ابي مساعده من اهل الرياض
 

اهلين ...
ممكن تدلوني من وين اجيب بول الابل بالرياض ؟؟

هلا نونو
شوفي وانا اختس طريق الجنادريه فيه شبووووك كثير للبل
مري على اي واحد من هالشبوك واطلبي منهم ومايقصرون بس لازم يكون بول ناقه بكرا يعني صغيره بالسن .. وربي ييسر امرتس
وبعد ماتخلصين كملوا طريقكم واكشتوا بحدا هالطعوووس الجو هالايام ما ازين منه :ppu

المشكله يامزوح ابقعد احتريها "الناقه" لين تتكرم ولاتهقين اوصيه وارجع له من بكره بس بصراحه مااثق بهالعماله..

ههههههه متخيله بس شكلك نونو وانتي حاطه يدك على خدك تحترينها تكرم :ppu

لا انتي وصيهم ومن بكره تعالي اخذيه وكله بذمتهم .. انا والله ابوي كان كذا يسوي ويحلف العامل انو يكون زي ماطلب .. والله بول الابل مره ممتاز بس اني ماقدرت استمر عليه ريحته شقت خشمي ;) خصوصاً ريحته بالشعر تطول ماتروووح والمشكله مانقدر نبخر والا نحط خمريه بسبب هالصدفيه الخااايسه :049:

ان شاء الله تحصلينه ويكتبلك ربي الشفاء فيه.

اختي لهم طريقه في جعل الناقه وانتي بكرامه تبول غصبا عنها ... يمسك بذيلها على طول تعملها !!!!!!!!!!!

مشكور اخوي مزاح على الطريقه
والله يكون في عوننا
بس بغيت اسالكم
انتم بتستخدمون اي خلطه ؟
انا ودي استخدم خلطت الدهيميه احسها داخله مخي وش رايكم؟

:king: أول مره اعرف هالمعلووومه مشكور اخوي سعد

اقتباس:

مشكور اخوي مزاح على الطريقه والله يكون في عوننا بس بغيت اسالكم انتم بتستخدمون اي خلطه ؟ انا ودي استخدم خلطت الدهيميه احسها داخله مخي وش رايكم؟

معاتس اختس مزوووح
انا عن نفسي استخدم عرق السوس بتلقين حاطه موضوع عنه .. وبالنسبه لخلطة الدهيميه الله يجزاها خير بعد يمدحونها وجربوها ناس كثير واستفادوا جربيها انتي واذا مانفعتك ماراح تضرك ان شاء الله ..

اشتري لس ناقه وحطيها بسطحكم
ووسعي صدرس ابو ضاري مهوب احسن منك

تخيلت شكلي وانا متكيه احتري عمتي الناقه تكررررم هههههههههه
طيب ليش ماتبخرين شعرك وش دخله بالصدفيه؟؟؟
وجربي شامبو دوكري للصدفيه ممتاز وعن تجربه بتختفي باذن الله

هههههههه والله لو اللي عندي يطيعون مااقصر