ملتقى الشفاء الإسلامي

ملتقى الشفاء الإسلامي (http://forum.ashefaa.com/index.php)
-   الملتقى الترفيهي (http://forum.ashefaa.com/forumdisplay.php?f=35)
-   -   ادخل واختار الموته التي تعجبك (http://forum.ashefaa.com/showthread.php?t=16884)

MODY_NOKIA 17-11-2006 03:24 AM

ادخل واختار الموته التي تعجبك
 
كلنا هانموت بعد عمر طويل ان شاء الله
بس عمرك فكرت انت عايز تموت ازاي

عايز تموت شهيد
يا تركب طيارة _ياتركب عبارة

عايز تموت من الجوع
يا تشترى شقة _ ياتشتري عربية بالتقسيط

عاوز تموت من الحسرة
ياتتفرج على الفاترينات في سيتى ستارز_يا تروح زيارة لمارينا

عاوز تموت من الغيظ
يا تتفرج على القنوات المحلية _ يا تتفرج على النشرة الجوية

عاوز تموت من الزهق
ياتستنى الشارة لما تفتح _ ياتستنى دورك في التأمين الصحى

عاوز تموت من الهبل
يا تخش على النت _يا تسمع نجوم الـ اف ام

عاوز تموت مخنوق
ياتروح مصلحة حكومية _ يا تقرا الجرايد اليومية

عاوز تموت مفروووووس
يا تركب تاكسى _ ياتركب دش

عاوز تموت مرعوب
يا تستنى نتيجة الثانوية العامة_ يا تستنى نتيجة التحاليل عند الدكتور

عاوز تموت مشهور
يا تتجوز رقاصة _ يا تنصب على بنك

عاوز تموت مليونير
يا تعمل فيديو كليب_ يا تلعب كورة

عاوز تموت ورا الشمس
يا تشغل مخك_يا تفتح بؤك

عاوز تموت منكاد
يا ترشح نفسك في الانتخابات _ ياتخش في اتفاقية الجات

عاوز تموت من الضحك
يا تتجوز اتنين _يا تشتغل مع المجانين

عاوز تموت من الحزن
يا تفكر دايما في احوالك _ ياتحط الحكومة في بالك

عاوز تموت في حالك
اعمل نفسك دايما مش واخد بالك



ولاتنسونا من ردود ودعاء صالح ( م ن ق و ل)



ريحانة دار الشفاء 17-11-2006 04:26 AM

هههههههههههههههههههه
حلوة اخى
كلنا حنموت بس يا رب نموت شهداء بس مش زى الشهادة الى انت مختارها
ههههههههههههههه
مشكور

ريحانة دار الشفاء 24-11-2006 04:43 AM

اها نسيت انى اقول لك انى اموووووووووووووووووووووت
بالخوخ
خخخخخخخخخخخخخخخخخخخخ


الساعة الآن : 07:38 PM

Powered by vBulletin® Version 3.8.5
Copyright ©2000 - 2020, Jelsoft Enterprises Ltd By AliMadkour


[حجم الصفحة الأصلي: 5.33 كيلو بايت... الحجم بعد الضغط 5.16 كيلو بايت... تم توفير 0.16 كيلو بايت...بمعدل (3.08%)]