ممكن تدخلون هنا شوي
 

السلام عليكم ورحمة الله وبركاته
كيفكم ان شاء الله الكل بخير

ابغا اسالكم اذا فيه احد استخدم علاج الاخت نوير الشمري الي في الرياض
او سمع عنه ويقولي بتفصيل الله يجزاكم خير
واسال الله ان يشفيني ويشفي جميع مرضى المسلمين

انتظر ردودكم

امين ان شاء الله
غريبه محد يعرفها يعني !!!

قصدك نوير العقيلي ؟؟؟

شوف هذا الموضوع ان شاء الله يفيدك..

تجاربي مع علاجات الصدفية (حلقات متسلسلة ) أطرحها للإفادة

http://forum.ashefaa.com/showthread.php?t=24499

والله يشفي الجميع يا رب

نوير هي ام فهد اعتقد
انا استخدمت علاجها بس مافدني بصراحه بشي

بس في واحد اسمه ابو تركي هو الى عمل اعلان وبنته شفيت من المرض هذا
وهي علاجها ب300 صح ولالا؟

والدنا سيد فكرتك جدا رائعه
يالله ونحن معهم همتكم يا رجاله

ابنتى مرام 2007
لما لاتكتبى انتى الموضوع واسف لعدم ذكر اسمك مع اخواتك بارك الله فيكم جميعا

همتكم ولا تتكاسلوا فقد يكون فى هذه الفكره حل يريحكم ويطمن بالكم لانكم ستكونون فى ايدى امينه
شكرا ابنتى جودينا بارك الله فيكى ان الله فى عون العبد مادام العبد فى عون اخيه

نوير انا اول مره اسمع فيها؟؟بس راح اسال عنها

وشكرا للسيد سيد عبدالعال على الفكره وبالنسبه لنا في السعوديه العلاج موجود ومتوفر للجميع بالمستشفايات الحكوميه ومجاني والدوله باديه تهتم بالمرض وتعقد مؤتمرات بشان علاج هذا المرض وانشالله في تقدم..
بالنسبه لاهل الرياض مساء يوم الخميس القادم فيه مؤتمر ولقاء علمي توعوي بفندق ماريوت عن الصدفيه

اخبار ممتازه ياأبنتى
اما الفكره فانا طرحتها اليوم عليكم وعليكم انتم الخطوات القادمه

اخي سيد
الحكومه ما قصرت معانا عملت لنا مستشفيات حكوميه
وانا كنت بتعالج زمان ( ايام الطفوله ) بمستشفى حكومي بس طووووووووول المده والمواعيد صرفنا عنها
والبحث عن الدكاتره الكبار والبروفيسورات انهكنا نفسيا وماديا وجسديا
مافي غير نطرد وراهم بالمستشفيات الاهليه
وجري الوالد الله يعطيه العافيه ويعوضه ليبحث عن علاجي بكل مكان حتى وصلت عندكم بمصر دووووووووون فائده

والحين

حاليا الشركات الاهليه التامين شايل العلاج
ولما صار علاجي ببلاش على حساب الشركه اضربت عن العلاج :ppu
طفشت مليت وتاقلمت على شكلي هيك

والحكومه ما قصرت
إنشاء ت مجموعة الدعم لمرضى الصدفية

بمناسبة اليوم العالمي للصدفية، فإن كرسي أبحاث الصدفية وبالتعاون مع الجمعية الوطنية الأميركية للصدفية يعلن عن قيام مجموعة الدعم لمرض الصدفية بالمملكة (psoriasis support group). وهذه الفكرة سائدة في مجتمعات الأمم المتقدمة وهي ذات أهداف سامية ونبيلة، المستفيد الأكبر منها هو الشخص المعاني من الصدفية وعائلته. إذ توفر مجموعات الدعم في العالم السبيل الميسر لأولئك الأشخاص لتسهيل حياتهم ورفعهم معاناتهم وذلك عن طريق:

1- توفير المعلومات الموثوقة والمفهومة لعامة الناس عن المرض ومظاهره وما يتعلق به من آثار، مما يوفر للمريض ولعائلته المعرفة الصحيحة عن مرضه.
2- توعية المريض بالطرق الطبية والعلمية للتعايش مع المرض.
3- الدعم النفسي والاجتماعي للمريض وعائلته.
4- إقامة اللقاءات الدورية لإطلاع المرضى بآخر المستجدات الطبية بهذا المرض، وإتاحة الفرصة للالتقاء بالأطباء ذوي الميزة والاختصاص.
5- إيجاد القنوات الطبية والعلاجية لجميع المصابين من شتى مناطق المملكة عندما لا تكون الخدمة المناسبة متوفرة لهم في مناطقهم.
6- إرسال نشرات دورية لتوضيح الاستخدام الأمثل للأدوية والوقاية من آثارها السلبية، والفحوصات اللازمة لتلافي الآثار المستقبلية للمرض.
ونحن إذ نعلن عن إنشاء هذه المجموعة نحث كل المهتمين من مرضى ومن حولهم بالتواصل المباشر مع مكتب الدعم والذي سيكون مقره في جامعة الملك سعود على الرقم: 469-
0780الفاكس: 469-
0781البريد الإلكتروني: [email protected]


مصدر الخبر http://www.alriyadh.com/2008/10/29/article384159.html

بس ما ارسلت ولا شاركت بحكم اني مرأه في مجتمع متحفظ خفت على كشف هويتي

فهل يوجد من في المنتدى جرب وشارك وينصحني بالمشاركه ..؟؟؟


نونو
الله يسعدك عطيني تفاصيل الخبر ضروووووووووووري
ودي ارووووووووووح اذا في نساء
ومن متى لمتى ( الساعه واليوم
بليز )

اختي ما عندي فكره
عن نوير

الحمدلله الحكومه ماقصرت وضعت مستشفيات بمجان بس تعال شوف فتح الملف يعل القلب الواحد يهين قرشه ولا يهين نفسه وهذه كلهلللاسف من بعض المسؤلين ولا الحكومه ماقصرت مستشفيات من افضل المستشفيات بامكنياتها

لكن الشكوى لله لو الى ماعنده فلوس دا يتنيل بستي نيله بس الشافي هو الله الحمدلله ري العالمين انو ربنا هو الشافي


واما بخصوص نوير الشمري انا تأكدت منها

ايوة هي نفسها ام فهد

اختي نوير هذه هي نفسها ام فهد ....الي جربها اخوي قاهر الصدفيه وما لقى منها غير ان ثارت عنده الصدفيه ...ما انصحك تروحين لها
اما انا فاأطالب وزارة الصحة بان توزع علينا علب ملح ببلاش وفازلين واحنا بنعالج نفسنا بنفسنا ما نبغى منهم شي

رهيبه يا ازوره

الوالد سيد مابعرفش اكتب دي خليها عايزة رجاله

ومافيش حاجه لو ماقلت اسمي دي الاخوه محفوظه بالقلب

اختي نوير الشمري هي نفسها نوير العقيلي يقال لها ام فهد
بس هذي تخصصها تعالج الغرغرينا الله يكفينا شرها
ماعندها سالفه في الصدفيه

السلام عليكم ورحمة الله وبركاته
تحذير.. تحذير.. تحذير...
سبق وان حذرت من علاج ام فهد نوير العقيلي او الشمري العلاج عباره عن مسحوق لونه بني فاتح مطحون طحاَ جيد وفي علبه متوسطة الحجم وقيمته 500 ريال انا استخدمت العلاج في اول السنه ومدة العلاج شهر ونصف تقريباَ النتائج كانت عكسيه وغير متوقعه انتشرت الصدفيه في جسمي انتشار النار في الهشيم وقد كانت هذه التجربه اسوء تجربه في حياتي والحمد لله على كل حال وللمعلوميه كتبت موضوع عن هذه التجربه في المنتدى وكان من الردود اعضاء حصل معهم مثل ما حصل معي

الله يهديك اختي ميريام انا اذكر اني قريت كلامك عن ام فهد وهو اكثرما شجعني اني استخدم العلاج والنتيجه زي ما قريتي في الرد اللي قبل هذا واخاف يجي واحد غيري ويطيح بمثل ماطحت فيه وتكونين انتي من الاسباب ..انتبهي لكلامك

اختي ميرميار_99
 

اتمنى ان تكوني اطلعت على ردودي في موضوع اختنا صمت الحرمان بخصوص علاج ام فهد

اولا/ اقرا كويس انا ما كتبت الموضوع كتبه صدى البكاء ,
روح عاتبه هو مش تقولي انا..
ولما الاخ صمت الحرمان سئل وما احد رد عليه سويت بحث بالمنتدى وما طلع لي الا هذا الموضوع بس(وسو انت بحث وشوف وش يطلع) وقلت اضيفه يمكن ينفعه وانا ما اعرف العلاج خيره من شره واصلا مستحيل استخدم خلطات عشبية مجهولة التكوين...


ثانيا/ اخي الكريم احسن الظن باخوانك والله يهديك ويهدي الجميع ويشفينا...

رديت عليك بالموضوع روح شوف

السلام عليكم اخواني واخواتي الكرام
كيفكم ان شاء الله تكونون بخير
ايه انا اقصد نوير الشمري ام فهد
انا بصراحه استخدم علاجها ولي الحين حوالي اربعه شهور
انا استخدمته في بدايه الاجازه الصيفه على اني كنت استخدم اول المراهم وما جابت اي نتيجه بس زادتها علي علما اني كنت اروح لمتشفيات خاصه
بعدين مليت وبصراحه ثمنها غالي مره ولا تجيب فائده قررت اني اروح لمستشفى حكومي وقالو لي لازم اشعه ووفقت استمريت على الاشعه تقريبا سنه ونص بعدين مليت واخر شي اتجهت لعلاج الاخت نوير بصراحه تحمست يوم شفته في منتداكم
المهم اخذت العلاج منها وبديت استخدمه بصراحه العلاج صعب بنسبه لي كان مسحوق لونه بني فاتح طريقه استخدامه اني احط مقدار ملعقتين من المسحوق على علبه مويه ويترك لمدة نص ساعه بعدين استخدمه المهم سويت نفس الطريه واول ما استخدمته بدا يطلع البشكل اكثر المهم صبرت واستخدمته صار لي تقريبن شهر حسيت اني خفيت بس يوم سافرت لابها (منطقه من مناطق المملكه تمناز ان جوها بارد)احسه زاد علي رجع مثل اول واشد كلمتها قلتلها انه زاد علي قالتلي حطي زيت الصبار وعسل ودهي كل جسمك يومين واليوم الثالث دهني بزيت البابونك وفازلين المهم سويت الي قالتلي ورجعنا لرياض وبعدين استمريت على العلاج مدة شهر حسيت اني الحمد الله احسن من اول بكثير لدرجت راح من شعري ويدي ورجول يعني صار خفيف مره وقالتلي خففيه لاتستخدمينه يوميا يعني مثلان ثلاث مرات في الاسبوع مع الدهون الي ذكرتها
بس مع البرد رجع شوي لشعري وبدت تطلع حبوب صغيره على رجولي وانا الحين جاني تحطيم يعني كل تعبي بيروح على الفاضي واذا احد عنده علاج ونفع لايبخل علينا وهذي قصتي مع علاج نوير الى اليوم واي تطورات ان شاء الله بابلغكم
ودي اسال فيه احد جربه يعني مده شهرين او اكثر يعني وش صار معه
ومشكورين على المرور والرد والله يشفي جميع المسلمين والمسلمات دعواتكم لي

صديقة الصدفيه انا بسال انشالله ناويه اروح بس بتاكد اول من الحضور عام او لازم حجز مسبق وبردلك خبر باذن الله بصراحه انا متحمسه للروحه يكفي اني بقابل اشخاص مثلي تصدقون بحياتي ماقابلت احد معه صدفيه؟؟؟