ملتقى الشفاء الإسلامي - بتذاكر وعاوز تاكل وخايف تضيع وقت؟..اذا ادخل هنا بسرعة

السلام عليكم ورحمة الله وبركاته

الى كل اخوانى الطلاب والطالبات اللى بيذاكروا
اوقات بتبقوا سهرانين بلليل وتشعروا بالجوع اثناء المذاكرة
وطبعا مابتبقوش عاوزين تصحوا حد عشان يعملكم أكل
وفى نفس الوقت مش قادرين تقوموا عشان المذاكرة
اذا الحل هنا

دى بعض الاكلات السريعة اللذيدة والجديدة اللى هاتخليكم تدخلوا المطبخ فى وقت أقل وترجعوا تذاكروا وانتم واكلين وشبعانين وتمام التمام.

الاكلات دى تعتمد على اللى موجود فى البيت لا غير
وطبعا احيانا تملون من الطعام التقليدى والسندوتشات وتريدون اكلة جديدة وبدون
وقت وجهد.

أول أكلة معانا هى:

بيتزا البيض المقلى

المكونات:
عدد 2 بيضة
1 حبة طماطم
1 حبة فلفل رومى
5 حبات زيتون أسود
2 حبة زيتون أخصر ان وجد
4 اعواد بقدونس
2 شريحة جبنة رومى كبيرة

نضع الزيت او معلقة الزبد الصغيرة على النار
ثم نحضر طبق كبير ونضرب به البيض ونضيف عليه الطماطم والفلفل والزيتون المقطع ثم نقطع البقدونس ولا ننسى اضافة الملح الخفيف جدااا عشان الجبنة الرومى
ونضع الفلف الاسود ورشة نعناع بسيطة
واخيرا نضيف الجبنة الرومى ونفتتها جيدا على البيض
ونضيف المحتويات كلها فى الزيت او الزبدة
وننتظر حتى يعمل البيض شكل قرص كبير ونقوم بقلبه الناحية الثانية
ثم ننتظر قليلا ونهدىء النار ثم نحضر طبق ونطلع البيض عليه
وبكدة هايكون معاكم شكل البيتزا ولكن بالبيض
وتأكل بالعيش الشامى او الفينو او البلدى حسب الرغبة
وبألف هنا وشفا
ونرجع نكمل مذاكرتنا

وصفات سريعة

1- ضع الجبنة الرومى او الموتزريلا فى عيش فينو او شامى ومعها شرائح اللانشون او البيف
وضعها فى الميكرويف او الفرن وانتظر 10 دقائق على نار عالية.وأخرجها وتمتع بطعم السندوتش الرائع.

2- ضع معلقتين من طحينة زيت السمسم على الجبن القريش واهرسها بالشوكة جيدا وضيف اليها معلقة زيت زيتون او ذرة وضيف اليها
معلقة نعناع مفروك ومعلقة شبت صغيرة.
وتمتع بالطعم الجديد للجبنة القريش.

3- قطع السوسيس او السجق الى قطع صغيرة
وضيف عليه شرائح الزيتون الاسود والطماطم
والفلفل وبعض البصل وضع معهم ملعقة زيت
كبيرة وضعهم على النار وقبل الانتهاء من طهيهم بخمسة دقائق ضيف ملعقة صلصة كبيرة
ثم ملح وفلفل وملعقة زعتر ان وجد.
وتمتع بطعم السوسيس بالصوص الشرقى.

4- ان وجد بطاطس مسلوقة قم بوضع البيض عليها واضربهم جيدا وحمرهم فى الزبد او الزيت وضيف جبنة رومى على وجه الطبق.

5- قم بوضع ملعقتين مسطردة كبيرة وملعقة مايونيز إن وجدوا على طبق التونة(ممكن وضع ملعقة طحينة) وقطع عليهم الفلفل والبصل والطماطم ماعدا الخيار لانه يعطى طعم كريه للتونة وقلبهم جيدا وضيف قطرات الليمون والفلفل الاسود.

بعض اضافات الفول
ممكن ان تضيف الى الفول ما يلى

1- البيف او اللحمة المفرومة
2- البيض المسلوق المقطع
3- الخضروات مع ليمونة وملعقة خل تفاح
4- طحينة زيت السمسم
5- ضع الثوم المهروس فى زيت على النار وضيف صلصة الطماطم وقطع الطماطم الصغيرة ثم ضع الفول عليهم وبالهنا والشفا.

وبكدة هاتكون تناولت اكلات جديدة وبأقل تكاليف
وفى وقت محدود جداا
وهيا الى مكتبك لتستكمل مذاكرتك