ملتقى الشفاء الإسلامي - بعد ريجيم اجباري قاسي اسبوع ونص .. كيف كانت نتائج الصدفية ؟! سبحان الله

- السلام عليكم ورحمة والله وبركاته :.
باختصار وبدون مقدمات قبل اسبوع ونص فطرت ونمت ولاصحيت الا بعد تقريبا 15 ساعة عظامي ثقيلة وصداااع شديد رحت للدكتور كان خوفي فقط من انه تسمم أولاسمح الله كورونا كشفت عند الطبيب العام قالي سكرك وضغطك كويس الحمدلله عندك بلغم في الصدر ودرجة حراراتك وصلة 40 ..
المهم طلب مني اروح للطوارىء اخذ ابره ومغذي وارجع له يصرف لي الادويه خرجت من عنده ورحت للبيت :d المهم ماكان اللي كنت متخوف منه ..
جلست يومين على البندول وماتحسنت طبعا ثلاث ايام مااكلت فيها غير زبادي بالثوم وتفاحة النفس مسدودة مررره وماتحرك من الفراش وقتها لاحظت صدفيتي اللي كان يعتليها قشرة لونها مال للوردي فكرت استمر على الوضع فرب ضارة نافعة رغم ان الصدااااع كان يلعب فيني رغم الحاااااح شديد من الاهل على مراجعة الدكتور وكنت اتهرب
الاكل اللي كنت احبه اتضايق اذا شفته قدامي حتى رائحة الاكل اتهرب منها نفسيتي تشتهي التفاح والرمان استمريت على الحالة اسبوع وانا مدرك ان اللي اسويه غلط والالم يوم عن يوم مثل ماهو لاكن عاررف انها فرصة ولو رجعت شهيتي راح ارجع لأكلي لاحظت وقتها وبعد اسبوع الصدفية اللي خلف اذني اختفت وصدفية نقط منتشرة في بطني بعضها اختفى وبعضها لونها صار فاتح ومو واضح اما صدفية الابطين واللي كنت أشكو منها اختفت وبعض المناطق مال لونها لاسواد وماكان كنت مصاب فيها ....
الحين لي اسبوع ونص الصداع اختفى لكن مازال البلغم في الصدر والشهية مسدودة ولكن افضل من أول
وقفت الدواء اللي اخذته من الصيدلية حتى امدد فترة الريجيم الاجباري هذا الوقت اللي اكتب فيه الموضوع 1:2 ظهر من الساعة سبعة صبح مادخل بطني غير المويه ...
- قبل المرض مستحيل اصحى واقوم بابسط جهد دون ماافطر خصوصا أني مدخن حتى من الناحية النفسية ماقدر اقابل اجد
- قبل المرض لاسف اغلب اكلي من البقالة مثل الاطفال والحلويات والايسكريم والعلك ماتفارق جيبي
- قبل الموض وزني ماذاك الزود ومناسب مع طولي يمكن عندي زيادة ثمانية كيلو عن الوزن المطلوب
- قبل المرض امتنعت عن اكلات معينة وامتنعت حتى فترة عن مشتقات الحليب ولاحسيت بتحسن
- كنت اتمنى اضع لكم صور عشان يكون الموضوع اوضح لكن ماراح تستفيدون لانه ماعندي صور قبل الريجيم وقت ماكانت الصدفية متهجية
- مع مع العلم ماستخدمت وقتها اي علاج داخلي أو خارجي حتى مااستخدمت الفازلين الا يمكن ثلاث مرات من يوم بديت الريجيم لان وقت بداية المرض ماكنت اقدر اقوم من الفراش قبلها كنت استخدمه مرتين في اليوم ...+ اغتسلت مرتين بالملح