التهاب المفاصل
السلام عليكم ورحمة الله وبركاته
عضوه جديده كنت اتابعكم بصمت واستفيد من خبراتكم ووصفاتكم ،، جزاكم الله خير انا مصابه بالصدفيه منذ الطفوله مثل حال الكثير هنا تهيج وتهدا الحمدلله علي كل حال ،، اسال الله ان يكون مااصابنا فيه تخفيف لذنوبنا لاحظت اكثر شغلتين تهيجها عندي البيض والميكرويف ! تعايشت مع الصدفيه خصوصا انها بالجلد يعني ماتعوق نشاطي اليومي مجرد بقع تسببلي احراج اذا كانت واضحه يعني تاثيرها كان بالحياة الاجتماعيه لكن حصل يلي كنت شايله همه وخايفه منه قبل فتره شهرين بديت احس بالم بمفاصل اصابع اليدين ماخذت فيها بالبدايه قلت برد ويروح :( لكن مع الايام بدت الاصابع اغلبها تالمني ومفاصل الرسغ وعقب الكوع ومن فتره بسيطه بدت اصابع رجولي ومفاصل الكعب تالمني وامس بدت مفاصل الرقبه عاد مدري شد عضلي او التهاب بس قبل اسبوعين مريت عالدكتور وسوالي مجموعه فحوصات طلع نسبه ترسب الدم مرتفعه ومعامل الروماتويد ويوم قلتله علي مشكله الصدفيه قالي بس اتوقع التهاب مفصلي صدفي من منكم سوا هالتحاليل وماكان يشتكي من الام مفاصله ؟؟ هل ارتفع عنده النسب بمجرد وجود صدفيه بالجلد او النسب كانت عندكم طبيعيه لان الدكتور يقولي صدفيه الجلد بدون التهاب مفاصل تزيد نسبه ترسب الدم ومن عنده التهاب مفاصل وشنو صار معاه هل فعلا بيحد من النشاط والحركه الطبيعيه خصوصا اني صغيره بعقدي الثاني :( هالشي مخوفني كثير اني اكون عاجزه عن فعل ابسط الشغلات ابي تجارب الي عندهم التهاب بالمفاصل هل اخذوا ادويه كيماويه او في شغلات طبيعيه تخفف من هالالتهاب ،،، وايد خايفه من علاجات التهابات المفاصل بعرف وش مصير المصاب فيه ؟ ساعدووووووووني |
رد: التهاب المفاصل
منوره يا اسكادا يمكن بسبب تغير الاجوا وقرب دخول فصل الشتاء..يمكن هذا السبب والتهاب المفاصل اعتقد يصيب الناس اللي صدفيتهم قويه..ومن كلامك ما احس انها قويه ماينفع يشخصها الدكتور بكلمه اتوقع لازم تتأكدين من الحاله زين قبل لاتفكرين بعلاجها وفي مصدوفين عندهم التهاب مفاصل ماشين على علاج ومرتاحين>>لا توسوسين :ppu والصدفيه اذا راحت يروح معها الالتهاب..والحين قاعدين يجربون علاج القطران علاج فعال للصدفيه الحلول اكثير بس تأكدي من حالتك بالضبط وخليك معانا :_11: |
رد: التهاب المفاصل
ألاخت اسكادا اهلا وسهلا بك بيننا بالنسبة لحالتك شبيه بحالتي أوصف لي ألاخ قيس العبيدي قبل قليل العلاج ألاتي وبديت به من اليوم Re Fen retard 100 g يقول ألاخ قيس أنه ممتاز لمثل حالتنا يتعلق بالصدفية التهاب المفاصل شئ مؤلم جدا الله يعينك أبكي من شدته حتى الصلاة بصعوبة أؤديها الله يشافيك ويشافيني ويشفي الجميع |
رد: التهاب المفاصل
اهلا بالاخت اسكادا لماذا لاتستخدمين في علاج صدفيتك القطران الحجري وتخلصين من الصدفيه ومن الالام المفاصل وخاصة انت صغيره وامامك الحياة والزواج والعمل فكري بموضوع القطران وليس من الضروري ان يصاب مريض الصدفيه بالمفاصل وان شاء الله يطلع شيء بسيط وترتاحين
|
رد: التهاب المفاصل
جودينا يعطيك العافيه ياقلبي
بس اي مريض بالصدفيه يشتكي من الم مفاصل يسوله تحاليل واذا طلعت النسب مرتفعه يتوقعون اصابته بالتهاب المفاصل ،، الدكتور يقول مو شرط شده الصدفيه في ناس ماعندهم صدفيه بالجلد ويجيهم التهاب مفاصل صدفي الله يشافينا يارب |
رد: التهاب المفاصل
الانوار حبيبتي فصليلي حالتك اكثر كيف بدا معاك الالتهاب
بدا خفيف ولا قوي والاعراض الاوليه للالتهاب كيف كانت مجرد الم وبعدين تطور ولا علي طول تورم وتيبس والم واحمرار وتاخذين علاج او لا ؟ وهل جاب نتيجه وهالعلاج الي كاتبته شلون طريقه استخدامه ووين القاه سوري علي الاساله الكثيره بس حيل احاتي وضايق صدري استحمليني |
رد: التهاب المفاصل
الاخت ريم وشو القطران الحجري ماعمري سمعت فيه
وكيف استخدامه ووين القاه ؟ مشكوره حبيبتي |
رد: التهاب المفاصل
طفي المكيف يا بنتي
لا تنامين عنده نهائيا واشربي شاهي اخضر وتنقعي بماء وملح ان شاءالله تنتهي مشكلتك نهائيا خبرينا بعد فتره الله يشفيك يا بنتي ويشفي كل بناتنا واحده تلو الاخرى |
رد: التهاب المفاصل
اخوي هجهوج مجرب هالشي ؟؟
يعني انت فيك التهاب مفاصل صدفي او تعرف احد طاب منه بتباع هالخطوات ؟ تكفون ريحو بالي تعبانه من التفكير :( |
رد: التهاب المفاصل
اقتباس:
|
| الساعة الآن : 04:06 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour