خلطة جديدة للصدفيه
قبل فتره قريت بالجريده لقا مع دكتور اعشاب والمهم جاب طاري الحبيبه وفز قلبي قلت بس خنراسله بالايميل لعل وعسى يكون فيها الفرج خصوصن انها زايده بهالبرد عسا الله ياجرنا
هذا ردهم علي السلام عليكم ورحمة الله وبركاته أختي الكريمة لعلاج الصدفية :- قومي بخلط مقادير متساوية من:(زيت الكركم+زيت زهرة الربيع+زيت اللوز+زيت الصفصاف)ثم أضف 3 قطرات من زيت المرقدوش *قومي بدهن المنطقة بالخليط السابق مرتين يومياً *مع قراءة الفاتحة 7 مرات *الإكثار من أكل القرع مدة العلاج تختلف من شخص لآخر ومن حالة لأخرى والشفاء من الله تعالى وحده Subject: السلام عليكم ورحمة الله وبركاته From: [email protected] Date: Thu, 27 Jan 2011 22:59:22 +0300 To: [email protected] |
رد: خلطة جديدة للصدفيه
مشكوره اختي احساس زوجه وان شاء الله ربي يشفينا جميع
|
رد: خلطة جديدة للصدفيه
بارك الله فيك اختي احساس زوجة بس المشكلة مع القرع الصلصل ممنوع الطماط ممنوع يلاااا يابنات اخترعوا لنا اكله قرع من غير طماطم
بارك الله فيك وعسى الله يفكنا من هالمرض يارب وتسلمين خيتي |
رد: خلطة جديدة للصدفيه
ههههههههههههههههههههههه
ياحبي لك يالهامور والله اوووووووما يالله يا بنات اخترعو لنا اكله قررررع بدون طماط <<< أحس انها طالعة من قللللللللللللب هههههههههههههههههههههههه اضحك الله سنك حبيب قلبي الهاموووووور عسى ربي يعافيك ويعافيني ويعافي مرضى المسلمين إن شاء الله. |
رد: خلطة جديدة للصدفيه
هاموور ما طلبت شي ياخوي
وما عليك من ابو ريماس بكل موضوع ما تسمع الا كركرته هامور تدري ان القرع اسهل طبخ له هي الشوربه لذيييذة وبالشتا بعد يا سلام اول شي نقطع القرع ونغسله وانضفه وانشيل القشر اللي بر والحبوب اللي داخل بعدها نقطع بصيلات وحبتين ثوم كله صغير صغيروون ونحط اشوية زيت زيتون بالجدر وانحمس علا روااااء وانحط كركم ومكعبات ماجي وانحط القرع وانخلط هالحركات والنار هاااديه بعدها علا راحتك اختياري اذا بتحط باكيت شوربه دجاج بالشعيريه ولا اروع واتقطع جزر يعني اذا ربع القرع الكبير خطينا انحط جزره وحده كبيره مو الصغار اييي وين وصلنا بعدها يا محفوظ السلامه انضيف الماي الحار علا القد يعني مو ازياده حيل عشان نبيها اتصير ثقيله بالنهايه وبعد نص ساعه ترا القرع يا حليلاته ما يطول نجيب الخلاطه اليدويه اللي مثل العصا اتحطها داخل الشوربه واتشغلها اتسوييه ناعم حيل وبعدها ذوقها والملح حسب الرغبه .....استريحي صدقت نفسها منال العالم وسلامتكم * |
رد: خلطة جديدة للصدفيه
الف شكر للفائده بارك الله فيك وجزاك الله الف خير |
رد: خلطة جديدة للصدفيه
اقتباس:
بارك الله فيك خيتي وعسى الله يشافيك يارب ولا تشوفين مكروه . الله يرحم والديك ويوفقك بدنياك . وابوريماس حلاوة المواضيع بكركرته ^_^ خخخخخخخخ مشكورة خيتي ايديك للجنة |
رد: خلطة جديدة للصدفيه
مشكور اخوي هامور
والحين بطلع من الدوام سيداا علخضره بشتري قررع |
رد: خلطة جديدة للصدفيه
بالعافية عليك ومداخيل العافية ان شاء الله وانا كذلك سيدااااا من الدوام وعلى طول للكويت بس منعني الغبار والهواء العالي ^_^ ونأجلها بعد صلاة المغرب أن شاء الله ويسلمو على الطبخة راح نطبقها عن قريب ^_^
|
رد: خلطة جديدة للصدفيه
بس شنو زيت الصفصاف وشني فوايده
|
| الساعة الآن : 08:48 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour