كل واحد يكتب شنو يزيد صدفيته حياكم
السلام عليكم ورحمه الله وبركاته
تقبل الله طاعتكم جميعا وكل عام وانتم بخير وعيدكم مبارك راح اتكلم اليوم بالنسبه لي شنو يزيد صدفيتي ابي الجميع يشارك خلونا نشوف شنو اللي يزيد صدوفه هانم عن نفسي انا ماحب الشمس والحر ان طلعت مشوار والجو حار احس بحكه شديده وانا داخل السياره مارتاح لين ينزل دم من صدفيه وثانيا ارتاح بالاستحمام بالماي الحار )ماتبي شمس تبي ماي حار عجيبه صدوفه بعض الملابس اتحسس منها احب القطن برنامجي اليومي مع هيجان الصدفيه حاليا وحسيت بشوي تحسن بعد الاستحمام علي طول فازلين مع نسبه كرتزون بسيطه بس شنو مشكلتي انا اذا صار المسا والامور تمام ابدي اشيل الجلد وهذا غلط طبعا احس براحه اذا استخدمت ديموفيت الاحمر يسبب لي حرقان فوقفته الفازلين يوم عادي ويوم بكرتزون اتمني منكم كل واحد يقول شنو اللي يزيد صدوفه شكرا لتعاونكم خلونا نستفيد من بعض |
رد: كل واحد يكتب شنو يزيد صدفيته حياكم
وعليكم السلام
اختي ام محمد من خلال تجربتي الطويلة مع الصدفية لاحظت بان الصدفية تزدا د عند تناول الحلويات والمربيات والسكريات المصنعة والمشروبات الغازية وكذلك عندما اطيل السهرفي الليل وتكون ساعات نومي قليلة وعند ما اكون قلقا او مهموما او بالي مشغول او اعاني من مشكلة في البيت او العمل اشعر بضرورة الهرش والحكة مكان الصدفية لدرجة الادماء مكان الصدفية |
رد: كل واحد يكتب شنو يزيد صدفيته حياكم
وكذلك في فصل الخريف و الشتاء والماء البارد يهيجها وتلتهب وتنتشر بشكل كبير
والحمد لله صارلي كم سنة مرتاح من الصدفية بعد استخدامي قطران الفحم الحجري |
رد: كل واحد يكتب شنو يزيد صدفيته حياكم
شكرا بوصالح علي الرد
سبحان الله الصدفيه تختلف من شخص لاخر في ناس تزيد بالصيف وتخف بالشتا ومن الاكل تسبب ازياد صدفيه الحاله النفسيه والعصبيه الزايده تزيد الصدفيه اتمني الشفاء لي ولكم جميعا شعار حياة بدون صدفيه اجمل ��باذن الله |
رد: كل واحد يكتب شنو يزيد صدفيته حياكم
لا شك انو الصدفيه مزعجه صيفا وشتاء وخاصة اذا صاحبها هرش وحكه شديدين كما تفضلتم مع الاخ ابو صالح وكنت اتمنى ان تكوني تخلصتي منها ولكن كله بامر الله بنت عمي موجوده عندك في الكويت تواصلي على الخاص اخت ام محمد تعطيكي علاج دائم اذا احببتي
|
رد: كل واحد يكتب شنو يزيد صدفيته حياكم
مشكور اخي الكريم
ماقصرت ارسلت لك بالخاص |
رد: كل واحد يكتب شنو يزيد صدفيته حياكم
اقتباس:
|
رد: كل واحد يكتب شنو يزيد صدفيته حياكم
والله كاسره خاطر العاملات عندي بالبيت يحطون لي كريمات
يقولون مدام ناخذهم منك ترتاحي شوي وبعدين نردهم اضحك اقول لا خلوهم عشرة عمر 20سنه مع الصدفيه ارد عليهم وقول الحمدلله |
رد: كل واحد يكتب شنو يزيد صدفيته حياكم
اختي ام محمد نصيحتي ادهني بالفازلين فقط وخصوصا بعد الحمام
اتركي كل الكريمات والمراهم فقط فازلين خام غير معطر او ملون وياريت لو تحاولي تحصلي على قطران الفحم الحجري من مصدر موثوق ويكون اصلي وتخلصي من هالمعاناة والوجع لانه هو العلاج النهائي للصدفية |
رد: كل واحد يكتب شنو يزيد صدفيته حياكم
اقتباس:
باذن الله الشافي المعافي يشفينا يارب الحمدلله علي كل حال يابو صالح |
| الساعة الآن : 07:04 PM |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd By AliMadkour