أرجووووكم ساعدونى شجعونى أحط مرهم اللوريد لعلاج صدفية الأظافر
 

السلام عليكم ورحمة الله وبركاته ، فى البداية أسأل الله لى ولكم الشفاء التام من جميع أنواع الصدفية ومن كل الأمراض يارب العالمين، أنا بنت عندى 21 سنة وطول حياتى بعانى من صدفية الأظافر فى اليد والقدم ودايما كانوا الدكاترة بيصنوفهالى على انها فطريات أظافر لحد اما عملت مزرعة أظافر على الفكرة موضوع المزرعة ده مهم قووووووووى لأنه بيحدد اذا كانت دى فطريات ولا صدفية وبعدين د/ أغاريد شافت نتيجة المزرعة وشافت أظافرى وصنفتها ليا انها صدفية أظافر:049: اتصدمت ان عندى صدفية أظافر وانا فاكراها كل ده فطريات ، بس المفروض بحط اللوريد الأسود وبعدين قالتلى أخففه بفازلين فيه جزء سالسليك هى تركيبة عندها بس انا الحمد لله بحاول أمشى على العلاج والحمد لله بلاقى تحسن ، بس مشكلتى ان اظافر ايدى ورجلى بتفضل لونها أسود لون اللوريد وبجد مببقاش عارفة اخرج ولا اروح الجامعة ولا اعمل اى حاجة ومش بتتطلع من ايدى حتى بعد ما خففته بالفازلين وده الى بيخلينى اكسل عليه جدا واحط فترة وارجع اقطع وبخاف لما اعمل كده المرض ياخد مناعة ، أرجووووكم شجعووونى أكمل فيه لو هيجيب نتيجة وياريت لو فى حد لقى حل اعمله يطلع اللون الأسود من ضوافرى ، وياريت تفيدونى وتقولولى هوة ممكن فعلا أخد مناعة من العلاج عشان بقطعه ، انا آسفة على الاطالة ، ربنا يشفيكم ويجزيكم خير ويجعله فى ميزان حسناتكم

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

وعليكم سلام
لقد سمعنا كثيرا عن هذا الدواء ولكن للاسف اضنه متوفر فقط في مصر

.........

بخوصوص العلاج اضن انه يجب عليكي تقيد بتعلمات الطبيب
لانه اهم حاجة في علاج هذا مرض ..صبر .ومواصلة .


وربي يشفينا ان شاء الله

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

شكرا جدا على ردك taha900 وربنا يشفيك ويعافيك ان شاء الله ويشفى كل مرضى المسلمين اللهم آميين ، وفعلا هوة محتاج صبر وارادة قوية و أكييييييد بعدها هيتم الشفاء برحمة ربنا بينا ان شاء الله، وهوة فعلا متوفر فى مصر الحمد لله بس معرفش والله ممكن يبقى فى الدول العربية ولا لا بس ان شاء الله لو فيه الخير والشفاء ليك تلاقيه ربنا يشفينا جميعا

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

يا جماعة أنا محتاجة أعرف من الى عنده خبرة فى مرهم اللوريد هيجيب نتيجة لصدفية الأظافر ولا لا ؟ وإزاى أتخلص من بقايا اللون الأسود على أظافرى وهل لو قطعته فترة تعبت فيها هترجع الحالة تسوء أو ياخد مناعة منه وشكرا وجزاكم الله خيرا

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

باذن الله تدحل مشرفتنا جودينا وتجيبك بالتفصيل لان عندها معلومات كامله عن هذا االموضوع

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

لاتخافي ماراح تاخذين مناعه .... وفي الاجازه حاولي ان تحصلي على القطران وتتخلصي منها نهائي

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

الله يشفيكِ ويعافيكِ

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

شكرا ليكى يا ريم وجزاكى الله خيرا وجعله فى ميزان حسناتك وان شاء الله اتمنى أظافرى متاخدش منه مناعة يارب زى ما قولتليلى بس أنا فى مصر منين أجيب القطران لو تعرفى تدلينى وجزاكى الله كل خير و يااااارب مشرفتنا جودينا تدخل وتفيدنى من تجربتها
بتونة سوريا ربنا يخليكى شكرا جدا على ردك وعلى دعوتك ربنا يبعد عنك كل مرض وجزاكى الله كل خيرا وجعله الله فى ميزان حسناتكم
مرسى يا عبير ربنا يخليكى وربنا يتقبل منك ان شاء الله وربنا يشفينى ويشفى كل مريض ويبعد عنك كل شر
شكرا ليكوا بجد كلكم ذوق والله أنا بجد حبيت المنتدى ده قوووى انتم بجد اجمل صحبة وأخوة جزاكم الله خيرا

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

اختي العزيزه أولاً أحييك وأدعوا لك بالشفاء
ثانياً : إحدى الأخوات أأظن من الأردن كتبت عن تجربتها للثوم على اظافر إبنها وذكرت أن الأظافر تحسن مظهرها كثيراً // وكانت الطريقه على ماأذكر أن تأخذي شريحة ثوم طوليه وتدعكينها على الأظفر المصاب حتى تشعرين برطوبة عصير الثوم .. كرري هذه الطريقه وبإذن الله تستفيدين منها .

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

نعم كانت تجربه ناجحه لاحدى الاخوات تاخذين فص ثوم وتقطعين من فوق وتعصريه قليلا ثم تدلكين الاظافر يوميا الى ان تنشف وفي الصباح تغسلين يدك ياريت تدخل الاخت وتفيدك اكثر

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

أجوان شكرا ليكى بجد جزاكى الله خيرا ولكى المثل ان شاء الله فى دعواتك وربنا يشفيك ويبعد عنك كل شر ان شاء الله دايما ، فعلا شكلها طريقة حلوة قوى ونفسى أجربها بس بجد خايفة أجرب اى شىء وأنا بستعمل اللوريد خايفة أى حاجة تقلل مفعوله أو تبطل نتيجته بس بجد لو هبطله ومجبش نتيجة ساعتها هجرب التوم أو لو أى حد عنده تجربة مع اللوريد وكان بيستعمل معاه الثوم أو أى طريقة طبيعية تانية يفيدنى بس بجد شكرا جدا ليكى

ريم بجد متشكرة قوى لإهتمامك وتأكيدك على نجاح التجربة دى بس زى ما قولت لأجوان أنا خايفة أستعمله مع اللوريد وياريت لو مشرفتنا جودينا تفيدنى فى الموضوع ده لو كانت بتستخدم حاجة مع اللوريد ولا لا وبجد ربنا يشفيكم جميعا ويبعد عنكم اى مرض او اى شر جزاكم الله خيرا

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

رد: أرجووووكم ساعدونى شجعونى أحط مرهم اللوريد لعلاج صدفية الأظافر
 

جودينا مشرفتنا المتميزة ، شكرا بجد ليكى على ردك وجزاكى الله خيرا وان شاء الله ربنا يتمم شفائك على خير ، وان شاء الله تفضل نتائجك إيجابية دايما الى ان يتم الشفاء التام ، وشكرا على نصائحك وان شاء الله هحاول استمر فيه وربنا يقدرنى ويقدرك فى الاستمرار عليه ، شكرا جدا وجزاكى الله كل خيرا وجعله الله فى ميزان حسناتك ان شاء الله