ملتقى الشفاء الإسلامي - السلام عليكم ورحمة الله وبركاته:

ملتقى الشفاء الإسلامي (http://forum.ashefaa.com/index.php)

- علاج مرض الصدفية والامراض الجلدية (http://forum.ashefaa.com/forumdisplay.php?f=88)

- - السلام عليكم ورحمة الله وبركاته: (http://forum.ashefaa.com/showthread.php?t=119165)

السلام عليكم ورحمة الله وبركاته:

كيف حالكم يا اخوتي واخواتي؟اتمنى من الله ان تكونوا بكامل الصحة والعافية...
الحمد لله رب العالمين انو الله سبحانه وتعالى كتبلي اعمل عمرة وان شاء الله عقبال الحج يا رب......
وبصراحة كانت رحلة جميلة جدا لولا ان تخللها غلبة الاطفال....يعني كانت المشقة معهم والحمدلله على كل حال....
طبعا في مكة لم نكن نشرب اي ماء الا ماء زمزم طبعا والحمدلله رب العالمين انو طفلي الحبيب خفت عندو صدفية الركب والاكواع جدا جدا بدون اي دهانات....مع العلم انها عنيدة جدا ...ولكن الحمدلله رب العالمين عقبال ما اخلص منها على الاخر...
وحدث هناك مصادفة جميلة...حيت كان فيه حجة ومعها بنتها صبية بدها تاخدها عند شيخ يقرا عليها اخدت اسمو من الحرم(دائرة الافتاء)وطلبت من زوجي بالصدفية انو يروح معها لانو الشيخ طلب محرم وهي جاي بدون محرم....المهم قالي زوجي شو رايك ناخد الولد نقرا عليه...قلتلوا والله كنت بدي اقلك بس خفت....يعني خفت يصير زي الي منشوفو بالتلفزيون .....قالي توكلي على الله بيجوز الله يسرها خصوصي عشان الولد....توكلت على الله واخدناه بعد صلاة الفجر....وقرا الشيخ الرقيا الشرعية علينا جميعا .....ما شاء الله ما اجمل صوتو...يالله شو ارتحتلو...واخدنا معانا زيت زيتون مقروء عليه....وكان في عندو عسل سدر يمني بس غالي كتير ما اخدناه.....المهم الحجة الي كانت معنا بتقلي ابنك ضل يحك ركبو وهو الشيخ بقرا علينا...بتقلي الا ابنك يطيب...بقلها ان شاء الله الله يسمع منك يا رب......وفعلا انا حسيت بتحسن كبير جدا الحمدلله رب العالمين...
يعني التحسن صار من اكتر من عامل والله تعالى اعلم....ماء زمزم..قراءة القران...الشمس ...والدعاء كذلك....الحمدلله انا جدا سعيدة بالنتيجة واتمنى من الله ان تكون نتيجة قاضية.....
نسيت اذكر لاختي امل الربيع انني دعوت لطارق في كل صلواتي وعند قبر الرسول الكريم قلت ما طلبتي مني تماما.....فدعوت له كما دعوت لابني....وكذلك دعوت للين ابنة صديقتنا نسرين بالشفاء وكذلك لمازن ان يتم شفاءه للابد.....اتمنى من الله ان يتقبل دعائي يا رب العالمين...
وعندما رايت الكعبة دعوت اول دعاء ان يشفي ابني ثم يشفي كل مريض بالصدفية على وجه الارض وان ينتهي هذا المرض مثل اي مرض اخر......
واخيرا وانا مروحة من مكة في ساحة الفندق اكتشفت انو في نت...رحت عالسريع شبكت من الموبايل واطلعت على المواضيع على السريع....بس صار رح يخلص الشحن...انقهرت اني ما عرفت بالموضوع الا اخر يوم.....لأ... اخر نص ساعة....على كلا هيك هيك ما كنت رح افضى اشبك اكيد لانو الوقت هناك كتير ضيق....بنلاحق ملاحقة لانو الوقت قصير.........الله يتقبل مني ومن كل شخص يا رب...ينوي العمرة لوجه الله تعالى....
حبيت احكيلكم شو صار معي.....ان شاء الله تصح للكل العمرة يارب....