سواليف قطرانية متقنطررررة
سواليف قطرانية متقنطرة أول شي السلام عليكم ورحمة الله وبركاته ... تحية عطرة يلفها الود والمحبة والشوووق <<< وأهم شي الشوق وحشتوووووني قسم قسمااات يا أحلى وأروع أعضاء / عضوات في العالم على طاري الحلى وتسذا ما ودكم بفنيجيل قهوة مع تميرات سكري المهم ... وش علومكم يالربع عسى كلشن زين وهيك شي <<< هيك شي تراها هي نفسها وتسذا بس مزبرقه باللبناني :D على طاري اللبناني الله ينصر أهلنا في سوريا آمييين و يسهل أمورهم وعلى طاري سوريا وحشتنا العراق وأهلها ... ولا تهون الوالدة أم السعد reem50 و الأستاذ الفاضل أبو طه أمد و الأخ الحبيب إيهاب البطل ... حفظكم الله من كل مكروه و أمد في أعماركم وأنتم بصحة وعافية ... آمين وعلى طاري العافية وهنا بيت القصيد .... ودي أسولف عليكم وش صار لي مع أبو قطرة <<< قطران الفحم الحجري بس عشانه شننننب يستاهل من يسميه أبو قطره ههههههههههههههههه المهم ... يا مال العافية كثرت عليكم من الخثردزه ههههههههه بختصر :ppu <<< لا يا شيخ بدري <<< طيب طيب لاتدف :049: اللي صار اني ياربع قبل سنتين ومع بداية العصر القطراني وفي أضواء النظرية القطرانية قلت ابقنطرها و ابشوف وش يصير مع هالصوصو جعلها منيب قايله ههههههه وأنا اللي اتحمس واعض ثوبي وانقز لم ادمه واخذ منهم 900 ملليلتر من ابو قطره بـ 700 ريال هاك الحين والحين والله مدري بكم ... ومن زود الحماس عطيت الصيدلي تركيبة المرهم وقلت حط كل المحتويات الا الكرتوزن <<< طاب خاطري منه دبلللللللللللل تسبدي قسم بالله هالكرتوزون ... و بعد ماركب المرهم 60 جرام بـ 150 ريال <<< ربنا ع المفتررررررررري ... 150 ريال و 60 جرام حسبنا الله ونعم الوكيل .... المشكلة الصوصو لاعبة فيني لعب اكثر من 70% الله المستعان ... المهم ... والله واول ما وصلت البيت وانا اللي اطق ذيك الترويشه المعتبررررة <<< حسيت اني سمكة ذاك اليوم هع هع و انا اللي اطلع واخذ العلبة حقت المرهم واتمردغ واتملطخ فيها لين خلصت هههههههههههههههههههه امزح امزح قسم بس ما كملت اسبوع الا هي مخلصة يعني ما منها فايدة المهم بعد اسبوع استلمت أبو قطرة ( القطران ) و يوميا مرتين في اليوم ... وبعد اسبوعين وصلني قطران امريكي من اخوي والله واواصل عليه مرتين في اليوم واخلي حق ادمه وبعد شهر راحت كل الصدفيات اللي في الظهر واللي في البطن واللي في الذراعين وما بقي الا اللي في السيقان طووووووووولت مررررة وجلست تقريبا شهرين واهي مشخصة في ساقي .... وبعد شهرين بدت تختفي من كثرة الدبغ القطراني المتواصل ... ما اطول عليكم بعد خمسة أشهر اختفت الصدفية تماااااااااااااااااااما بكل ما تحمله كلمة تمااااما من معنى وصارت الصدفية في خبر كان وإن وكل الافعال الناسخة :ppu .... المهم عاد ما يخفى عليكم طلعت خااال ذيك الفترة :mad: من الاستعمال المتواصل من ابو قطرة ( القطران ) ... ثم وقفت القطران قلت كودي ابيض شوي ... واتميلح وتسذا :rolleyes: .... وبالفعل وقفت شهر وبدا النور يبين في وجهي وبدت في نفس الوقت اماكن الصدفيات العنيدة والعنيفة تبان بلون بني غامق لكنها ملسااااااااااااااااء وناعمة والشعور ما يووووصف مع النعومة :D.... احساااس عنيف جداااا المهم ... انشغلت بمشاغل الدنيا الله يكفينا واياكم شرها و ابو قطرة صار في خبر كان بعد هو الثاني :D ونسيت الصدفية سنة وزيادة وفي الشتاء المنصرم <<< متعوب عليها ( المنصرم ) ههههه وبكل اسف طلت صدوفه صغيييرة في باطن الساق اليمنى بس من الثقة و زود العافية ما توقعتها صدفية لاني نسييت شكل الصدفية اصلااا ... وقلت وشذي امكنها حساسية والاش وطنشتهااا وبعد فتره كبرت شوي وكل مالها وتكبر لين صارة دويرة بحجم العملة و على طول طلع في المفاصل فروخة للصدفية ... مع الاسف تهئ تهئ تهئ و بدت تتوسع في المفاصل و فروة الرأس والان بكل اسف اكتب هالسالفة و مفاصلي مشخصصصة بالصوصو :049: والحمد لله ع كل حال .... ع العموم تعبت وانا اكتب ... ولي عودة ان شاء الله ... تشاااااااااااااااااووو يالربع |
رد: سواليف قطرانية متقنطررررة
الف اهلا وسهلا والله نورت المنتدى وفرحتنا بتواجدك بينا ياخوي يابو ريماس شنو هالمقاله الحلوه الظاهر راح تصير صحفي من وره الصدفيه وتكتب عمود كتابات ساخره نرجع لصدوفه ليش يابوريماس والله اول ماتطل الصدفيه براسها كنت ضربتها بالقطران وارتاحيت المهم الحين سارع وادهن قطران بس بالاسبوع مرتين حتى ماتسمر لان الظاهر موعاجبك السمار والفنانين دوخونا يتغنون بالاسمر طلع كلو كذب في كذب والكل خايفه من السمار |
رد: سواليف قطرانية متقنطررررة
^ ^^ أهلين و سهلين بأم السعد ... يا هلا والله ومسهلا النور نورك يالغالية ... والله يا أم سعد بالنسبة لكلامك صحيح 100% لو يوم بدت تطل براسها دقيتها بالقطران كان صارت في خبر كان ... لكني والله ما كنت أتوقعها صدفية ابداااااا زي ما ذكرت في السالفة ... كنت أحسبها حساسية عادية ... لانها بدون قشور وكنت احكها و ما كان عليها قشور ولا شي ... وبعد ما تركتها لمدة شهرين او ثلاثة طلعت القشور ولكن كنت مستصغرها بصراحة وقلت وين كنا ووين صرنا من اكثر من 70% صدفية في الجسم الى بقعة صغيرة بحجم العملة و بصراحة غلطت كثييير يوم تركتها لان بعدها على طول طلعت في المفاصل ... والحمد لله ع كل حال ... وبالنسبة للمقال هههههههههههههههه هذي يالغالية سواليف مقنطرررة هههههه للضحك والغشمرررة والوناسة ... الله يجعل كل أيامك وأيام أعضاء منتدانا فرح ووناسة آمين ياربي .... أشكر لك مروروك وتعليك اللي يشرررح الصدر يا أم السعد والطيبة ... ومية هلا و سهلا :_11::_11::_11::_11: :_11::_11: :_11: |
رد: سواليف قطرانية متقنطررررة
هلو عيني ابو ريماس الورد مشتاقين ألك ولسوالفك الحلوة ضحكتني اضحك الله سنك http://forum.ashefaa.com/images/icons/075.gifمثل ماقالت لك الخالة ريم بمجرد ماترجع الصدفية بامكانك ان تعالجها بمحلول القطران وبالنسبة للمرهم استعمل تركيبة(100 غم فازلين+3 غم سالسليك اسيد) بدل هالتركيبة الغالية الي تبيعها ادمة لكن المشكلة انو السالسيك اسيد مامتوفر عندكم بشكل خام
وعاشت ايدك عل القهوة والتميرات السكرية حقتك http://forum.ashefaa.com/images/icons/075.gif..وان شاء الصوصو حقك مايكبر وينتشر..واريد اأمن على دعائك لاخواننا في سوريا..امين..اللهم احفظ اهلنا في سوريا وانصر اخواننا المجاهدين على بشار الظالم المجرم وزبانيته وكل من سانده ودعمه..الله اجعل دائرة السوء تدور عليهم..اللهم ارنا فيهم يوما اسودا اللهم ارنا فيهم عجائب قدرتك انهم لايعجزونك..وصل الله على محمد وعلى اله الطيبين الطاهرين |
رد: سواليف قطرانية متقنطررررة
اقتباس:
أهلييييييييييييييين عيني هيوووووب البططططططططل دووووم الضحكة ع شفاهك يا ررررررب ..... ومنوووووووووووووور السالفة بمداخلتك العسسسسسل يا كابتن .... ورب البيت لك وحششششششششة الله اعلم بها هيووووب الله يتمم عليك وعلينا الصحة والعافية اميييييييين عاجلا غير اجل ... وبالنسبة للخلطة ، ابشرك رحت لأدمة وزودو 40 غرام ع الخلطة السابقة وصار المجموع 100 غرام بدون الكرتوزون طبعا لاني طلبت عدم اضافة الكرتوزون ... و صارت القيمة الاجمالية 120 ريال يعني حدود 32 دولار ... وخذيت علبتين يعني 200 غرام بـ 240 ريال يعني 64 دولار ..<< وش عنده الآلة الحاسبة :ppu هههههه المهم استخدمت المرهم كل يوم مرة مرتين واليوم جا ع بالي اصب شوي من ابو قطرة الشننب ع المرهم واخلطهم ويصيرررون عصفورين بمرهم ههههههههههههههههه والله وسويته قبل ساعتين و جاري الانتظار ههههههههه مررررررررة ثانية منور حبيب قلبي هيوووووووب البطططل :_11::_11::_11::_11::_11: |
رد: سواليف قطرانية متقنطررررة
أبا ريماس اهلا بك مجددا :) من كم يوم شقرت على المنتدى و تذكرت الغايبين و كنت أولهم شفاء سنه مدري سنتين إنجاز ليه مارجعت على نفس البرنامج من اوووول قبل ماتستقوي الهانم ؟؟؟ ذا القطران داهية بس عيييييييبه السمار يعني الواحد يقدر يبلع علاج ماينبلع أو يتحمل علاج مروح ريحته تصك راس الجيران أو علاج عسر و تجيبه من آخر الدنيا كلللللللللش يهون إلا السمار مااااااااره عييت اتقبله اول عجعجت سيرته جبته من التسويق وحطيته باجازه نص الترم و الله لا يوريك .. من رجعت المدارس تقول بنت وووش بك مسمره على طول رديت عليها برد عجيب غريب :D ( عشان دوبي جايه من الديره )ههههههههههههههههههههههه نصصصصبه عيني عينك مدري كيف الّفتها :D قسم كل ما تذكرت السالفه اضحك .. بس هي مرا وحده بعدها صرت أنكر أني مسمره للي تسألني و أقول غريبه انتي اول وحده تقول لي ذا الكلام >> اشككها بنفسها :ppu الا أمي ماقدرت عليها تقول صرتي طرمامه من بعد ذا البلوى اللي اتطوسين به<< عاد أتحداك تعرف معنى ما تحته خط :ppu :D المهم عاد تركناه و رجعنا له و تركناه و رجعنا له بطريقه ثانيه بعدين أعلمكم بها مشكور على ذا الساحه الفضفاضه للفضفضه يا أبا ريماس |
رد: سواليف قطرانية متقنطررررة
أبو ريماس هههههه
أهلين ساعك طلعت من بطانية الشتاء ، الشفاء يرحب بإطلالتك :) |
رد: سواليف قطرانية متقنطررررة
قريبا ان شاءالله اغاني للسمر بمواهب المصدوفين السمر
فالكمممممممممممم العافيه |
رد: سواليف قطرانية متقنطررررة
اتحادي اريد ادور على اغنيتك وهي محفوظه عندي حتى انزلها بعالم الصدفيه قصدي كروبي على الفيس
ونحن بانتظار الالبوم الجديد دهنت القطران كنت ابيضاني صحيح احلويت صرت اسمراني تعجبو اهلي وكل خلاني مادرو هذا من جور زماني ها ارتجلت لك كم بيت سوي مسابقه والكلمات الفائزه سوي لها لحن الخلود |
رد: سواليف قطرانية متقنطررررة
السلام عليكم كيف الطيبين ؟؟؟؟ انا وضعي قريب من الأخ ابو ريماس لكن لاحظت حبات الصدفيه تظهر قليله بجسمي ومعظمها يختفي بدون شي :confused: لذا تركتها ومارجعت للقطران لكن الشعر الحمدلله في ازدياد اللهم لااعتراض .. اخوي اتحادي حبذا لو تخصص نسخه بدون موسيقى فضلاً .. اللهم انصر إخواننا في الشام والعراق واليمن وكل مكان على كل معتدٍ ظالم وأمدهم اللهم بمدد من عندك اللهم ارحم ضعفهم وتولى امرهم واشفي جرحاهم وعافي مبتلاهم وتقبل شهدائهم واطعم جياعهم واكسِ عراتهم واغثهم بغوثك ياقوي ياعزيز . |
| الساعة الآن : 09:29 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour