار لونها يميل للون الجلد وكانت تقولي والله كل ما شفت ايدي دعيتلج صار لها أكثر من 6أشهر تستخدمها وعلى فكره في يوم اتصلت على قالت نسيت اسم الزيوت كل من شاف ايدي شنو استخدمتي كذا وحده عطتها خلطة الدهيميه وما فيهم الا العافيه عليج بالاتي يا جودينا اسمعي نصيحتى 1- جربي خلطة الدهيميه كل يوم أكثر من مره وحطي حول شفايفك 2- واذا انتي الان تشربين الزنجبيل وقفيه وعلى فكره الصدفيه والاالاكزيما تزيد بالشتا ما باقي على شهر مارس وما تشوفين شر |
رد: دكاتره آخر زمن
كلامج ذهب ياام ناصر الله يسلمك ويخليك
وانت حبيبتي جودينا ماتخسرين شي استعملي خلطة الدهيميه بتركيز يعني خذي الموضوع بحماس استخدمي بس على اليد حتى انشوف الفرق وتسلمي من كل شر |
| الساعة الآن : 01:49 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour