شي غريب ! .. ممكن الافاده ؟
السلام عليكم ،، شلونكم شخباركم ؟ الحين احنا بالعشر الاواخر عسى الله يتقبل صيامكم وطاعتكم .. في شي غريب يحصلي ؟ يعني كل مره يطلعلي شي يديد يسببلي حساسيه ! يعني امس كنت اكل حب " فصفص " وطول عمري اكله اصلا بسم الله يمكن 7 حبات ماحس ولا شفايفي توورم وتنتفخ وخاصه عالجنب الايسر الي كليت فيه وطلعتلي ورمه بالجنب الايسر بفمي ! واللوزة اليسار انتفخت واكبرت !! واحس بلاعيمي من داخل ناااااااشفه وربي اني ماقدر اتكلم من كثر ماهي ناشفه صوتي مايطلع وضييق تنفس ماني قادره اتنفس والله وبعدها بشوي ولا نفس افرازات بيضه داخل فمي !!! بعد ساعتين 3 ساعات الوضع سار طبيعي وردت شفايفي مثل ماهي وراح النشفان الي بخلقي بس المشكله اللوز ملتهبه .. صداع براسي ..وظهري يعورني .. وسخونه ! والمشكله قبلها بعد بفتره كليت خيار ولاتسبللي خدران بالفم واللسان وانتفخت شفايفي ! شنو هالحاله الغريبه :confused: ابي تفسير الله يخليكم :mad: |
اختي شفاك الله وعافاك روحي من غير امر عليك للمستشفى هم اقدر على التشخيص وماقدامك الا العافيه بأذن الله .
|
طيب حبيبتي بنوته انتي ليش ماتسوين اختبارات الحساسيه يحددون الاشياء اللي تتحسسين منها وانشاء الله خير بس ماقلتي انتي كيف وضع الصدفيه معاك وهل السفر فادك ياريت اتكتبين حتى نتطمن عليك |
ابنتنا ..... الكريمة ..... بنت الكويت في مثل هذه الحالات اي مصاب يقوم بتشخيص ذلك خاصة عن طريق قيامه بتحاليل طبية ........ لان حالتك تشبه حالة حساسية ربما لمواد غذائية ........ ربي يشفيك ويعافيك |
اختي الفاضله هل البول به بعض الدم وجربي ايضا ان تأكلي اي شيء ذو فلقتين مثل الحمص او الفول او العدس اواى حبوب ذات الفلقتين فلو حدثت لكي نفس الاعراض قومي بعمل تحليل لمرض انيميا الفول |
اقتباس:
اللهم آمييين .. وشفى الجميع وعافاهم ان شاء الله الله كريم ان شاء الله .. ماتقصر :_11: |
اقتباس:
مسويه والله .. وعارفتهم حتى بامريكا سوولي اياهم .. بس ماكان حب البطيخ من ضمنهم ! .. الحمدالله الحين صدفيتي وايد احسن .. بس موجودة بمكان واحد تروح وترجع .. بس للاسف استخدم لها كريم كورتيزون خالص .. وحبوب ريتينويد " نيوتيجازون " .. دعواتج ياخالتي .. والله كريم |
اقتباس:
ئي صح اهي حساسيه .. بس ياربي غريبه ! .. مومعقوله شغلات طول عمري اكلها .. بين يوم ولحظة تسببلي حساسيه :confused: الله يعيين والله وشاكرتلك عموو |
اقتباس:
لا والله مالاحظت وانت بكرامه ان فيه دم .. خرعتني .. اخاف تقصد تكسر بالدم :confused: ؟ مادري والله .. اول مره اسمع بانيميا الفول ؟ ماعليك امر اخوي شنهي اعراضها ؟ |
اقتباس:
لا اختي لا تخافي هي نوع من انواع الحساسيه تأتي بشكل فجائي احيانا من كثره تعاطي الادويه والاعراض مشابهة لما تحدثتي عنه واحيانا تكون مصحوبه بقليل من الدم مع البول يمككنك ان تفحصي نفسك بتكرار اكل الحبوب ذو الفلقتين وملاحظه رده الفعل |
| الساعة الآن : 03:31 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour