سؤال محيرنى
انا ظهرت عندى الصدفيه من 3 اشهر تقريبا وكانت بشكل خفيف فى الكوع ورحت الدكتور وقالى انها صدفيه وكتبلى على درموفيت واليكاسال المهم استعملت العلاج واختفت الصدفيه فى خلال اسبوع او اقل وانا متوقف عن الدرموفيت واليكاسال منذ شهرين تقريبا وظهرت مره اخرى فى الكوع ولكن خفيفه جدا وقشور بس تقريبا بدون احمرار مع استخدام خلطه الدهيميه ومش واضحه اساسا للعين المجرده لكن لو ركزت فيها اشوفها سئلت دكتور صيدلى وقالى الى عندك دى مش صدفيه لان الصدفيه بتكون طبقات وفيها قشره انما الى عندك احمرار وفوقيها قشره زى قشره الشعر بس خفيفه جدا المهم انا مستخدم الدهيميه حاليا واعتقد انها خفت من حدتها تقريبا وغير واضحه اصلا واعتقد ظهورها مره اخرى كرده فعل للكورتيزون لان حالتى خفيفه جدا جدا المهم انا عندى سؤال هل للخمر المحلى اضرار على الجلد يعنى ممكن فعلا يعمل كدا فى الجلد ويخليه يقشر وملتهب ولا دى فعلا صدفيه لان صديق لى قالى ان الخمور المضروبه او الغير اصليه هتعملك حساسيه ارجو الافاده الله يخليك لانى شاكك انها مش صدفيه وغير كدا فى تقشير دائم فى كف وظهر ايدى مع احمرار بسيط ولكن تزامن مع صدفيه الكوع والدكتور قالى انها مش صدفيه دا تقشير عادى لجلد الايد وهيروح بس التحسن بطى والقشور مازلت موجوده وبتزيد لما استحمى او استعمل الماء والصابون انا حاسس ان الى عندى حساسيه من الخمور او زياده مفرطه فى النظافه العامه واستخدام الماء والصابون بأستمرار ودا الى حذرنى منه الدكتور ارجو الافاده فى حالتى |
رد: سؤال محيرنى
لا حول ولا قوة الا بالله العلى العظيم انصحك ابتعد عن الخمور بشكل عام وانصحك ابتعد فتره من الصابون الكيميائى وستخدم صابون طبيعى السدر او صابون رقى للاستحمام ويفضل عدم استخدام الماء لليد او عندك ماء وملح ثم دهان بفازلين تقريبا عرفت فيك ايه ابتعد عن الكورتيزون وعليك بالترطيب والابتعاد عن الشامبو والصابون وسلامتك |
رد: سؤال محيرنى
الله يتوب عليك ويهديك مريض الصدفيه محتاج ينظف جسمه من السموم مو يزيدها |
رد: سؤال محيرنى
انا والله الحمد بطلت الخمور بعد ظهور هذه الاشياء
والتى تزامنت تماما مع شرب الخمر وانا من النوع المجنون بالاستحمام وغسل الايدى والارجل بأستمرار ولما سئلت دكتور صيدلى عنده خبره مع مرضى الصدفيه بحكم انه شافها مرات ومرات وضحك وقالى اول مره اشوف صدفيه كدا قالى دى استحاله تكون صدفيه دى حساسيه من حاجه وانتا اكتر واحد تقدر تعرفها بس انا اتحرجت اقوله على الخمور على العموم شكرا اخى بوسطن على اهتمامك وتعاونك ويعلم الله انى كنت اعلم انك ستكون اول شخص يقدم النصيحه صدقنى اخى انت رجل متزن ويحب الخير لغيره قبل نفسه صدقنى ستكسب فى الدنيا كثيرا والاخره ان شاء الله من مثلك عمله نادره واسف على الاطاله |
رد: سؤال محيرنى
الله يجيب الشفاء لك اخى فى الله .
واغتنم رمضان الكريم واقتلع عن المنكرات على الله يكرمك بالشفاء العاجلان شاء الله. |
| الساعة الآن : 12:17 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour