ملتقى الشفاء الإسلامي - يومياتي مع الماكروبيوتك :)

ملتقى الشفاء الإسلامي (http://forum.ashefaa.com/index.php)

- علاج مرض الصدفية والامراض الجلدية (http://forum.ashefaa.com/forumdisplay.php?f=88)

- - يومياتي مع الماكروبيوتك :) (http://forum.ashefaa.com/showthread.php?t=150837)

يومياتي مع الماكروبيوتك :)

السلام عليكم
كيف الحال.................؟
أنا بديت بالماكروبيوتك ........... :10:
صراحة فرحانه كثير اني قررت ابدي فيه
احس براحة نفسية ......
بديت فيه أمس ولاحسيت بجوع ولا تعبت الحمدلله
وصراحة الأكل لذيذ للي يعرفله ....
أنا أمس ماكنت شارية باقي الأغراض اللي هي الميسو والتوفو وحليب الصويا والأعشاب البحرية
والخ
اليوم كملت الأغراض تقريبا لقيتهم كلهم في التميمي ماعدا الميسو بوصي عليه من الأحساء
الفطور ماصورته مادري ليش .........!
فطور أمس بسكويت بصوره لكم المرة الجاية نسيت اصوره الحين
مكتوب عليه رافيتا خبز السمسم
مكوناته حبوب الجاودار الكاملة والجيلاتين وبذور السمسم والصويا
أكلته مع عصير عالسريع لأني كنت طالعة ومستعجلة ....

[IMG]http://im16.gulfup.com/c1Yz4.jpg[/IMG]
لما جيت على الغداء سويت مكرونة سمرا مدري ليش طالعة بالصور بيضا طبختها في شوية ملح بحري وكمون وشوي ثوم وزيت زيتون شوي..
وقطعت جزر وكوسة وملفوف وحطيت عليهم نعناع جاف وملح شوي وزيت دوار الشمس نتفة
وحطيتهم في آلة عني اسمها آلة القلي بملعقة زيت أنا ماحطيت ملعقة زيت حطيت نتفة زيت
وبعد مانطبخو خلطت المكرونة مع الخضار وحطيت ملعقة صوص الصويا .
وقطعت فجل دوائر وعصرت عليه شويييية ليمون ونعناع مجفف وحطيت كم حبة حمص ...

[IMG]http://im16.gulfup.com/Zzrc3.jpg[/IMG]
بالعشا حطيت زهرة وبروكلي وكوسة وجزر وكراث وحطيت عليه ملعقة زيت دوار الشمس وجبت فنجال موية حطيت فيه ملح وشوية نعناع مجفف وشوية ثوم وشوية كمون وخلطتهم وصبيتهم على الخضار وغلفت البايركس بقصدير وعلى الفرن وصراحة لذيذه .
وحطيت شوية خيار وزيتون اخضر
بين الوجبات أكلت تفاح وعنب وكوسة مشوية وكمثرى وشربت ثمان اكواب مويه خلال اليوم
حطيت اكواب قدامي عددهم ثمانية اشرب بواحد واغسله وارجعه للدرج وبكذا اعرف العدد اللي شربته.....

[IMG]http://im16.gulfup.com/82ke9.jpg[/IMG]
البارح عطتني وحدة اعرفها جبن التوفو جابت لياه من التميمي فأفطرت عليه اليوم الصبح كساندويتش طبعا كان طعمه لما طلعته من العلبة لايستساغ رحت فكرت قلت يمكن يبيله فرن وشوية ملح حطيته في حلة فيها زيت وملحته وعصرت عليه ليمونه وشوية نعناع وحطيته جوات الرغيف
وحطيت فوقه مخلل خيار بعد ماغسلت المخلل... طعمه صار لابأس به
طبعا الخبز لقيته في المزرعة اسمه خبز الأعشاب ونسيت اصوره بصوره لكم المرة الجاية مكتوب عليه خبز بالأعشاب لحياة متوازنهمكوناته مزيج من دقيق القمح الكامل وخلطة الاعشاب اكويا ...
والخبز هو اللي ظاهر بالصور انا حطيته بالفريزر واطلعه واسخنه...
وبعدين رحنا للتميمي اشتري الأغراض اللي ناقصتني ومرينا مطعم نسيت اسمه داخل مجمع الظهران مول هو مطعم ياباني لقيت عنده الأكل اللي يناسب الماكروبيوتك ...

[IMG]http://im21.gulfup.com/40Oz1.jpg[/IMG]
لقيت عنده شوربة الميزو بالأعشاب البحرية والميزو وجبنة التوفو بس انا نسيت اصورها بالبداية من الجوع اكلتها واتذكرت التصوير قمت صورتها هي كانت مليانه قطع توفو واعشاب بحرية..

[IMG]http://im16.gulfup.com/wCpe6.jpg[/IMG]
وكمان سوشي بالربيان والكرفس صحيح مو رز اسمر بس يالله عادي على الأقل جواه العشب البحري ومافيه بهارات مضرة :)

[IMG]http://im16.gulfup.com/ZqC17.jpg[/IMG]
وبعدين البازيلا لذيذة
بعدين عصير برتقال طازج بدون سكر شربت نصه بس لأني شبعت الحمدلله ..

[IMG]http://im16.gulfup.com/txDy2.jpg[/IMG]
وهنا قبل شوي جعت رحت شويت شوية جزر وكوسة واكلتهم مع الخيار والخبز :)

وترا بنزل يومياتي كل ثلاث ايام او كل يومين :)