طمنوني
السلام عليكم وصباحكم قطران طبي;) بعد الاخبار الحلوه والمحفزه على قطران الفحم الحجري انا سبق واستعملت سمن القطران الي ريحته حريقه وظليت عليه شهرين احطه على راسي بعد كشط قشور الصدفيه وكنت احس بحراره فضييييييييييعه وتنزل دموعي من شدة الحراره بس قلت بمشي على المثل الي يقول ماحرك داوك ولكن للاسف الشديد بعد فتره صار فيني شيبات وصار ماحرك شيب فيك هههههه اول مره اشوفها بحياتي وضاق صدري لاني ماعرف الشيب قبل سمن القطران الحين بسالكم قطران الفحم الحجري الطبي مع الماده المذيبه الايثانول عند وضعه على فروة الراس ممكن يسبب شيب؟؟ انا متخوفه من الماده المذيبه الايثانول لان الكلونيا عباره عن كحول ايثيلي وتسبب شيب نبي همتكم خصوصا لو احد فيكم قسمه كيميا ويعرف بالمواد المذيبه وهل الايثانول يسبب شيب او لا والا باقي الجسم ماعليه كلام بالعكس احس انه يعقم الجلد مضبوط:ppu بارك الله فيكم |
رد: طمنوني
هذه اخر الاتهامات للقطران الحجري ايسوي الشيب طيب يمكن يطلع عندك شيب بهذه الفتره وقد يكون وراثي المهم اترك السوال لاهل الخبره
|
رد: طمنوني
لا خاله ريم مو اتهام للقطران ابد بالعكس انا كل يوم اقول القطران الحجري احسن علاج اكتشفه قيس وندعي له كلنا
بس انا سالت عن الايثانول قلت يمكن يسبب شيب تعرفين احنا البنات نفكر في الشكل:o وبعدين اللي سبب لي الشيب يخاله سمن القطران مو القطران الحجري |
رد: طمنوني
وايضا ليس سمن القطران هو الفاعل قد تكون حالتك النفسيه ولا العمر هههههههه وانتي مخبيه عمرك لكني لم اسمع عن الايثانول بانه يشيب والله ماتشيبنا غير الصدفيه ياساره
|
رد: طمنوني
تتوقعين كذا يخاله هههههه لاوالله توني لسى شباب وصغيره مابعد تزوجت وخلفت من وين اشيب بس انا اتوقع سمن القطران من حرارته سبب لي شيب يمكن صح ويمكن لا
|
رد: طمنوني
يمكن إيه ويمكن لا أنا كذلك ألاحظ الشيب المبكر يمكن لأني من زمان أستخدم شامبو فونجيتار وطبعاً فيه نسبه من قطرآن الخشب والمعادن ...
|
رد: طمنوني
لا تعجبو احنا في زمن يشيب فيه الولدان
|
رد: طمنوني
الله يعطيك العافيه
هل استفدي من سمن القطران سواء على الشعر او الجسم لان مدة شهرين شوي كثيره |
رد: طمنوني
انا افيدك اخت سارا
شوفي ونا اخوك لاهيب جايه صدفيت راسك زي صدفية راسي لان راسي مره كان مشحون صدفيه شوفي وركزي قبل القطران تبحثي بالصيدليات عن شامبو لشعر اسمه سباميد seba med مستخلص من الاعشاب الطبيعيه ولا تستخدمي لشعرك غيره اذا لقيتيه ترى منه شامبو للجسم من مميزاته انه خلاصات طبيعيه والصدفيه ماتتفاعل معه بعد كذا حطي القطران وتاكدي انه الاصلي انا واعوذ بالله من كلمة انا حطيته اول يوم يبس راسي خمسه ايام والصدفيه مودعه راسي ولله الحمد ماشفت شيب بس اختفت من راسي اصرع من جسمي بس عاد فيني كم شيبه من اول ماركزت هي منه او من الزمن اهم شي انتبهي من الصبغات ونتي تستخدمي القطران مو يجيك عريس وتروحي تصبغي وتجيبي العيد لسمح الله تسبب لك شي عكسي واي شي مالقيتيه اذا انتي من الرياض يوصلك لحدك وبالشفاء ان شاء الله |
رد: طمنوني
يا جماعه ترى الشيب مو عيب روحو النرويج شوفو شعرهم كلو ابيض فبيض
|
رد: طمنوني
اقتباس:
والله يشفيني ويشفيك ويشفي كل مريض |
رد: طمنوني
صور الاخ الو17 موجوده بموضوع الصور بتوقيعي وهو استعمل نوع جيد بالاول وفي المره الثانيه اعطوه نوع اقل جوده
|
رد: طمنوني
اقتباس:
|
رد: طمنوني
صدفه ياسارونه لكن ماله علاقه :) |
رد: طمنوني
المشكله شيب وصدفيه وصبغه مايجتمعون ، طولي بالك الشيب جاي جاي إن عاجلاً أو آجلاً وسعي صدرك الدنيا فانيه .
|
رد: طمنوني
هلابك خاله ريم نعم فهمك في محله الله يسعدك
|
رد: طمنوني
الفارس مع الاسف الشديد سمن القطران ماجاب معي نتيجه ابد
الو هلا حياك الله ايه عرفت هالشامبو سيبا ميد ان شالله اشتريه خصوصا انه طبي وبدون معطرات ايه والصبغات لها اثر مع العلم اني اصبغ في السنه مره وان شالله نحصل القطران الاصلي ويسلم عمرك من الشر وبالشفاااااء العاجل لك صدفيه وبس هههههههه الشيب مو عيب بس لسى عليه توني صغيره |
رد: طمنوني
خاله ريم والله صدقتي فيني قهر من الصدفيه حتى اني قلت ودي استعمل حبوب نفسيه هههههه بس الحمدلله موضوع الاخ قيس بعث الامل في النفوس جعله في الجنه ياااااااااااارب
جودي حبيبتي تراني عصبيه يمكن عشان كذا يازين طلتك في هالمواضيع ترفع نسبة التفااااااااؤل عندي اجوان صدقتي والله الدنيا فانيه والي مكتوب بيصير بس تعرفين احب يصير شعري يهفهف بدون شيبات ههههه |
رد: طمنوني
ياحبيبتي خليه يهفهف بكل ثقه في هالزمن لايكاد رأس يخلو من الشيبات ... والشيب وقااااار بعدين هو إللي شافه شويه !!!!!!!!!:eek:
|
| الساعة الآن : 08:12 AM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour