ملتقى الشفاء الإسلامي

ملتقى الشفاء الإسلامي (http://forum.ashefaa.com/index.php)
-   علاج مرض الصدفية والامراض الجلدية (http://forum.ashefaa.com/forumdisplay.php?f=88)
-   -   فديو عن ماقلته عن مرضى الصدفيه (http://forum.ashefaa.com/showthread.php?t=156185)

reem50 10-10-2013 06:44 AM
فديو عن ماقلته عن مرضى الصدفيه
 
اشتركت قبل فتره بمومر تيدكس وحاول ان اتكلم عن مرضى الصدفيه واجذب الانتباه لهم وكان املي ان انشر القطران بهذا الموتمر الذي بث ونشر عالميا لكنهم لم يسمحو بذكر علاج معين لذلك تكلمت بشكل عام
http://media.masr.me/mXKHWVrhHS0

عمار الشاطر 10-10-2013 09:58 AM
رد: فديو عن ماقلته عن مرضى الصدفيه
 
شكرا لك خالتنا العزيزة ام سعد انت نموذج رائع للأم العربية الصبورة المثابرة المثقفة المؤمنة
فمهما حكيت عنك ما أوفيك حقك ولكن أقول يكفيك دعاء الناس هذا وحده اغلى وسام لك

ابو رغد العراقي 10-10-2013 10:33 AM
رد: فديو عن ماقلته عن مرضى الصدفيه
 
السلام عليكم
راح احجي عراقي علمود اعبر زين عن مشاعري اتجاه الام العراقية الصابرة المجاهدة البطلة الحنينة الطيبة الصادقة الوفية الراقية المتألقة الودودة ام البيت وعامود البيت وشريان الحياة
خالتي ريم اروحلج فدوة على هذا الصبر وربي يخليلج ابنج وتفرحين بي بعد وبعد
ما اعرف شنو اكولج بعد اني قبل لا اشوفج جنت اقرة مشاركاتج وافتخر كبال المنتدى بيج لان انتي رفعة راس للعراقيين ونموذج رائع للام العراقية اني شفت بيج دفئ في عز الشتاء ونسمة باردة في عز صيف العراق
اهنيج واباركلج على هاي الروح الطيبة وهاي الطلة الخفيفة ربي يخليج خالتي ورفعة راسنة

reem50 10-10-2013 07:03 PM
رد: فديو عن ماقلته عن مرضى الصدفيه
 
خجلتوني ياجماعه اتمنى اكون دائما عند حسن ضنكم
عمار الف شكر ابني الغالي ويارب مثل مافرحت بايهاب وبعض شباب المنتدى افرح بكم جميعا واكون شاهده على سعادتكم بحياتكم وبزاوجكم وبالشفاء او على الاقل السيطره على الصدفيه وحصرها في اضيق مساحه ثم الخلاص النهائي
الف شكر ابني على كل كلماتك الرائعه بحقي
اخوي ابو رغد العراقي بس احنه العراقيين نقدر مقدار الالم والحزن الموجود بالعراق وكيف نحاول باي طريقه ان نساعد بعض اخوي الغالي اتمنى ان اكون عند حسن ضنك وان استحق كل هذه الكلمات الجميله التي اسعدتني
يارب يااخوي يرجع العراق قوي وموحد وامن ونلتفت الى مرضى الصدفيه ونساعدهم بوفير العلاج على اقل تقدير
اخوي تدري نسبة الصدفيه زادت بشكل كلش كبير بالعراق من الهلع والخوف والصدمات واللي يقهر العراق كله عدنه برميل واحد خام من العام الماضي واوشك على ان يخلص
الف الف شكر اخوي ابو رغوده على هاي الكلمات الدافيه واللي تخليني احس بان كل وقتي وجهدي اثمر والحمد لله من خلالكم

ايهاب العراقي 10-10-2013 11:17 PM
رد: فديو عن ماقلته عن مرضى الصدفيه
 
عاشت ايدج خالة مقصرتي بارك الله بيج

ايهاب العراقي 10-10-2013 11:18 PM
رد: فديو عن ماقلته عن مرضى الصدفيه
 
اقتباس:
المشاركة الأصلية كتبت بواسطة ابو رغد العراقي (المشاركة 1408775)
السلام عليكم
راح احجي عراقي علمود اعبر زين عن مشاعري اتجاه الام العراقية الصابرة المجاهدة البطلة الحنينة الطيبة الصادقة الوفية الراقية المتألقة الودودة ام البيت وعامود البيت وشريان الحياة
خالتي ريم اروحلج فدوة على هذا الصبر وربي يخليلج ابنج وتفرحين بي بعد وبعد
ما اعرف شنو اكولج بعد اني قبل لا اشوفج جنت اقرة مشاركاتج وافتخر كبال المنتدى بيج لان انتي رفعة راس للعراقيين ونموذج رائع للام العراقية اني شفت بيج دفئ في عز الشتاء ونسمة باردة في عز صيف العراق
اهنيج واباركلج على هاي الروح الطيبة وهاي الطلة الخفيفة ربي يخليج خالتي ورفعة راسنة
شلونك عيني ابو رغد ان شاء الله مرتاح

ALMANSE 10-10-2013 11:50 PM
رد: فديو عن ماقلته عن مرضى الصدفيه
 
ما قصرتي ام سعد يعطيكي العافيه وربنا يتمم الشفاء للجميع ان نضيء شمعة خير لنا من ان نلعن الظلام هكذا يمكن ان نرسم ابتسامة على وجوه الاحبه بارك الله مسعاكي وسدد خطا الجميع لما فيه الخير

الهـــــامور 11-10-2013 12:14 AM
رد: فديو عن ماقلته عن مرضى الصدفيه
 
كم مشاركة كتبت لك اختي ريم ولكن فعلاً انتي الاخت والأم والخالة والصديقة لجميع المرضى .. ربي يسعدك ويرزقك من حيث لا تحتسبين .
كم انا فخور فيك ...

ابو رغد العراقي 11-10-2013 01:27 AM
رد: فديو عن ماقلته عن مرضى الصدفيه
 
اقتباس:
المشاركة الأصلية كتبت بواسطة ايهاب العراقي (المشاركة 1408821)
شلونك عيني ابو رغد ان شاء الله مرتاح
السلام عليكم
حبيبي هوبي الذهب بخير اني والحمد لله تحت رحمة الكريم شلونك انت يا ذهب
شكرا على السؤال اخوية الورد

ابو رغد العراقي 11-10-2013 01:37 AM
رد: فديو عن ماقلته عن مرضى الصدفيه
 
اقتباس:
المشاركة الأصلية كتبت بواسطة reem50 (المشاركة 1408801)
خجلتوني ياجماعه اتمنى اكون دائما عند حسن ضنكم
عمار الف شكر ابني الغالي ويارب مثل مافرحت بايهاب وبعض شباب المنتدى افرح بكم جميعا واكون شاهده على سعادتكم بحياتكم وبزاوجكم وبالشفاء او على الاقل السيطره على الصدفيه وحصرها في اضيق مساحه ثم الخلاص النهائي
الف شكر ابني على كل كلماتك الرائعه بحقي
اخوي ابو رغد العراقي بس احنه العراقيين نقدر مقدار الالم والحزن الموجود بالعراق وكيف نحاول باي طريقه ان نساعد بعض اخوي الغالي اتمنى ان اكون عند حسن ضنك وان استحق كل هذه الكلمات الجميله التي اسعدتني
يارب يااخوي يرجع العراق قوي وموحد وامن ونلتفت الى مرضى الصدفيه ونساعدهم بوفير العلاج على اقل تقدير
اخوي تدري نسبة الصدفيه زادت بشكل كلش كبير بالعراق من الهلع والخوف والصدمات واللي يقهر العراق كله عدنه برميل واحد خام من العام الماضي واوشك على ان يخلص
الف الف شكر اخوي ابو رغوده على هاي الكلمات الدافيه واللي تخليني احس بان كل وقتي وجهدي اثمر والحمد لله من خلالكم
اول شي اني ابنج واني اتشرف ان اكون اخوج وتسلميلي على هذا الكلام والله يا خالتي اني تعبت من الغربة وملت روحي منه اني كنت ساكن باليرموك بغداد وبيتي 800 متر وهسة بشقة خانكتني خنك صارلي 10 سنوات خارج العراق بين سوريا والاردن . خالتي الغالية اني اتشرف بيج
بس الاطباء كالولي انتو السوامرة بيكم مرض الصدفية ههههههههه كلت لاهلي هذا الورث ما اريدة متنازل عنه هههههههه
خالتي والله ما استحق الشكر يا امي انتي لان انتي الي تستحقين ان انحني امام صبرج يا رفعة راسنة بارك الله بيج خالتي

nada1000 12-10-2013 02:48 AM
رد: فديو عن ماقلته عن مرضى الصدفيه
 
اكثر من رائعة طلتك...وكلماتك المميزة...وثورة من العطاء
يعطيك الصحة والعافية خالة ريم

reem50 13-10-2013 12:21 AM
رد: فديو عن ماقلته عن مرضى الصدفيه
 
اقتباس:
المشاركة الأصلية كتبت بواسطة ابو رغد العراقي (المشاركة 1408851)
اول شي اني ابنج واني اتشرف ان اكون اخوج وتسلميلي على هذا الكلام والله يا خالتي اني تعبت من الغربة وملت روحي منه اني كنت ساكن باليرموك بغداد وبيتي 800 متر وهسة بشقة خانكتني خنك صارلي 10 سنوات خارج العراق بين سوريا والاردن . خالتي الغالية اني اتشرف بيج
بس الاطباء كالولي انتو السوامرة بيكم مرض الصدفية ههههههههه كلت لاهلي هذا الورث ما اريدة متنازل عنه هههههههه
خالتي والله ما استحق الشكر يا امي انتي لان انتي الي تستحقين ان انحني امام صبرج يا رفعة راسنة بارك الله بيج خالتي
ابني ابو رغد تدري هو العلاج بالقطران طلع من اليرموك ولو موجود بالعراق كنت اكيد تعرفت على الاخ قيس العبيدي لاني زرته ببيته باليرموك يعني كنتو جيران
والوراثه لها دور بالصدفيه ولكن ليس دائما وكان الاخ قيس يعالج كثيرين من سامراء والفلوجه والانبار بشكل يمكن اكثر من الجنوب واعتقد بالفعل الصدفيه منتشره اكثر
اعتقد الوضع يسير نحو الانفراج وعندي شعور بان العراق راح يتغير وترجعون كلكم باذن الله ولو الان الوضع اسوا شيءوالقتل موجود بشكل يومي بين تفجير واغتيالات لكن اعتقد انها كما يقولون ياازمه اشتدي لتنفرجي وستنفرج
والله يااخي عوائلنه متداخله ومانعرف على منو نبجي وننقهر الكل اهلنه وناسنه فقط نحتاج تجي حكومه قويه تسحق كل اللي يدمر العراق ويقتل الناس ويهجرهم كائنا من يكونوا ويرجع العراق الامن الموحد ويكون عراق الجميع دون اي تمييز .... تقبل تحياي وامنياتي لكم بالعوده الى عراق الغد الجميل وليس عراق اليوم

reem50 13-10-2013 12:30 AM
رد: فديو عن ماقلته عن مرضى الصدفيه
 
شكرا اعزاي الهامور ونداوي الغاليه والف شكر لاخوي المنسي
ايهاب اشلونك يارب تكون اخبارك زينه بس خليك معانا انت خبره في مرض الصدفيه تحياتي ياورد .... اريد اسالك شنو اخبارك ويه الاكزما هل عندك مرضى اكزما وشلون العلاج وياهم لاني لازلت استخدم القطران عند الحاجه مع الاكزما اللي ظهرت بالكاحل عندي وعندي اخ واخت ايضا ظهرت عندهم الاكزما صرنا ثلاثه اكزما وكنه بالرجل

الانتاجي 13-10-2013 12:43 AM
رد: فديو عن ماقلته عن مرضى الصدفيه
 
يعطيك العافيه ام سعد (الخير) واهنيك على تالقك بالموتمر ولباقتك ومن حسن الى احسن ان شاء الله

midan4 13-10-2013 01:40 AM
رد: فديو عن ماقلته عن مرضى الصدفيه
 
ماشاءالله تبارك الله منوره اليوتيوب ريم 50

بدويه نت 13-10-2013 07:24 AM
رد: فديو عن ماقلته عن مرضى الصدفيه
 
الله يعطيك العافيه ياام سعد
ويخليك لـ احبابك ويخلي احبابك لك يارب

والله اني جلست ابكي مع انو المفروض افرح بشوفتك
الله يسعدك ويسعد العراق اللي جابتك لنا وجابت لنا ابو طه
والله يجزاكم عنا خير الجزاء

بوسطن 13-10-2013 08:41 AM
رد: فديو عن ماقلته عن مرضى الصدفيه
 
مبدعه دائما يا شمعة المنتدى بارك الله فيج وجزاك الله كل الخير

أبو ريماس 18-10-2013 06:36 AM
رد: فديو عن ماقلته عن مرضى الصدفيه
 
لله درك أم السعد والطيبة ...

لا فض فوك أستاذة فايزة ... أسأل الله أن يجعل صنيعك في ميزان حسناتك ... آمين يارب العالمين

تقبلي خالص شكري و امتناني وتقديري ،،،


الساعة الآن : 11:48 AM

Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour


[حجم الصفحة الأصلي: 19.84 كيلو بايت... الحجم بعد الضغط 18.85 كيلو بايت... تم توفير 0.99 كيلو بايت...بمعدل (5.00%)]