ملتقى الشفاء الإسلامي - شرح الفرش المكياج

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين بسم الله الرحمن الرحيم ...

موضوع عجبني وحبيت اقدم لكم

شتاخذين؟*شرح الفرش+ طريقة تنظيف الفرش

انا بنزل لكم موضوع ظروري لكل بنت وامرأه وعروس تحب انه يكون مكياجها بروفيشينال وبيرفكت ومرتب
وكثير منا يحتار شنو ياخذ او بالاصح مايعرف شنو ياخذ ؟
وكثير منا يستخسر الفرش ويشتري الفرش التقليد او الغير اصليه وترا كل شي وله سعره

وايضا وايد منا مايدري شنو الفرش المهمه؟ واكيد مايعرف شنو ياخذ النايلون ولا الشعر الطبيعي او الشعر الصناعي

انا بختصر عليكم المسافات كلها وبشرح لكم بطريقه جدا مبسطه وسهله

وقبل لا اشرح خلوني اعطيكم نبذه عن الفرش وانواعها

يوجد هناك 3 انواع من الفرش

فرش نايلون ناعمه : مثاليه للشدو المائي وكريمات الاساس السائله(بختصار بيرفكت للأشياء الكريميه والمائيه)

فرش شعر طبيعي( من اجود انواع الفرش وترا غاليه مو رخيصه بس سعرها فيها وتدور طويلا اذا حافظتي عليها وغسلتيها بالطريقه الصحيحه)

فرش شعر صناعي (هذي ماتدوم طويله واستعمالها حلو بس ساعات تكون قاسيه خصوصا اذا كانوا فرش العيون لانه ويا الاستخدام تقسى شويه فيفضل بهالفرش تشترين حق البلاشر ولا تصغير الانف والوجه..ألخ)

قبل ما ابدي بقول لكم عن الفرش الممتازه

من رأيي الشخصي افضل فرش هيا make up for ever
ومن ثم M.A.C
ومن ثم بوبي براون

هذا مو معناته باجي الشركات فرشهم موزينه انا اتكلم عن البروفيشينال بالفرش يعني اخذوهم على ضمانتي

طبعا لو تروحون ماك ولا فور ايفير ولا اي شركه فيها فرش اكثر فرش كريم الاساس ينصحونج بالنايلون لانها ناعمه ودقيقه يعني الشعر اللي فيها وايد ناعم ومثالي للكونسيلر والكريم الاساس وباجي الفرش حق العيون والبلاشر والبودره كلهم انصحكم بالشعر الطبيعي

ادري كثرت عليكم سوالف بس عشان يكون الموضوع متكامل

وحبيبتي انتي اللي تختارين الفرش اللي تناسبك
يعني لاتاخذين شي انتي مو بحاجته والفرش ترا انواعها وايد وايد لو بتشترينها غاليه وحرام تظل بدون استخدام فلازم تعرفين شنو انتي تبين بالظبط

نبدي بالفرش كلها ونحاول نختصر وبعدين نفصل

شوفوا الفرش كامله

http://imagecache.te3p.com/imgcache/...f1a4dffc11.jpg

الشرح

السطر الاول كله حق الوجهه (بلاشر وبودره كومباكت وبورده حره)

السطره الثانيه للشدو والكحل

السطر الثالث
رقم 40 ورقم 41 هذيله عشان تشيلين البودره السائبه اللي حطيناها تحت العين عشان بقايا الشدو وتنظيف تحت العين من بقايا الشدو

23 حق الحمره(الروج)

رقم 45 ورقم 42 حق الحواجب

والباجي كله حق العين والكحل

السطره الاخيره مكس بين العيون والوجهه

46 هذي حق كريم الاساس شوف شكلها

47 و48 حق الوكنسيلر

49 و50 و51 حق الكريم الاساس وممكن البلاشر وممكن البودره

52 حق العين وخصوصا البنانا يعني بين الجفن الثابت والمتحرك تسوين قوووس وراح اشرحها فيما بعد
53 للعين ممكن للبنانا او الدمج او..ألخ

واللي لونهم اصفر حق الجسم مثل ما اهوا موووووووضح

شوفوا التشكيلات كامله

http://imagecache.te3p.com/imgcache/...0fa00515a2.jpg
السطر الاول للوجه والبلاشر والبودره وكريم الاساس تنظيف تحت العين
والسطره الثانيه الحواجب والشدو والعيون والكحل

هالمجموعه مثاليه ومتكامله
http://imagecache.te3p.com/imgcache/...a3a03a85a6.jpg
الشرح نبدي من اليمين
اول ثلاث فرش على اليمين لونهم اسود حق البلاشر والبودره الكومباكت

من ثم الكونسيلر تشوفون شكلها ناعم وطويله نوعا ما ولونها من فوق غير

بعدها المشطوفه مثاليه لرسم الحواجب وايضا حق تحت العين سواء للشدو او الكحل الكريمي وتسحب العين لبره وومكن استخدامها فوق العين ايضا على خط الرموش

بعدها المربعه المستقيمه حق تحديد اسفل العين ولا فوق العين

وبعدها الاربع فرش اللي لونهم اسود اول وحده للشدو سواء لدمج او لتوزيع الشدو..ألخ
الثانيه قصيره وعريضه مثاليه للأضائه تحت الحاجب
بعدها للجفن الثابت وممكن المتحرك او بينهم
اخر وحده البنانا تسويلج القوس بزوايه العين الخراجيه او بين الجفن الثابت والمتحرك تعمل قوس بالعرض

من ثم فرشه الكريم الاساس

ومن ثم فرشه الحمره(الروج)

هالمجموعه بروووووفيشيناااااااااال بس ناقصها فرش الكريم الاساس

http://imagecache.te3p.com/imgcache/...778dfb394f.jpg

نبدأ بكريم الاساس والطريقه المناسبه لوضع كريم الاساس

طبعا فيه عدة طرق لوظع كريم الاساس

ممكن باليد
وممكن بالفرشه
وممكن بالسفنجه المثلجه
وممكن بالسفنجه الدائريه

وانا انصحكم بالفرشه
لانه باليد ممكن مع حرارت الايد يبقع معاج كريم الاساس ولا تتوصخ اغراضج ببقع كريم الاساس (رأيي الشخصي)

هذي الاسفنجه المثله

http://imagecache.te3p.com/imgcache/...b93584f89e.jpg

السفنجه الدوره ممكن حق كريم الاساس الكومباكت تبللينها ماي وتستخدمينها
http://imagecache.te3p.com/imgcache/...d6404d757e.jpg

بالفرشه

وتكون شكلها جذي

http://imagecache.te3p.com/imgcache/...13fc93de10.jpg

زوم

http://imagecache.te3p.com/imgcache/...de45cd6951.jpg

ومنها احجام

http://imagecache.te3p.com/imgcache/...4d4fb8a5ff.jpg

نشوف سانلوران مسوين كريم الاساس على فرشه
http://imagecache.te3p.com/imgcache/...37a96cbb1e.jpg

يتبع

http://imagecache.te3p.com/imgcache/...3d3f19c8a2.jpg

عجبوني وايد اخر وحده حق الكونسيلر
http://imagecache.te3p.com/imgcache/...dc4f4ac7d0.jpg

الكونسيلر

ديري بالج تحطينه بصابعج وتمسحين ترا راح يطلع سواد وتجاعيد تحت العين وفوقها بعد
يعني اذا بتحطين بيدج حطي بالطبطبه بالاصابع بدون ماتروحين وتردين على العين
وانا افضل تحطين بالفرشه وشوي شوي يعني هالمنقه جدا رقيقه

فرش الكونسيلر

http://imagecache.te3p.com/imgcache/...b9b2d32c8e.jpg

http://imagecache.te3p.com/imgcache/...20b95db803.jpg

واحجام فرشه الكونسيلر

http://imagecache.te3p.com/imgcache/...766d66e1f3.jpg

احجام مختلفه

http://imagecache.te3p.com/imgcache/...a002309e14.jpg

الحين حق فرش البلاشر والبودره الكومباكت المات(اللي ماتكون كريميه)*بودره*هذي ممينره جدا للبودره الكومباكت افضل من الاسفنجه اللي تكون ويا البودره وتعطي شكل مخملي بصراحه لاتطوفكم رقمها S 30 من فور ايفير

http://imagecache.te3p.com/imgcache/...89e68d7a4f.jpg

للبلاشر فيه نوعين الكبيره المدوره واللي تكون طرفها اكثر حق صوب عظمة الخد صوب الاذن

هذي اللي تكون حجمها اصغر وانتي تختارين شلون يتوزع البلاشر

http://imagecache.te3p.com/imgcache/...e3fea2b8ba.jpg

صورة ثانيه

http://imagecache.te3p.com/imgcache/...f89f731be6.jpg

الشكل المدور الكبيره* احبها بصراحه*

طبعا اللي بتفرق بينها وبين فرشه البودره الكومباكت نشوف انه بودره الكومباكت بدايه الشعر سيده يعني مضغطه شوي عشان تصير بدايه الشعر سيده ومن ثم كبيره اما البلاشر تكون من بدايتها مدووووووووووره الى النهايه عرفتوا علي؟

http://imagecache.te3p.com/imgcache/...3fb94f963b.jpg

هذي فرشه الحجم الكبير لأزاله البودره السائبه اللي حطيناها تحت العين ومن ثم نشيلها بالفرشه عشان باقا الشدو

http://imagecache.te3p.com/imgcache/...876a09064c.jpg

فرش الشدو + الكحل (فلاش العين)

http://imagecache.te3p.com/imgcache/...ba03b14804.jpg

طبعا اول فرشه مشهوره جدا ويستخدمونها البروفيشينال وهم اللي مايعرف ميك اب هالفرشه اتوقع لازم تكون عندهم وانتي تتحكمين شلون ترسمين العين وتصلح لكامل الجفن سواء للجفن المتحرك او الجفن الصابت او اضاءه تحت الحاجب بتاااااااع كلووووووووو وانا احبها

هذي فرشه البنانا اللي تقدرين تسوين القوس اللي بين الجفن الثابت والمتحرك
وممكن زاويه العين الخراجيه تسوين قوس

هذا شكلها

http://imagecache.te3p.com/imgcache/...81aae41f9b.jpg