ملتقى الشفاء الإسلامي - ملاحظاتي الخاصة على الصدفية ارجو الافاده للجميع

ملتقى الشفاء الإسلامي (http://forum.ashefaa.com/index.php)

- علاج مرض الصدفية والامراض الجلدية (http://forum.ashefaa.com/forumdisplay.php?f=88)

ملاحظاتي الخاصة على الصدفية ارجو الافاده للجميع

السلام عليكم
انا مصاب بالصدفية منذ عشرين عام تقريبا
رح اكتب بعض المواقف الي بتذكرها

1- دوا الجلي الي ريحته فراولة و ليمون مرات لما كنت اغسل ايدي فيه بحس الصدفية تختفي قشورها و بتضل بس احمرار بالجلد بدون قشور
طبعا كنت اغسل ايدي بشكل يومي منه

2- لما كنت احك مناطق الصدفية اكيد الكل بعرف انها تتجرح و بخرج منها دم في بعض الاحيان و مرات بتروح القشرة فقط
لكن بعد يوم او اثنين بتصير القشور اخشن و اكثر و مرات كانت تنتشر بنفس المنطقه اكثر

3- و هي نقطه مهمه برأيي، لما كان عندي التهابات و كنت اعمل مغاطس مي و ملح كنت اجلس بالحوض و هو مليان مياه فاتره و ملح من املاح البحر الميت عشان الالتهابات لمدة شهر كامل
لاحظت انه الصدفية اختفت تماما من جسمي و ظهري الي كانت منتشره فيه بكثره و صار مكانها لون بني غامق

طبعا رجعت الصدفية لجسمي كامل زي ما كانت بمناطق عشوائية بظهري و رجلي و ايدي و رأسي

ان شاء الله رح اجرب الخلطات المكتوبه مع قطران الفحم الحجري و ان شاء الله اردلكم خبر بعد التجربه
طبعا احاول احصل القطران من الاردن و اذا ماقدرت رح اطلبه من السعودية ان شاء الله