ابي حل تكفون الصدفيه تعبتني
السلام عليكم
مشكلتي مع الصدفيه لي عشر سنوات تقريبا تروح وتجي مابقى شي ما استخدمته من كورتيزون ومشتقات فيتامين د ، خلطة الدهيميه ،الخوا جوا،زيت السمسم وآخرها قطران الفحم الحجري كنت ادهن فيه دهن من قوة انتشار الصدفيه استمريت شهر الين احترق لون بشرتي سممممررررررت بقوه ماعاد عرفتني ووقفته ماقدرت استمر وبدت ترجع المستشفى قالوا لي ابدأ معاهم كورس الإبر البيولوجيه وماادري تكفوووووون ابي حل ولا تقولون لي تحملي السواد وربي شي صعب بالذات لنا النساء |
رد: ابي حل تكفوووون الصدفيه تعبتننننننني
مرحبا عزيزتي .. من كلامك انتي مؤ صبوره ابد
وكل شي بهالحياه مع الاستمرار راح تشوفي نتيجه شلون عاد الصدفيه يبيلك نفس عميق وتثابري بتشوفي نتيجه مرضيه غضي البصر عن عيوب القطران انا معك إحنا بنات بس لون السمار ارحم من جسم مبقع بالون الأحمر انا عن نفسي راضيه عن القطران اريح من المراهم المدمره إحنا بنات نقدر نحط كريم اساس وتنحل المشكله اساس إحنا يالمصدوفين منطوين على انفسنا عشان نظرة العالم نصبر على السمار وهي فتره وتزول وترتاحي من الصدفيه والقطران وعيوبه بالنسبه للابره انا ماعرف عنه شي والله يبعدني عنها بس شفت هنا الاخوان يذمونها خطيره وانتي أستخيري والله معك تقبلي مروري |
رد: ابي حل تكفوووون الصدفيه تعبتننننننني
السلام عليكم
معها حق اختى صمتى حكى فى كل ما قالته ماعليك سوى بالصبر وفى الاخير النتيجة مرضية ذهاب الصدفية بلارجعة صبرت عشر سنوات ولم تستطيعى ان تصبرى ستة اشهر |
رد: ابي حل تكفوووون الصدفيه تعبتننننننني
أختي أقدر ضروفك ونفسيتك ..لكن كما قالوا أخواني اللي سبقوني بعد الله عز وجل لا يوجد علاج للصدفية الا القطران الفحمـ الحجري الطبي
يعني أختي الكريمة عليك بالصبر وكثرة الدعاء وبأذن الله راح تفرج أكون أسمر البشرة أفضلـ من أن يصبح جسمي مليئ بالبقع والقشور أسأل الله أن يصبرك ويصبرنااا ويشفينااا وما بعد عسر الا فرجــ |
رد: ابي حل تكفوووون الصدفيه تعبتننننننني
اختي من واقع تجربة القطران افضل حل للصدفيه بالوقت الحالي وعيوبة بسيطة جدا وهي الاسمرار ونشوفة الجلد اما مراهم الكورتيزون ومشتقات الفيتامين د فهي مؤقته ومضارها كثيرة مثل تشقق الجلد ورجوع الصدفية بشراسة وتوسيع انتشار الصدفيه بالجسم اما الابر البيولوجية والحبوب فهي تؤثر على الكلى والكبد والخ اصبري ودام السمار لحقك فخلاص كملي طريقك والسمار مرة وحدة ويروح اذا وقفتي القطران بعد انتهاء الكورس |
رد: ابي حل تكفوووون الصدفيه تعبتننننننني
اختي بنصحج نصيحه لوجهه الله وانتي حره فديتج
انا قبل نفسج اصيح من الالالم وتعب النفسي وصدفيه بس الحمد الله الف مره خفت بشكل حلو قولو ماشاء الله العلاج هو زيت الزيتون ويكون من عصره اولى يعنى اصلي اصلي مع مطحون حلبه تحطين الزيت في مكان المصاب وتنثرين عليه الحلبه هالشى تسوينه عند موعد نومج ترقدين تقومين الصبح وتغسلين المكان بس اختي خلج رايقه ابتسمي وادعي واطلبي من الله واقري البقره حبيبتي تراه الصدفيه يمكن تكون عين او حاجه افضل وانا هالطريقه سويتها لى انه تخلين مطوع يقراه على الحلبه والزيت فهمتي وتوكلي على الله ولا تتضايقين :_11: |
رد: ابي حل تكفوووون الصدفيه تعبتننننننني
مرحبا بك اختى الكريمه التنقيع بماء وملح ممتاز جداا لوقف التهيج ومن ثم دهان بفازلين مركز والجسم مبلول بالماء |
رد: ابي حل تكفون الصدفيه تعبتني
ممكن تشيلي الصدفيه ولما الجلد ينظف تضعين بالاسبوع مرتين ثم بالاسبوع مره وبهذا تضمنين عدم عودة الصدفيه وايضا ذهاب الاسمرار انا قريت احد الاخوان يضع القطران كل عشرين يوم فقط ليبعدها وايضا يبعد الاسمرار
هذا القطران بين ايديكم واستعملوه بالطريقه اللي تعجبكم المهم القطران يقلل الصدفيه حتى لو رجعت وبنفس الوقت غير مضر لاعضاء الجسم |
رد: ابي حل تكفون الصدفيه تعبتني
شكلك تقطرنينها على غير سنع عشان كذا ما استفدتي غير السمار عيدي النظر في طريقه استخدامك يَ رعاك الله يمكن في شئ غلط |
رد: ابي حل تكفون الصدفيه تعبتني
الله يجزاكم خير ولكم الف شكر
اسأل الله الشفاء لنا ولكل مبتلى |
| الساعة الآن : 05:58 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour