ملتقى الشفاء الإسلامي - بالصورالسويسرول بالمربى ولا اسهل من كده

http://up.3dlat.com/uploads/12871109645.gif

http://up.3dlat.com/uploads/12871109646.gif

http://up.3dlat.com/uploads/12871124741.gif

بالصورالسويسرول بالمربى ولا اسهل من كده

http://www.boswtol.com/sites/default...wissroll22.jpg

http://www.boswtol.com/sites/default...swissroll3.jpg

http://www.boswtol.com/sites/default...swissroll1.jpg

أحضري الصينية وادهنيها

http://www.boswtol.com/sites/default.../swissroll.jpg

طريقة السويسرول سهلة ومكوناته موجودة في كل بيت

النهارده هنعرف مع بعض طريقة عمل السويسرول بالمربى،
وطريقة السويسرول سهلة جداً وما بتاخدش وقت خالص، وكمان مكوناتها متوفرة وموجودة في كل بيت...

السويسرول
المقادير:
4 بيضات
¾ كوب دقيق
¾ كوب سكر
ملعقة كبيرة ماء فاتر
ملعقة صغيرة فانيليا
ملعقة صغيرة ملح
مربى للحشو

الطريقة:
1ـ اضربي البيض بالمضرب كويس جداً لغاية ما حجمه يزيد، وبعد كده تضيفي السكر واضربيه تاني بالمضرب لغاية ما تلاقي البيض لونه افتَح وعمل زي الكريمة.

2ـ ضيفي الفانيليا والملح للبيض والسكر واخلطيهم مع بعض كويس وبالراحة جداً، وبعد كده ضيفي كمية الدقيق شوية شوية مع التقليب المستمر من تحت لفوق وبهدوء جداً.

3ـ أحضري صينية مدهونة سمن وحطي فيها ورق زبدة ورشي عليها طبقة من الدقيق، وبعدين صبي فيها العجينة وافرديها كويس جداً بحيث يكون سمك العجينة متساوي في كل جوانب الصينية.

4- دخلي الصينية في فرن ساخن، وسيبيها لمدة من 10 إلى 15 دقيقة لغاية ما لونها يحمر شوية وتعلى، واوعي تسيبيها كتير في الفرن لإنها ممكن تنشف منك.

5- في الوقت اللي العجينة فيه هتكون في الفرن، أحضري المربى وحطيها في طبق وقلبيها كويس لغاية ما تبقى سايلة وكثافتها قليلة علشان تعرفي تفرديها على العجينة.

6- بعد ما تطلّعي الصينية من الفرن حطي على وشها ورق زبدة واضغطي عليها بصينية تانية، وبعد كده قطعي بالسكينة الأطراف بحيث تكون متساوية.

7- افردي المربى على الوش، بس خلي بالك إنك تسيبي الأطراف نظيفة من غير ما تفردي عليها المربى.

8- لفي السويسرول بالراحة وممكن إنك تقطعي بالسكينة جزء صغير مسافة واحد سم من الناحية اللي هتلفي من عندها؛ لأن الطريقة دي هتسهل عليكِ اللف، وكمان ورقة الزبدة اللي من تحت هتساعدك وإنتِ بتلفيه، وبعد كده حطيه في الثلاجة.

9- بعد ما السويسرول يبرد قطعيه لشرائح وقدميه.. وبالهنا والشفا.

http://up.3dlat.com/uploads/12877912789.gif