طريقة عمل كفتة الحاتى فى المنزل




إسراء الشرباصى
https://img.youm7.com/large/201806030236383638.jpg


المشويات من الأكلات المفضلة لأغلب أفراد الأسرة فى معظم البيوت المصرية، وشراءها جاهزة يكلف ربة المنزل أعباء مادية كبيرة، وفى هذا السياق توضح الشيف توتا مراد طريقة عمل كفتة الحاتى.


المكونات

نصف كيلو لحم مفروم
1 ملعقة كبيرة بيكنج بودر
1 رغيف عيش فينو منقوع فى لبن ربع ساعة ونصفيه ونضربه فى الكبه ليكون أشبه بالمعجون
1 ملعقه كبيرة سمن
بقدونس مفروم ( اختياري )
ملح وفلفل اسود
بصل وثوم بودره
بهارات لحم وجوزه الطيب وحبهان مطحون
تفل بصلتين وسط ولا نستغنى عن مياهه لاحتياجهها
https://img.youm7.com/ArticleImgs/20...37327104_n.jpg


طريقة العمل

نفرم اللحم مع البصل وكل البهارات و نضيف عليها العيش والبيكنج بودر ونكمل ضرب فى الكبه جيدا إلى أن تنعم وتلم كوره واحده وبعدها ننقلها فى بوله ونضيف السمن والبقدونس ونقلبها جيدا ونغطيها باسترتش وندخلها الثلاجه ساعه ونحضر ملعقة خشب ونشكل عليه الكفته ونبتدى نصبع عليها الكفته.
ثم نحضر مياه البصل ونضيف عليها ملعقه صغيرة صلصه طماطم وملعقه كبيرة زيت وملح وفلفل ونعرض ايدينا للمياه دون تجفيف ونصبع الكفته ونرصها فى صينيه مدهونه زيت و ندخلها الثلاجه ساعه كمان وبعدها نطلعها على فرن سخن جدا إلى أن تنضج وذلك فى حوالى نصف ساعة وفور خروجها من الفرن نضع قطعة فحم وعليها ملعقة صغيرة سمن ونغطيها ربع ساعة لتكون جاهزة بعد ذلك للتقديم على المائدة.