ممكن نحكي بصراحة؟
 

السلام عليكم ورحمة الله وبركاته..

الأخوة والأخوات اعضاء الشفاء ..والمهتمين بالأقصى الجريح واطياف المجد بشكل خاص..

اتمنى يكون الجميع بأحسن حال.

.بالنسبة للي بيعرفوا اطياف من الأول رح تستغربوا الموضوع يمكن.. بالنسبة للي ما بيعرفوا فرصة انكم تعرفوا..

اطياف المجد كفريق اول ما تأسس كنا مجموعة صبايا عنا اهتمام خاص بفلسطين وبقضايا محددة حابين نوعي الناس فيها..وكنا بنتعاون مع بعض بالمواضيع لحد ما قررنا نعمل مجموعة تشمل اعضاء اكتر من المنتدى وبنشاط اوسع..حددنا لجان معينة ولكل وحدة مهمة معينة..مثلا التحرير..تصميم..الخ.. وفتحنا للأعضاء حرية الاشتراك فيها..والأخ ابو آيه ما قصر ودعمنا متل العادة وفتحلنا هالقسم الفرعي..

الشغل صار وقتها عبارة عن حملات..بمعنى..عنا قضية الأسرى مثلا حابين نفعلها..فكنا نقسم الشغل انه مجموعة التحرير تكتب مقالات عن الموضوع..مجموعة التصميم تعمل شعار وتواقيع مثلا.. وهيك كنا ماشيين..لحد ما بوقت توفقنا بشكل كامل..وطلبت من الأخ ابو ايه يسكر القسم ..ورجعت بعد فترة اخت كريمة طلبت فتحه على امل احياءه وبعدين رجعنا توفقنا..

الأسباب وبصراحة شديدة كانت كالتالي:

اولا وعشان اكون منصفة..احنا كادارة ما كنا قادرين نلتزم بشكل كبير بمتابعة الأعمال لانشغالنا بدراستنا - معظمنا كانوا طالبات والبعض لازال- وحياتنا و..و..و..

وانا شخصيا كحدى صاحب فكرة وصلت لمرحلة من التعب وللأسف الاحباط الشديد فقدت روح المثابرة والقدرة على الاستمرار..

ثانيا.. عدد مش بسيط من الأعضاء اللي انضموا لنا ومنهم ناس من اللي لامونا بالبداية انه ما حكينالهم وما شاركناهم من البداية كانوا وكان الموضوع ما بينعنيهم..اما يغيبوا غياب تام وقت الشغل او يتواجدوا بكل اقسام المنتدى باستثناء اطياف..مع العلم الانضمام كان اختياري وبكل حرية..

ثالثا ..في الحالات اللي كنا كادارة اطياف نتواجد ونتابع والأعضاء يشتغلوا ويتعبوا وننشر ونجهز كل شي..التفاعل من الأعضاء كان محدود جدا جدا..

هلأ..لكل هالأسباب..احنا توفقنا وجربنا نرجع اكتر من مرة وحسب اعتقادي لهلأ ما حققنا المطلوب من اطياف او الفكرة الأساسية اللي اطياف كمجموعة انعملت عشانها..

ليش انا بحكي كل هادا هلأ؟

عشان حسيت انه صار وقت تغيير حقيقي..صار وقت نعالج المشاكل بدل ما نتركها وندير ظهرنا..وبعد الأحداث الأخيرة بالوطن العربي الكل شاف قديه النت وحتى الفيس بوك وسيلة مهمة للتوعية وللتغيير..

متل ما قلت جزء التقصير كان مني.. وعشان هيك فتحت الموضوع.. انا بتمنى انه لازم نرجع اقوى واحسن من قبل.. وفكرت انه اذا رجعنا لازم طبيعية الشغل تتغير و هيكلة اطياف ان صح التعبير تتغير كمان..

بدي هلأ من اي حدى يقرا الموضوع.. يجاوبني على هالكم سؤال بصرااااحة..

- هل بتعتقد/ي انه اطياف المجد لو رجعوا من جديد رح يقدروا يعملوا او يضيفوا شي؟؟
- هل انت/ي مستعد/ة لدعم اطياف والتعاون معهم ولو بنشر اعمالهم مثلا؟؟

وختاما يا جماعة الخير.. اذا حبيتوا الموضوع اهلا وسهلا.. واذا ما حبيتوا.. بردو اهلا وسهلا.. بس بالنسبة الي هالمرة مش حفقد الأمل.. وحشوف شو بقدر انا اعمل..وشو غيري بيقدر يعمل.. وربنا يوفقنا..

اهلا وسهلا فيكم وباقتراحاتكم واراءكم..

رد: ممكن نحكي بصراحة؟
 

رد: ممكن نحكي بصراحة؟
 

رد: ممكن نحكي بصراحة؟
 

رد: ممكن نحكي بصراحة؟
 

اخي بشير بارك الله فيك وشكرا على المرور اللي بيعبر عن وعي وفهم .. وسام اهلا فيكي وربنا يوقنا جميعا ..فراشة انتي بدون ما تردي او اخد رايك انتي دايما معنا

رد: ممكن نحكي بصراحة؟
 

السلام عليكم ورحمة الله وبركاته
أختي الفاضلة عاشقة فلسطين كل الذي ذكرتي شجعني وأحزنني في نفس الوقت
ليس لشي أختي لكن بكل صراحة
الفكرة منبعها يوعي لنا عن شخصيه فذة وعقلية فاهمه
لكنك في حديثك بانك استسلمتي مرات عديده وليس هذا بفشل أختي بل خطوة إيجابية أحترمها منكِ
أختي انتي نادرة وهذا ما أوحت لي كتاباتك
لكن هناك نواقص اولا سوف أبدا بها للفائده أختي ;)
- أطياف المجد شعاركم جميل جدا والفكرة أجمل
إن كان لا بد عليكم بالنشر في المجالات الاتية :
الفيس بوك توتير يوتيوب وعمل رابط منتداكم عليه هذا سوف يجلب كم هائل من مشاهدينكم وقد ينظم الكثير لكن الصبر في ذلك أختي
- أختي أنتقاء الكُتاب وأصحاب المقالات الذكية التي يستهدف من ورائها جذب أكبر زوار وذلك : بعمل أسماء المواضيع بكلمات بسيطه وهادفه حتي ييسر للباحث الوصول إلى ما يريد من فلسطين
- أختي التصاميم مهمه جدا قد تصل الى جوالات أغلب متابعي القضية الفلسطينية
عليكم الاتقان فيها والتماس مشاعر الناس بها وعمل التصميم الذي يحوم حول أسمك نهاية كل تصميم على الجانب
- جمع كم كبير من رموز الاعضاء حتى وان لم يشاركو ليس بالضروري يكفي بان هناك من يعمل لشي كبير
- التركيز على مواضيع جادة كالاتي :
قرب زوال إسرائيل : اليوم يوم النصر : ماذا جرى اليوم فلسطين : عالم جديده لكِ يا درة : لماذا انتي على الهامش : فلسطين أقترب الحق
طبعا هذا الاسماء من مخيلتي لكن قد تفيد هذه العناوين وبحثو عن كاتب مرموق حتى يدعمها بالجميل
- الدعم المعنوي مهم لكِ اولا وللاعضاء ثانياً
- لا تحزني وا لايحزن غيرك إن لم تجدو متابعين او مساندين لقضيتك فهناك من يقراءون ما تكتبيه

وفي الاخير
سوف اتابع وإن شاء الله سوف إجيبك عن إسئلتكِ قريباً

بالتوفيق أختي

رد: ممكن نحكي بصراحة؟
 

وعليكم السلام ورحمة الله وبركاته..
اخي اشكرك من قلبي واحييك على الرد اللي كنت بستنى مثله من اول ما نزلت الموضوع حسيت بجد انك الموضوع وصلك واستوعبته..
هلا اخي بعرف انه مش لازم الواحد يفقدالامل معك حق بس اكيد ماوصلنا لهالشي من فراغ .. عموما اللي راح راح وهلا احنا باليوم وبكرة اللي ان شاء الله رح يكون احسن

بالنسبة للنواقص شكرا جدا على اراءك واسمحلي اناقشها معك واحد واحد..
اول شي بخصوص وسائل النشر اللي ذكرتها احنا اوريدي النا اكاونت على يوتيوب بس كانت المادة المعدة قليلة جدا واظن الاكاونت لسة مفتوح اما الفيس بوك وتويتراكيد ببالي وهادا اللي قصدته لما قلت تغيير طبيعة العمل انه مارح يقتصر على مواضيع بسيطة يقراها عدد محدود في الشفاء ..
بالنسبة للكتاب والمقالات الذكية كان معنا مجموعة من الاخوة ماشاء الله عنهم مبدعين واسلوبهم رائع بس منهم اللي صارت عندهم ظروف او غابوا لسبب او لاخر وبتمنى انهم يرجعوا معنا واهلا وسهلا اكيد بأي حدى بيحب يشاركنا..

التصاميم كان الها لجنة خاصة بس وضعها متل غيرها وان شاء الله بيتحسن..

بالنسبة لجمع عدد كبير من رموز الأعضاء هاي بصراحة ما فهمتها ياريت توضح اكتر..

اسماء المواضيع والعناوين اللي اقترحتها حضرتك جميلة جدا شكرا لك وبانتظار المزيد منها..

اخيرااخي موضوع اني احزن هادا ما بقدر اوعدك فيه لأنه طبيعة الانسان لما بيتعب بشي بيتوقع نتيجة ..مش شكر اكيد بس على الاقل قراءة او رد واعي .. وخصوصا لما يكون الموضوع مش الي بس لقضية اكبر مني ومن كل حدى وواجب على الكل يتفاعل معها ويدعمها

مرة تانية شكرا على ردك اخي وبانتظار مرورك مرة تانية*

رد: ممكن نحكي بصراحة؟
 

السلام عليكم ورحمة الله وبركاته
أختي الفاضلة عاشقة فلسطين
كلامك جميل جدا واوحى لي بنقاط مهمة خطرت ببالي وانا سوف اقوم بترتيبها
وسوف أضع بين يديكِ نقاط قد تكون مهمة لكِ وللجميع
وسوف نوصل قضية أطياف المجد الى الاعضاء بكل سهوله بل وسوف نقنعهم بكل ود وأيضاً عنف;)
أيضاً في جعبتي الكثير أنتظريني أختي حتى ارتب الامور
بالنسبة لسوالك حول جمع أكبر كم من الاعضاء سوف انشدك بذلك قريباً

رد: ممكن نحكي بصراحة؟
 

السلام عليكم ورحمة الله وبركاته

أختي الفاضله عاشقة فلسطين لقد بدا الامر في تنفيذ المهمه
وسوف تصلك رساله نصيه وارجو اقتراحك في ذلك

رد: ممكن نحكي بصراحة؟
 

شـــــــــــكرآ