ملتقى الشفاء الإسلامي

ملتقى الشفاء الإسلامي (http://forum.ashefaa.com/index.php)
-   علاج مرض الصدفية والامراض الجلدية (http://forum.ashefaa.com/forumdisplay.php?f=88)
-   -   بنات.. ساعدوني (http://forum.ashefaa.com/showthread.php?t=65006)

saroona-84 04-02-2009 11:38 PM

بنات.. ساعدوني
 
ادري موضوعي شوي محرج عشان جذي ناااديتكم خوااتي
مثل ماتعرفون انا حساستي بايدي اكثر شي واحيانا تخف وايام تزيد
وأكثر شي يضيق خلقي لما تزيد مابي احد يقرب مني..
يعني مثلا قبل جم يوم زوجي راح يلعب كرة ورجع تعبان وقالي تعالي سوي مساج لظهرة لانه يعورة اهني انا اتضاااايق (اذا كانت زايدة ومتشققه واذا خفيفة عاادي اسوي) وتصك فيني الدنياا واكرة نفسي:049: واتعذر باي عذر اقول تعبانه او ظهري يعورني او مالي خلق او اقولة بروح اسوي عشا المهم اتهرب منه باي طريقة مع انه كاسر خااطري:mad: .. تحملوني اليوم امر بمرحلة فيض مشاااعر
شرايكم بتصرفي؟؟ لو مكاني شتسوون او شتقولون؟؟؟ ام ناصر ساااعديني انتي والبنات :confused:
سبحان الله .. الله له حكمة بكل شي ياخذ ويعطي.. ومثل ماتضايق من الحساسية احيانا , اعتقد احيان اخرى انها سبب بتقربي من الله وسبب لحب زوجي لي زيادة لان لو مافيني اكزيما كان شفت نفسي علية ( شسوي مغرورة بجمالي :D)اتغشمر يعني امزح..

بسمـــة 05-02-2009 12:07 AM

رد: بنات.. ساعدوني
 
حبيبي سارونة
اذا تحبية سوي له شسوين مافي فكة هههههههههه
لابجد اضغطي على نفسك شوي اوالبسي قفاز
يمكن يكووون تعبان ومحتاجك لبيله طلبة والله يكووون معااك
ياقلبووو انا مو مزوجة يمكن حيل ذابحتني الرومنسية :cool:
انت شوووفي راي ام نصوررر
وباقي البنات المتزوجين يمكن رايهم غيروانا هذا راي مش حتنازل عنه ابدااا :ppu
:eek::eek::eek::eek::eek:


نجمة الملتقى 05-02-2009 01:47 AM

رد: بنات.. ساعدوني
 
بسووومه يالرمنسيه انتي
يا اختتى سارونه ماشالله تبارك الرحمن اهنئك على حب زوجك لك والله يسعدك ويوفقك معه
بلعكس اختى حاولي قد ما تقدري ارضي زوجك انتي حطي ببالك او وقت يطلب طلب منك فكري شوي وقولي هو الله يعطيه العافيه ما قصر معي وشايفني اجمل النساء حتى لو معي صدفيه
واذ على المساج دهني جسمك بفازلين علشان ما تكون مشدوده يدك وما افضل تلبسين قفاز

وماادري على قول بسوومه انا مو مزوجه يمكن ذابحتى الرومنسيه
والله يسعدك يارب
يالله يا متزوجات ادلو بدلوكم

أم ناصرررر 05-02-2009 10:46 AM

رد: بنات.. ساعدوني
 
فضفضي يا سارونه خليج عادي اكيد زوجك عارف ان فيج حساسيه باليد
مره ثانيه اذا طلب وأنا اختج دهني ايدك طبعا المساج يبي دهن حطيله طبقة فازلين منها يرتاح ومنها تسوين مساج لدياتج
إحمدى ربج انتي اشوى في ايدك وشتقولين اللي منقط جسمه كإنه لابس ثوب منقط
والله شنسوي حكمة ربنا مالنا ذنب
حطيفي بالج مافي حرج بين المره وزوجها عادي ريلكس ياقلبي
وبالشفاء

saroona-84 05-02-2009 02:44 PM

رد: بنات.. ساعدوني
 
حبيباتي خواتي اللي رديتوا على ماقصرتوا رفعتوا معنوياتي شوي..
ام ناصر الله يعطيج على قد نيتج صح الموضوع كان فضفضة مو اكثر.. ولا اهو مسكين بعد جبدي مايقصر معاي.
الأهم من هذا ان انا الفترة اللي طافت كنت مهملة حيل ولا ادهن الحين شادة حيلي وكل شوي ادهن وارطب واشرب هالمر
وانشالله ربي يشافينا كلناااا..

reem50 05-02-2009 10:35 PM

رد: بنات.. ساعدوني
 
هل جربتي الماء الساخن يمكن فيدك وخاصة باليدين تكون سهله
ويايمه ياسارونه الحب اعمى ولو حافظتي على الحب الكبير اللي بينكم
اكيد هو يقدر حالتك وتقدرين تشرحيله
وان كان مايضرك التدليك دلكي يستاهل
وربي يديم الحب والرحمه اللي بينكم يارب

ابو سلمى الوايلي 06-02-2009 03:40 AM

رد: بنات.. ساعدوني
 
وصفه مجربه لخبير اعشاب

أختي ضعي ايدينك في منقوع مغلي لحاء البلوط وسوف ترين الراحه ان شاءالله
أو

1. زيت حبة البركة 10مل مطهر ، ومضاد للجراثيم
2. زيت زيتون 20مل زيت حامل للتركيبة ، ومغذي للبشرة
3. عصير ليمون 5مل قاتل للجراثيم ، ومطهر للبشرة
التحضير : يخلط الصنف الأول والثاني جيداً حتى يمتزجا ثم يضاف إليهما عصير الليمون ، ثم يوضع في قارورة للاستعمال

الاستعمال: ترج القارورة قبل الاستعمال ثم يدهن منها صباحاً ومساءً مكان الإصابه وهي تعالج الصدفيه ايظا ان شاءالله

(تركيبة منقية للدم)
1. ميرامية 20 غرام منقيه للدم ، مطهره ، ومضاده للجراثيم
2. زعتر 5 غرام يحتوي الزعتر على مواد فينوليه(الثيمول ، الكارفكرول) ، وتحتوي على مواد قابضة ، مهمة في تنقية الدم داخليا والتئام الجروح
3. ثمر العرعر 20 غرام يحتوي على زيوت طياره ومواد أخرى تعمل على تنقية الدم
التحضير: تطحن الأصناف جميعها وتخلط جيداً
الاستعمال: يشرب كالشاي مرتين في اليوم بعد تصفيتها وتحليتها إما بعسل أو سكر

saroona-84 06-02-2009 08:56 AM

رد: بنات.. ساعدوني
 
مشكوره ياريم على هالنصايح الحلوة وابشرج الامور طيبة الموضوع كان مجرد فضفضة لكم حبيباتي
الوايلي الله يجزاك الف خير وماقصرت بس اول مرة اسمع عن خلطة منقية للدم .. صح كلامك انا متاكدة ان العلة بالدم.. في احد جبره هالخلطة ونفعت معاة؟على العموم انا دايما اشرب مرمية وزعتر بس العرعر اول مرة
بارك الله فيك اخوي وبيض الله وجهك..كفيت ووفيت

ابو سلمى الوايلي 06-02-2009 02:31 PM

رد: بنات.. ساعدوني
 
امين اجمعين

اختي لو كل واحد اخذ من الوصفات اللي حطيتها وجربها مع اعشاب تنقية الدم ستنتهي المشكله باذن الله
وهي مجربه مجانيه ونافعه
والوصفات هي لدكاتره بالطب البديل وخبرة شياب طب بدو

ولكم الحريه

قطرةندى 07-02-2009 11:42 AM

رد: بنات.. ساعدوني
 
سلامتــــــــــكسارونا ,,,
الله يعينك والله صعب ,,,,
بس ,,,المشاعر صعبه ,,,وصعب يحس الواحد انة ماهو قادر,,,
بالتوفيق,,,جربي الترطيب على طول ,,,


الساعة الآن : 06:37 AM

Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour


[حجم الصفحة الأصلي: 13.78 كيلو بايت... الحجم بعد الضغط 13.27 كيلو بايت... تم توفير 0.51 كيلو بايت...بمعدل (3.72%)]