أختكم نور
:_11::_11::_11: السلام عليكم ورحمة الله انا اختكم نور من مصر واحب اشارك معاكم وانا مريضة بالصدفية منذ فترة طويلة والصدفية كانت عندى قشرية بس تقريبا من سنتين ابتدات تظهر الصدفية الصديدية والحمد لله على كل شئ وفعلا تعبت جدا عقبال ما لاقيت العلاج اللى انا ماشيه عليه دلوقتى وطبعا كلكم هتسألونى العلاج ده ايه. بصراحة انا مش عارفه اقولكم ايه بس انا هحكى اللى حصل معايا انا من كنت متعايشة مع الصدفية والحمد لله ورضيت باللى كتبه ربنا ليا بس ابتداء من سنتين كده ابتدات تظهر الصدفية الصديدية وفعلا ده مشكلة فى الأول مكنتيش عارفه انها صدفية صديدية افتكرها ميكروب من الجو وروحت لدكتور باطنة اعطنى مضادات وحاجات كتير فعلا فى خلال اسبوع ابتدات تروح بس بعد ما خلصت المضاد ابتدات ترجع تانى ابتدات اروح لدكاترة جلدية ودخت عند الدكاترة وفى الاخر روحت لدكتور جلدية وادنى داء وفى خلال 3 ايام ابتدات تروح لغاية شهر 7 اللى فات ابتدات تظهر تانى والمرة ده ابشع من الاول ومكنتيش عارفه اسيطر عليها ولا دكتور عرف يوقفها وطبعا مش هقولكم على الاعراض بتاعتها من سخونية وتكسير فى الجسم واصلا الواحد مكنيش قادر يعمل حاجة لغاية ما اختى قابلت واحدة صديقتها فى مركز تحفيظ القرآن كان عندها صدفية برده بس المرة ده بسم الله ما شاء الله كانت أقل بكتير فسألتها عن العلاج او الدكتور اللى بتروح ليه فقالت انه دكتور صيدلى ورقم تليفونه وهو من الاسكندرية وفعلا روحت ليه للاسكندرية وبيعمل تركبية وحتى هى مش عارفه اصل التركبية ده ايه وفعلا روحت وجبت الدواء والحمد لله فى خلال يومين ابتداء الصديد يخف من رجلى ولغاية دلوقتى انا مستمرية على المراهم بتاعته بس اصل المراهم ده ايه انا معرفيش وحاولت اكتير اساله مكنيش بيقول ولا كلمة وفى الاخر انا روحت لدكتور الجلدية اللى انا متابعة معه وقالى مادام المراهم ده جابت نتيجة كده يبقى كويسة وخليكى استمرى عليها مادام كلها ادوية موضعية يعنى مراهم بس وانا مستمرية فى العلاج من شهر 12 اللى فات لغاية دلوقتى طبعا هى الصدفية مارحيتش خالص بس الحمد لله احسن بكتير وطبعا الصدفية الصديدية راحت بس بترجع فى اماكن معينة وطبعا اكلم الدكتور بتاع اسكندرية وهو يقولى اعمل ايه والحمد لله الذى لا يحمد الا سواه |
الاخت noors مرحبا بك بيننا ...... مادمت في تحسن لحالتك استمري في ذلك ....... لكن اسائلي هذا الدكتور ان كانت هذه التركيبة تحتوي على الكورتزون وكذا نسبتها ...... واذا اردت تطلعي على ماهو الكرتزون ابحثي في هذا القسم وستجدين ماهو الكرتزون . وتاكدي اختي الكريمة ان مشرفنا السيد فكري دياب سيطلع على موضوعك وسيوجهك احسن توجيه باذن الله .... |
شكرا يا اخى خويلد انا فعلا سألت الدكتور وهو بيقول انها كلها مواد طبيعية بس ايه طبعا مش راضى يقول خالص
|
اهلا فيكي معانا اختي نور ....بس والله انا خايفه تكون هالتركيبه فيها كرتزون بنسبة كبيرة
وزيما انتي عارفة...الكرتزون برجعالصدفية بحالةاشد واسوء اتمنى لك الصحة والعافية انا كان عندي صدفية صديدية والحمد لله راحت والي بقى قشرية وحمراء استخدمت الجلوس في البانيو مع الماء والملح واختفى الصديد ولم يرجع |
الحمد لله بس انا وصلت لمرحلة صعبة جدا يا اخوانى ومكنيش فى علاج جايب معايا نتيجة والا المراهم ده
بس الدكتور بيأكد ليا انه فعلا مفيش كرتيزون فى المراهم ده وعلى العموم هو قالى أول مرة روحت ليه انى هحتاج علاج لمدة 10 شهور اهوه هانت قربوا يخلصوا يارب يكون على خير شكرا لكى يا اختى ازيرا ربنا يشفى ابناء الامة الاسلامية اجمعين |
أختنا العزيزة ..نور .. نور الله قلبك بنور ألأيمان عموما إذا كان الدكتور لايريد توضيح مكونات علاجة لك .. فمن الممكن أن أحاول أنا معه لمعرفة ذلك . خاصة أننى أرى ألأخوة هنا يخافون عليك من أن يكون مضاف على المرهم أى من الكورتيزونات .. ولأنها كما تعلمى تشفى الحالة سريعا ولكن تعود أشرس مما كانت علية .. لذلك أختنا الفاضلة .. إذا من الممكن أن ترسلى لى العنوان أو أسم الصيدلية أو التليفون وسوف أعمل بدورى على أن نعرف كل شىء .. وأرسلية على البريد الخاص بالمنتدى شاكرين لك كل أهتمامك وجعلة الله لك فى موازين حسناتك انة ولى ذلك والقادر علية .. |
جزاك الله خيرا يا استاذ فكرى وانا بعت رقم تليفون الدكتور على الخاص لو تحب تستفسر عن اى شئ
|
ادحري الشيطان يأخت نور لمن البرفسور فكري يجيب لنا النتيجه
|
حاضر أخوى الحبيب هجهوج : لقد تم ألأتصال ألآن فوراً على الدكتور وهو فى أجتماع مع بعض المندوبين ألأجانب عندة .. ووعدنى بالحديث معى اليوم بعد السابعة مساءً بتوقيت القاهرة .. وإذا أمتنع عن أعطائى البيانات كلها التى أطلبها منة فسوف أذهب يوم السبت إلية فى ألأسكندرية لأحضار ألأخبار المطلوبة ان شاء الله ... |
يا عمي روح يا برفسور انت والله نجم المنتديات الاول ما احترامي للاخرين من مشرفي المنتديات الاخرى وانا جايك قريب
|
| الساعة الآن : 09:19 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour