الرجاء اهل السعوديه والكويت الدخوووول
السلام عليكم
اخواني وخواتي من الكويت والسعوديه محتاجه مساعدتكم والى يساعدني جزاء الله الف خير وعساه يكون في ميزان حسناته ابى احد يرسل لى قطران الفحم الحجري الاصلي والى يستخدمه لانه بقطر مالقيته وبعض الاعضاء استخدمو القطران ووتحسنت حالتهم .. لاني تعبت من الصدفيه ..والفحم الحجري هو العلاج الوحيد حق الصدفيه وابى ارتاح منها لانه طول عمري اعاني منها :049: ارجووو انه احد يساعدني ويكون صادق وصاحب ذمه ابى يرسلها لى وانا بااعطيه ثمن العلاج لايخاف ...:) ولكم جزيل الشكر |
رد: الرجاء اهل السعوديه والكويت الدخوووول
طيب عندى لتس طريقه !
انزلى للحسا وروحي لصيدليه الملحم << على مدخل الحسا وواضحه وقولى للصيدلاني اللى اسمه احمد انتس تبين قطران الفحم الحجرى وهو راح يطلب لتس القطران وبعد اسبوع تجين وتستلمينه مشكله القطران انه في غرااش وسريع الاشتعال وينخاف منه يعنى فيه مسؤوليه ! فـ افضل حل انتس تجين للحسا كله ساعتين وانتى فيها |
رد: الرجاء اهل السعوديه والكويت الدخوووول
ممكن رقم المحل؟
وهل هو بتركيز 20%؟ |
رد: الرجاء اهل السعوديه والكويت الدخوووول
انا رحت لمستودع شركة تسويق الدواء والليتر قيمته 130 ريال ... وفيه صيدليات تبيعة ممكن الاخوان يعرفونها اكثر مني ...
طبعا مشكلة القطران انه من المواد سريعة الاشتعال وفيه صعوبة لنقلة جويا... الا اذا كان عن طريق البر وهو على حسب مزاج الناقل البري. اكثر الاخوان والاخوات ما يحبون يكشفون عن شخصياتهم لذلك طريقة المساعدة وتحصيل المبلغ بيكون صعب... انسب طريقة زي ما قالت الاخت بدوية نت... وتوكلي على الله... وربنا يشفي الجميع |
رد: الرجاء اهل السعوديه والكويت الدخوووول
الله يفرجها على الجميع يارب |
رد: الرجاء اهل السعوديه والكويت الدخوووول
السلام عليكم والله فهد كلامك يحزن إذا كان صدق وش فيها أسامينا عادي هذا اسمي بالمعرف مت أو صار لي شيء بالعكس الحمدلله ويا أميرة والله لو أقدر أرسلته لك بس المشكلة مالي في هالشغلة ولا أعرف أصليها من مقلدها ويا إخوان والله بيسألنا الله عن مساعدة كانت بيدنا وما أعطيناها حقها خوفا أو غيره سلام |
رد: الرجاء اهل السعوديه والكويت الدخوووول
طيب أمورة انزلي السعودية عمرة ودعاء بالحرم ومنها تأخذين اللي تبين وماء زمزم بعد وش رأيك |
رد: الرجاء اهل السعوديه والكويت الدخوووول
خليني اوضح لك اكثر اختنا عبير
انا ما اقصد الاسم كاسم اقصد انه بيكون هناك تواصل عن طريق حوالات بنكية وغيرها... ولا تنسين احنا في عالم افتراضي يصعب على الواحد الوثوق بالاخر بشكل 100% ... انا لا اشكك باحد ولكن هذه وجهة نظري بعدم وجود شخص يقدم يد المساعدة بشكل سريع... وحتى اختنا الفاضلة برضوا خايفة يساعدها اي واحد ما يخاف الله... ارجو ان فكرتي وصلت... ولو سمحتوا اي واحد يرد على سؤالي اقتباس:
|
رد: الرجاء اهل السعوديه والكويت الدخوووول
فهمتك هالأيام ما استوعب بسرعة الله يعين لا تمنعن يد المعروف عن أحد ما دمت مقتدراً وبالنسبة لبنتك ما أدري ليش أشك إنها شيء ثاني مو صدفية |
رد: الرجاء اهل السعوديه والكويت الدخوووول
نفس صور الصدفية اللي بقوقل وقطعنا الشك باليقين وتم اخذ عينة وفحصها بالمختبر والنتيجة ... صدفية...
بس اللي اشك فيه اكثر هاليومين صدفية بنتي من عين... قريت عليها مره وتعبت وانا لست بقاري... وقراء عليها شيخ وياليتنا ما قرينا عليها عنده ... لان جئتها صدمة من الموجودين اللي عند الشيخ وهذه كانت غلطتي لاني ما جبت احد معها يدخل عند الحريم... والمره الثالثة قراء عليها اخوي والنتيجة تهيج في الصدفية مع حكه شديدة وبعدها راحت ثاني يوم... هي مستمرة على ملعقة عسل على فكة الريق.... وخليط الاعشاب اللي بموضوعي تشربه مرتين باليوم... مع زيوت مرة مخلوطة وكثير من المرات بزيت الكركم وتقول ان زيت الكركم ناسبها اكثر ... واحس هناك بوادر شفاء ولكن من كثر ما قريت عن الصدفية ماني مستوعب شكل الجلد بعد ذهابها... جميل الرابط اللي وضعتيه... والله ينفع به... على العموم انا راح اساعد بس تعطيني وقت لين اروح لشركة تسويق الدواء واجيب منهم وبعدين يحلها رب العالمين... ويكون التواصل مع اي واحد من معارفها... |
رد: الرجاء اهل السعوديه والكويت الدخوووول
اخي فهد ان شاء الله هذه من علامات الشفاء الجيدة با ذن الله تعالى
تابع واستمر على رقيتها عند شيخ ثقة مشهور يعرف اصول العلاج بالقرأن الكريم والرقية الشرعية وهم كثر ولله الحمد والشكر في بلاد الحرمين الشريفين وهناك على ما اعلم مركز عطار الطبيعة موجود عندكم في مدينة الر ياض مشهور يبيع كل الخلطات المجربة وقرات عنه في دار الرقية الشرعية ويمكنك ان تدخل الى الموقع وتسجل وتتواصل معهم |
رد: الرجاء اهل السعوديه والكويت الدخوووول
راح تتعب البنت وبالاخير وفي احسن الحالات تروح سنه او اثنين وترجع اتذكر كلامي اخوي فهد اني ايضا ام ربي يشفيها باللي تعمله لها ويفرح قلبك
|
رد: الرجاء اهل السعوديه والكويت الدخوووول
أخ فهد جرب القطران مع بنتك فقط كتجربه لو مافاد أكيد عارض والله أعلم
هنا تبدأ معها الرقيه الشرعيه ومافيه مانع تستخدم كلا الأمرين بإذن الله راح تنتفع من الجهتين توكل على ربك كثير أطفال إستخدموا القطران آبائهم وأمهاتهم موجودين معنا في المنتدى ممكن تطلع على تجاربهم .. الله يهديك للأصلح والأنفع يااااااااااااااارب . |
رد: الرجاء اهل السعوديه والكويت الدخوووول
وربي تحطمت ابيها الحين قبل باجر تعبت من الصدفيه والله
ماعندي احد يوديني الحسا ومستحيل اقول حق خالاتي او خالي استحي هم مايدرون انه فيني صدفيه وربي احررراج من كم يوم كانت عندنا عزيمه تخيلوا كل دقيقه اجوف شعري بالمرايه فيه شى طالع ولا شى وربي اوم التوتر اخاف تبين صدفيتي من وراى شعري ولا اذني اهئ مشكلتي شعري طويل واتعب فيه بالعلاج وانا مابي اقصه اول مايجف شعري تطلع القشره وتصير البلاوي بشعري يازينه وهم مبلل يعجبني بس يجف انقهر واحزن اما الى بجسمي راحت عنها القشره لاني استعمل مرهم الدهيميه حتى لونها وردي ومرطبه بس هالايام احس لونها وردي فاتح وتتوسع ليشششش ؟؟ الناس العاديين مايدرون شنو نحس فيه بالالم وتعب عبالهم نتدلع ولاشى هم اذا جرح ماستحملو عيل شلون لو جرح طول عمرك > اقصد صدفيه اذا كان مرضي من عين عساها العمى ان شاء الله وماترتاح بحياتها اما اذا من الله سبحانه الله يشفيني يارب والحمد الله اعذروني من العصبيه وربي من التعب معها |
رد: الرجاء اهل السعوديه والكويت الدخوووول
فرج الله همك اختي اميره يا رب يعجل اليوم اللي فيه ترتاحي و تنساي شي اسمه صدفيه حاولي انه ما تستحيين في هذه الامور او تحججين باي حجه لخوالك مشان يودوك للحسا |
رد: الرجاء اهل السعوديه والكويت الدخوووول
جزاك الله الف خير اخوي
بس استحى ماقدر اقول لحد |
| الساعة الآن : 08:22 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour