ابر هوميرا والدرن
 

السلام عليكم ورحمة الله وبركاته
اخواني وخواتي اهل المنتدي كيف حالكم جميعا
راح اتكلم عن الصدفيه طبعا عشره معاها الصدفيه حوالي 20 سنه تقريبا
كر وفر جربت جميع العلاجات من الحبوب الميثروكسات والدهانات وعلاج ضوئي المهم اخر علاج استمريت مع ابر هوميرا وكنت فرحانه قلت خلاص راحت صدفيه والحمدلله استمريت فتره طبعا بين فتره واخري لازم تحاليل وضايف الكبد سبحان الله طلب مني الدكتور تحليل الدرن وطلعت نتيجه نشط قالي الدكتور لازم نوقف الابر وتراجعين الصدري الدكتور راح يعطيج علاج وقائي واستمريت ع علاج الوقائي 6 اشهر كل شهرين تحاليل الكبد وصارت اموري تمام
وصدفيه شنو صارت معاي انتكاسه بشي مو طبيعي طلعت مالت السنين اللي طافت زادت بشكل سرش جدا وتحملت الصدفيه ولاكنت استخدم شي قلت بيني وبين نفسي هذي ردت فعل عقب توقف الابر والحين صارلي تقريبا 7 اشهر لم استخدم شي وصدفيه محدوده حاليا باماكن بسيطه سبحان الله ادهنها بفازلين تنتعش وتلعوزني تزيد الحكه وانا صراحتا اللي مطول بالي عليها اخذ علاج سيبرلاكس للاكتاب ماهتم فيها
الخلاصه اللي بوصل لها علاج الصدفيه نفسي ( اكتئاب)
اموري الحين بالسليم وقلبي بارد مافي عصبيه مثل اول ونرفزه الامور عال العال
حبيت اقول اللي ياخذ هوميرا يسوي تحليل الدرن احنا قبل لاناخذ الجرعه نسوي تحليل مع العلاج ضروري اعادة التحليل
واتمني لكم الشفاء العاجل
واذا مرضت فهو يشفين

رد: ابر هوميرا والدرن
 

كلامك صحيح اخت ام محمد لازم فحص وظائف الكبد والكلى والرئتين للذين ينووون استعمال البيولوجي وخاصة الهوميرا لانها تنشط الدرن الله يشفي الجميع

رد: ابر هوميرا والدرن
 

اتمني الشفاء للجميع
الصدفيه كر وفر
والله حاليا استخدم الحبه السودا اضع مع اللبنه بالفطور
وامور الحمدلله خفت القشور
ونصيحتي الصدفيه بعد الاستحمام الفازلين علاجها فازلين صدقوني

رد: ابر هوميرا والدرن
 

الحمد لله على العافيه وربنا يتمم لكي بخير المهم الشفاء التام والدائم باذن الله تعالى

رد: ابر هوميرا والدرن
 

والله علي كلام دكتوره تقول انتي تحطين في بالك ان ابر هوميرا تعالج الصدفيه
قلت تتحسن قالت مهنتها الابر اسرع من الكريمات تعالج
لاني سالتها ليش الانتكاسه بعد توقف الابر لاسباب
قالت هي تعتبر مفعولها زي الكريمات بس اسرع
الله يشفينا جميعا من الصدفيه المزعجه
الله يكون بالعون

رد: ابر هوميرا والدرن
 

صحيح كلامك وكلام الدكتوره كلها مهدئات ولكن بعضها اسرع من بعض واقوى من بعض ولاختلاف الجلد من شخص لاخر واختلاف الطعام والحاله الاجتماعيه فقد يرى شخص ما شفاءا لمدة سنه اوسنتين فيحس براحه نفسيه عاليه ويكتب انني شفيت من الصدفيه وطبعا هاذا املنا جميعا ان يكون صحيح ولكن يتفاجئ بعد فتره بعودتها نسال الله السلامة والعافية للجميع

رد: ابر هوميرا والدرن
 

الحمدلله علي كل حال صحيح الصدفيه مزعجه بس ربي ياجرنا لان يحبنا الحمدلله
اتمني الشفاء للجميع صدفيه ولا شي ثاني

رد: ابر هوميرا والدرن
 

الحمد لله دائما صحيح الصدفيه ازعجتنا فتره طويله ولكن لا بأس انها تخف احيانا ولاشهر حتى ينسى الواحدانو كان مريض ولا امراض اخرى مستعصيه ربنا يعافي الجميع