ملخص عن 20 يوم في سفاجا
الـســـلام علـيـــكم مسائكم جنه وراحه بال وشفاء بإذن الله حبيت اكتب لكم عن تجربتي في سفاجا استجابه لطلب لأستاذي سيد عبد العال ولو اني تأخرت عليه كثير لكن المعذره في البدايه تعرفت على سفاجا من موضوع 27 عام للأستاذ سيد عبد العال هذي التجربه شدت انتباهي لأنها التجربه الوحيده اللي ماجربتها اما الخلطات والأدويه العشبيه والطبيه ...الخ جربت منها الكثيييييير لكن تقريبا مافادتني بشي خبرت الوالد بالموضوع واقترحت السفر لسفاجا فما كان منه الا الموافقه الله يجزاه خير تمت امور السفر بسهوله ولله الحمد ثم وصلنا وكانت القرى العلاجيه محجوزه بشكل شبه كامل اجرنا شقه قريبه من البحر وبديت اطبق النظام بنفسي اروح للبحر ثم اتشمس في السطوح ولأن صدفيتي في الأماكن الظاهره الكفين والقدمين كان التشميس سهل بالنسبه لي والحمد لله في البدايه ارتكبت شويه اخطاء ثم قدرت اعدلها مع الأيام النتيجه :الأسبوع الأول كان عادي مافي اي تغيير الأسبوع الأسبوع الثاني بدا ظهور تحسن خفيييف ما بعد الأسبوع الثاني صار التحسن واضح اما الأيام الأخيره كان التحسن يظهر يوم عن يوم كانت النسبه النهائيه للتحسن فوق 30% في مده20 يوم ولولا مداهمه رمضان كان زادت المده شفت انواع كثيره من الصدفيه وناس متعافين تماما لكن يجون بعد كل 3 او 4 سنوات للوقايه وناس عندهم صدفيه وسبق وان جو لكن ما التزمو بالمده الكافيه للعلاج وناس عندهم صدفيه لكنهم زوار جدد واذا رحت المره الجايه راح آخذ الوقت الكافي للعلاج ان شاء الله اما السلبيات استاذي سيــد ماشفت سلبيات تذكر ان شاء الله ماكون نسيت شي في امان الله |
مشكوره جودينا |
اي والله انس صازه يا اخت جودينا يوم انس تروحين وحنا على السيرفر القديم ان شاءالله المره الثانيه تقضين عليها
|
مساء الخيراااااات اختي جودينا ان شاء الله المره الجايية تطلعين بالنتيجة اللي ترضيك ووتتشافين منها نهائيا.. اللهم اااااامين |
ابنتى المحترمه جودينا اولا الف حمدا لله على سلامتك وان شاء الله تكونى اديتى امتحاناتك على خير وجه ويكون النجاح الدائم من نصيبكثانيا شاكر فضلك بعرض تجربتك فى سفاجه وكنت طلبت منك وضع الايجابيات والسلبيات حتى يكون الجميع فى الصوره حتى اذا رغب احد بالذهاب يكون كل شيئ واضح سؤال هل تعتقدى انك لو استمريتى 10 او 15 يوم اخرى كنتى شفيتى سؤال هل ارتحتى نفسيا لما رأيتى حالات شفيت تماما وعادت للوقايه سؤال هل هذا التحسن كان يصحبه اى دهانات معروفه سؤال هل من تجربتك تودين او تنوين تكرارها فى المستقبل القريب او البعيد |
اقتباس:
شرفني مرورك اخوي طائر جريح ولا شكر على واجب |
اقتباس:
ايوووووووه ابو الهجاهيج عليك نور وقتها كان المنتدى بين سيرفرين وانت كنت تنادي للسيرفر الجديد وتعلمنا كيف ندخل الله يعطيك العافيه |
اقتباس:
من بؤك لباب السما بسومه ولو بتروحين معي الله يحييك |
ابنتى المحترمه جودينا اولا الف حمدا لله على سلامتك وان شاء الله تكونى اديتى امتحاناتك على خير وجه ويكون النجاح الدائم من نصيبك الله يسلمك يا أستاذ ويتقبل دعواتك الطيبه واختباراتي زينه والحمد لله وآسفه عـ التأخير ثانيا شاكر فضلك بعرض تجربتك فى سفاجه وكنت طلبت منك وضع الايجابيات والسلبيات حتى يكون الجميع فى الصوره حتى اذا رغب احد بالذهاب يكون كل شيئ واضح سؤال هل تعتقدى انك لو استمريتى 10 او 15 يوم اخرى كنتى شفيتىالفضل لله ثم لك ياأستاذ ولا انا ماتفضلت بشي اما الإجابيات تقريبا كل حاجه شفتها هناك كانت طيبه من حيث المعامله معروف الشعب المصري بالذوق والأخلاق العاليه وسكان المنطقه مو كثير ومتعاونين ومحترمين اما الأسعار فهي مناسبه للجميع اما عن السلبيات ماشفت شي لفت نظري ولو تذكرت شي بعدين راح اذكره خلينا نقول شهر مع العشرين يوم ان شاء الله بتكون كافيه وزياده سؤال هل ارتحتى نفسيا لما رأيتى حالات شفيت تماما وعادت للوقايهاكيد تفائلت كثيييير بعد ماشفتهم حسيت انه هناك راح يكون علاجي بس لازم آخذ الوقت الكافي سؤال هل هذا التحسن كان يصحبه اى دهانات معروفهماكنت استعمل غير الفازلين اذا حسيت بالجفاف واغسله قبل ما اروح للبحر بحيث ما يكون عازل مابين الجلد ومويه البحر سؤال هل من تجربتك تودين او تنوين تكرارها فى المستقبل القريب او البعيدالحالات اللي شفتها حفزتني اعيد التجربه مره ثانيه وان شاء الله ربي يسهل واعيد التجربه السنه الجايه هذي التجربه مفييييده لعلاج الصدفيه اذا اخذت الوقت الكافي للعلاج اما اذا شفت التحسن ورجعت مراح تستفيد |
نسيت اقول لكم ان هذي التجربه تسمممممر البشره |
| الساعة الآن : 08:00 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour