سفاجا تحت المجهر
 

السلام عليكم و رحمة الله و بركاته..

سوف أحاول ان اكتب لكم عن رحلتي الى سفاجا من عدة نواحي و ببعض التفصيل لعلها ان تفيد من ينوي الذهاب الى هناك ان شاء الله.
و سوف اكتب لكم الموضوع على مراحل ..
بالأول رح حط لكم قرية العقبي تحت المجهر :ppuو رح احكي عن بعض الأمور المهمة لأنو في ناس ناوية تروح الى هناك قريبا .
أول شي رح قوله باختصار انو قرية العقبي مالها أي داعي ،،
و رح تكتشفوا هذا الشي بسهولة لما بتقارنوها بأي سكن برا
يعني بقدر قول ان الميزة الوحيدة في القرية هي انو اغلب الناس فيها عندهم صدفية
يعني الواحد بيتشجع مع الناس ..و غير هيك و الله ما شفت ميزات :icon14:
يعني أنا ما بدي اقطع برزق حدا بس هذه هي الحقيقة ...وان شاء الله ما يزعلوا مني أصحاب القرية اذا قرءوا كلامي ..
لأنو أنا وحدي من الناس يلي تضايقوا كتير من القرية و من مستواها السيئ
خاصة لما بتقارن أسعارها مع أسعار برا و بتشوف المواصفات الموجودة برا ..وقتها رح تتأكدوا .

بالنسبة للأسعارفي قرية العقبي :
في بالقرية غرف بسريرين و داخل الغرفة حمام و ثلاجة و بتوغاز و طاولة ،، و طبعا كل هذا ...أكل عليه الزمن وشرب ..
السعر لهذه الغرف هو 900 جنيه مصري في الشهر
و فيه غرف أكثر بدائية من سابقتها بس هذه لا اعرف سعرها بس يلي بعرفه أنها ارخص من الأولى .
و في نظام آخر :عبارة عن غرفتين مع مطبخ منفصل و حمام و صالة فيها تلفزيون
و هذا الأخير أجرته 1500 جنيه مصري شهريا.

و في عندهم نوعين من الاسرّة : نوع بإسفنج و هو مصنوع من أسوأ أنواع الإسفنج يلي ما شفت متله بحياتي
بحيث اذا جلست عليه لمد ثواني بس بتحس كأنو مرجل عم يغلي :eek:..و بدون مبالغة
النوع التاني : هني بيقولوا قطن ..بس كيف صار معهم هيك ما بعرف ..كل يلي بعرفه انو أكثر صلابة من الحجر ..
و الاثنين لا يصلحوا للاستخدام الآدمي :D

بالنسبة للمياه :
أنا سمعت انو في أزمة مياه بشكل عام هناك(حتى لا اظلمهم )
بس يعني ممكن تنقطع المياه كذا مرة باليوم و أنت لازم كل شوي تنادي عليهم حتى يجيبوا الماء
بس بصراحة فورا بيجيبوها.. حرام يعني.
طبعا هذا الكلام بالنسبة لمياه الغسيل ..أما مياه الشرب فممكن تعتمدوا على مياه الصحة
أو في حنفية وحيد بالقرية مفلترة و ممكن تعبئوا منها .

بس أنا يلي قاهرني اني قطعت المسافة من سورية الى هناك و الله بس مشان مكان التشميس الخاص
و طلع ان المكان عبارة عن سطح عادي و كل واحد بياخد معه شيئ ليجلس عليه
و المهم في الموضوع و أقولها بكل صراحة أنو المكان ليس معزول تماما ،،
و هومكشوف لبعض الأبنية الجديدة المحيطة به .و حتى لا اعتقد انو في امكانية لرفع السطح لأنو البناء بدائي جدا و ما بيتحمل طابق آخر..
وأهم نقطة بدي احكي عنها هي التكييف :
هم بيقولوا انو التكييف بيضر ..بس أنا شفت الحر عندهم هو الي بيضر
يعني ما ضروري الواحد يحط التكييف على درجة منخفضة جدا .. بس عالقليلة يحس حاله عم يتنفس
و الله الحر كان فظيييع و اثر علي كتييير ..لأني لاحظت ان الجو الحار الرطب بيزيد الحكة
لأنو بعمري ما شعرت بمثل هذه الحكة الا اذا تحسست من شئ ما ،، لذلك كنت مستغربة من الأمر حتى عرفت السبب و هو أكيد .
طبعا هذا غير الطفح الحراري (أو مايسمونه ب حمو النيل ) الذي أصاب معظم الناس هناك بشكل عام و اصابني انا ايضا و بصورة مزعجة جدا .

يعني الحر لا يمكن احتماله و خاصة ان اغلب الشاليهات مكشوفة من كل الجهات و الشمس بتضرب فيها طوووول النهار ...
والله اذكر لما كنا نرجع للشاليه مساء كأنو داخلين في ساونا ..و لما بتذكر بقول كيف أنا تحملت ؟؟؟
هو صحيح في مراوح بس مالها علاقة بالمراوح .. و حتى لو وجدت مروحة كويسة فالهواء ساخن يعني مافي فائدة .

أيضا في شغلة بدي احكي عنها و هي الطراز القديم يلي صنعت وفقه النوافذ ..يعني فعلا بتحسها من العصر الحجري
حتى ان النوافذ ما فيها شبك .. و لكم ان تتخيلوا الزواحف الداخلة و الخارجة إلى الشقة كل شوي ..و كم مرة ارتعبنا ..
وكم و كم ...... بصراحة ذكريات لا تنسى :king: :D


الأسعار خارج القرية :
أنا شفت بحسب ما دورت( يعني ماكتير دورت) بس شفت أبنية جديدة و أثاثها نظيف و جديد و واسعة و فيها تكييف
و كل المواصفات الأخرى ممتازة و قريبة من البحر و السعر يتراوح بين 1200 إلى 1600جنيه
يعني أسعار رخيصة جدا بالمقارنة مع أسعار قرية العقبي ..و ممكن ياخد الشقة عدد من الأشخاص .
أيضا بالنسبة للتشميس ممكن تتفقوا مع صاحب العمارة (طبعا بحكي عن النساء ) انو رح تتشمسوا على السطح
(بعد ما تتأكدوا انه مناسب) و لا اعتقد انوحدا رح يمانع ..و في ناس عملوا هيك..وعادي جدا .

أما عن قرية المينافيل ..فأسعارها غالية جدا يعني أنا لما سألت قالوا لي على ما اذكر
حوالي 500 جنيه يوميا يتضمن وجبة الفطور و العشاء
و قالوا لي كمان انو فيه 20 دولار ضريبة نزول للبحر يوميا :confused:
على أي حال الأسعار موجودة في موقعهم ..بس بيقولوا انو فيه مشرفين على الشاطئ
حتى يوجهوا الناس .. لكن لا ادري اذا كان في الهم داعي أو لا :cool:
أم عن أسعار الأكل فبالنسبة لنا الأسعار كانت مقاربة لأسعار عندنا مع انو كنا نتوقع تكون ارخص ...
بس اخواننا المصريين كانوا يشتكوا من الأسعار الغالية عن بلدهم.
و ما رح تلاقي بسفاجا كل شئ بتحتاجه ،، و في ناس كانوا يروحوا على الغردقة لجلب بعض الحاجيات.
ان شاء كون أفدتكم ... وأي استفسار تاني أنا بالخدمة .
يتبع ان شاء الله.

رد: سفاجا تحت المجهر
 

عم ننتضزر يتبع لانو فيها الزبده
900 جنيه في الشهر يعني مية دولار منيح لقيتي فيها جدار
ننتضر اليتبع

رد: سفاجا تحت المجهر
 

السلام عليكم ورحمة الله وبركاته:
كيفك يا اختي صدى الدعاء؟؟؟ان شاء الله تكوني شفيتي تماما هناك وهذا المهم بغض النظر عن المكان.
والله فرحت انك زرتي سفاجا ويعلم الله اني الشتوية الماضية كنت ناوية انزل هالولد عليها قد ما كنت متضايقة عليه ولكن الحمدلله رب العالمين ان جعل الله شفاءه باهون الاسباب الحمدلله رب العالمين دائما وابدا.
اتمنى ان تكوني شفيتي يا عزيزتي صدى ووالله اني كل ما اسمع انو شخص شفي منها بفرح من جوى قلبي.
اللهم اشف جميع مرضى المسلمين اللهم اااامين

رد: سفاجا تحت المجهر
 

رد: سفاجا تحت المجهر
 

رد: سفاجا تحت المجهر
 

اختي صدى بالنسبة للشغلات الي ذكرتيهم على حد وصفك هدول مو قطع اثاث هدول تحف من العصر الفرعونيhttp://forum.ashefaa.com/images/icons/075.gifانيااا
بالنسبة للتلفزيون يشتغل عادي ولا بالكفخhttp://forum.ashefaa.com/images/icons/075.gif
يلا اختي صدى خيرها بغيرها..وطبعا التكييف ضروري ودرجة الحرارة عالية ..وبالأخص ضروري للي عنده صدفية..لأن الحر يسبب تهيج وحكة للصدفية.
ومثل ماذكرتي انو في شقق مكيفة ومرتبة واسعارها مناسبة وخدماتها زينة..واذا قرية العقبي رخيصة هيجي 150 دولار بالشهر تقريبا شي اكيد انو خدماتها راح تكون بهل شكل.
تحياتي

رد: سفاجا تحت المجهر
 

حمدالله على ماالسلامة
ان شامء الله استفدتي صححيا
جربي طريقتي

رد: سفاجا تحت المجهر
 

طريقتي
حمام كل يوم بالسبتيفون
بعدها زيت زعتر وكريم يحتوي على مادة الزنك الموجود بكريمات الاطفال
وادهن مرتين صباحا ومساء
ومن الداخل حبوب الارقطيون والزعرور وزيت القد
لانو عانيت كثيرا منها ولم ينفع معي شىء
لحد الان الشفاء 95بالمية
لاقشور
ولاحكة
ولا رجيم صار 17 سنة مصابة ما توصلت لهده النتيجة
ولكن لحد الان اخاف من الشتاء
شوفي طريقتي وان شاء الله مش خسرانة

رد: سفاجا تحت المجهر
 

السلام عليكم الحمدلله على السلامة اختى صدى وان شاء الله الشفاء التام وكيفك اخوي هجوج والله 900 جنيه حوالي 180 دولار حسب علمي:d:d يعني ابوك يالاستغلال وكيفك اخوي ايهاب قال عهد فرعوني :d:d هذول من زمن الهكسوس قبل الفراعنة الله يشفينا اجمعين ونرتاح من شلة الحرامية

رد: سفاجا تحت المجهر
 

رد: سفاجا تحت المجهر
 

السلام عليكم
اخي هجهوج ..لسا في كتير يتبع و اذا بدك الزبدة :
أنا بنصح الناس يخوضوا هالتجربة ..لأنو في كتير ناس شفيوا و شفتهم بعيني
و في ناس شفيوا جزئيا
و في ناس مارجعتلهم الصدفية من سنين ..و في ناس ماكتب الله لهم الشفاء متلي،،وكله بيد رب العالمين.
بس ال900 جنيه بالشهر رخيصة كتير بالنسبة لك و لي بس لكن لما بتشوف الاسعار برا القرية رح تكشف انها غالية جدا .
شكرا لك حبيبتي عازمة على مشاعرك.. و الحمد لله الذي لا يحمد على مكروه سواه
و الف الحمد لله على شفاء ابنك و الله يتمم عليه هذه النعمة يارب.
و انت ايضا اخي فتى الخرج اشكرك جزيل الشكر ..يالله فال خير ان شاء الله
بس انتو شجعوني مشان كمل .
غاليتي جودينا ..اهليين فيك
بس والله ياجودي بالنسبة الي انا بقدر اكد لك ان الحالة النفسية ما بتأثر على الصدفية عندي
و لوكان هيك كنت شفتيني طبت من زمان ..لأنو انا متل ماقلتي مابحب الزعل وبحاول دائما روح عن نفسي بهذه الطريقة. الحمد لله .
المهم خلينا بالمفيد :D والله لحد الان اللون لم يرجع الى طبيعته..ومبارح لسا قالت لي قريبتي ليش هيييييك مسمرة
والله ضحكتني و قلت كيف لو شافتني اول ما اجيت !!
وحتى ان الشمس بتأثر على الشعر و بتخليه اشقر ...يعني تخيلي شعر أشقر و سواد
كأنك جاية من كوكب تاني :king::ppu
و مشكورة كتير كتير على دعواتك الحلوي و لك بالمثل يارب

اهلين اخي ايهاب ..هلأ هذا يلي هامّك التلفزيون:cool: شوف انا نسيت قول انوفي تلفزيون بالساحة كمان مشان تتشجع وتروح هههههه
بس أنا بقصد انو قرية العقبي ليست رخيصة ابدا بالمقارنة مع اسعار برا.

الف شكر الك ندوش ..والله يسلمك يارب
أنا قرأت انك مستفيدة كتير و فرحت لك كتير والله
السبتيفون هذا شامبو ؟ أنا الحمد لله ماعندي صدفية بشعري.
طيب كم حبة زيت القد بتاخدي ؟؟
ماشاء الله نتيجة كتير حلوي بس لا تخافي من الشتاءو دفي حالك كتير ..وابتعدي عن الماء البارد قدر الامكان
و تجنبي اللتهابات و خذي فيتامين د.

اهلين اخي جهاد ..الله يسلمك يارب
بس عن اي استغلال عم تحكي ؟؟
900 جنيه مصري اي مايعادل 7200 ليرة سورية تقريبا يعني مبلغ جدا زهيد بالنسبة لأسعار عندنا .
الله يسمع منك يا أماني ..ولك شكري

رد: سفاجا تحت المجهر
 

حبيبتي صدوش
بالادن من الاخت جودينا لان هده تسميتها
شكرا لك وان شاء الله عقبالك .
يالنسبة الى السبتيفون ليس شامبو انه غسول للجسم جربيه
بدي اقول لك انه بعد التجربة ركزي على المطهرات
ولو انتي زكية اكثر الاشياء التي تم شفائها هي
خل , اسيد سليسليك الماء المالح ,القطران, من الخارج .
طبعا مع عناية من الداخل.
باخد زيت القد حبة واحدة صباحا .
يختلف العيار من زيت القد من شركة الى شركة .
ان شاء الله عما قريب نسمع اخبار طيبة .
بس اعملي طريقتي ومابتندمي .

رد: سفاجا تحت المجهر
 

ألف حمدالله على سلامتك ياحبيبتي :_11:

رد: سفاجا تحت المجهر
 

رد: سفاجا تحت المجهر
 

السلام عليكم
الصراحة اول مرة اشوف هذا الحر في مصر ؟ وده سبب لزيادة الصدفية وتهيجها (تغيير درجة الحرارة السريع يهيج الهرش والاتلهاب في الصدفية سواء ارتفعت درجة الحرارة او انخفضت )
زيت الزعتر فيه نسبة من مادة الاورسوليك اسيد الموجودة في خل التفاح بس منين نجيبه ؟

رد: سفاجا تحت المجهر
 

اهلا د. صابر
بالنسبة لزيت الزعتر موجود عند العطار لان اول علبة من صنع السعودية
غدا ان شاء الله اضع اسمها والعلبة الثانية صنع مصر اسمها شركة الكابتن
كاب فارم .مدينة العبور وصغيرة الحجم وسعرها دولارين ونصف وتكفي
عشرة ايام بالنسبة لي .
وانت شرحت عن مزايا الزعتر بعد وضع معلومات عنه هنا في المنتدى.
زيت الزعتر يوقف الحكة
مضاد للفطريات
والله مش مصدقة انني شارفت على الشفاء التام .
وعلى فكرة يا دكتور كنت باكل كل شىء في شهر رمضان
بدون كونترول .

رد: سفاجا تحت المجهر
 

شكرا اختي جود
يعني صار معي وكالة .

رد: سفاجا تحت المجهر
 

مشكووورة كتيير ياندى ..مطهرااات حسستيني أنو فينا جرب :D و الله أعلم يمكن كلامك صح ..و ان شاء الله خير .

الله يسلمك يا أم فرفورة .. ان شاء الله كون فشيتلك ألبك بهالتفصيل الممل :o
ترى أنت وحدي من الناس يلي عملت الموضوع مشانهم ..و لسا ترقبي ال يتبع .

و على حسابكم ياجودينا انت وندى الاسم و صاحبة الاسم كمان :)

و شكرا على مشاركتك يادكتور.

رد: سفاجا تحت المجهر
 

والله نسيت ..كان لازم اكتب لكم كم نصيحة عالسريع مشان الناس يلي بدها تسافر الى هناك :
1- بعض الناس بيتضايقوا من دخول الماء الى الاذنين مما يتسبب ببعض الالتهابات .

2- تجنب الشمس في حال كانت الصدفية ملتهبة و ركز على السباحة في البحر لفترة مابين 10 الى 15 يوم .
(أنا شفت يلي اتبعوا هذه الطريقة كانت النتائج عندهم ممتازة بفضل الله )

3- البعض قد يتضرر من السباحة في المياه البارة (وذلك في وقت الفجر )
اذكر ان المياه كانت باردة جدا في الفجر و أغلب الناس صار معهم دور برد بسبب ذلك .

4 - أحيانا قد تكون الشمس مضرة لبعض مرضى الصدفية (يعني على حسب كل شخص )
والله شفت ناس كانوا يركزوا كتير على التعرض للشمس و نتائجهم كويسة
و في ناس كانت الصدفية تحمر عندهم بسبب الشمس ..أنا والله هذا يلي شفته .
و كمان أذكر ان طبيبي حذرني من اشعة الشمس .و قال لي ان اخدها خفيفة جدا
و قال ايضا انو في نسبة قليلة جدا من مرضى الصدفية بتنتكس صدفيتهم من الشمس .
فيعني كل واحد طبيب نفسه .
وهذا ما لدي الان و اذا بتذكر شئ آخر رح اكتبه ان شاء الله .

رد: سفاجا تحت المجهر
 

رح احكي عن بعض الحالات التي شاهدتها في سفاجا أو الحالات التي شهد فيها عدد كبير من الناس ،،
بس حتى افتح لكم نفسكم شوي و بعدبن بحكلكم عني :king::D:

1- امرأة في الاربعين من العمر .. كانت الصدفية قد غزت أجزاء كبيرة من جسمها يعني ممكن قدر بنسبة 80 %
الصدفية عندها عبارة عن مساحات واسعة بلون أحمر ملتهب مع قشور ،،
يعين لما بتشوفها رح تصنفها على انها من اسوأ الحالات التي يمكن ان تراها .
و هي من المخضرمات في سفاجا .
بدأت برنامجها بالتركيز على البحر لمدة 15 يوم تقريبا ،، ثم بدأت بالترعض التدريجي للشمس
و طبعا خلال فترة نزولها للبحر كانت تتحسن بأن بدأ الاحمرار يخف تدريجيا
و استمر التحسن معها ما شاء الله حتى وصلت الى شفاء تام في نهاية المدة والتي هي 45 يوم .
هي تقول : أن الصدفية تعود لها في فصل الشتاء لكن بشكل تدريجي و ببطء
وهي مثابرة على هذه الطريقة مع انها ام اولاد و عندها مسؤليات ،،لكنها لم تجد راحتها الا في هذه الطريقة .
والله يتمم عليها يارب.

رد: سفاجا تحت المجهر
 

نسيت ان اقول ان تلك المرأة من النوع الي صدفيتهم بتتأثر بكتير عوامل،،
و طبعا اختكم مارست هوايتها هناك بالتحقيق مع المصدفين:d ..و يلي عرفته عنها :
صدفيتها بتنتكس أثناء :
أدوار البرد
الدورة الشهرية
بعد الولادة
يعني هذه المؤثرات هي الي بتخلي الصدفية ترجع عندها.
والله انا اكتشفت لكم انو كل ما كان الصدفية بتتأثر بمؤثرات كثيرة كل ماكان احتمال رجوع الصدفية أكبر .. وهذا مثال :

2- بنت صغيرة (7 سنوات )... شهد لها اغلب من في القرية أنها كانت حالة صعبة جدا جدا
طبعا هي الان مافي بجسمها الا آثار لبقعتين فقط بلون ابيض افتح من الجسم (ماشاء الله )
تحكي والدتها :
جئت في العام الماضي مع ابنتي و بعد ان امضيت مدة شهر كامل ..لم أكن قد رأيت الا بوادر تحسن بسيط
لكني اصريت على البقاء ..و استمريت بالالتزام بالبرنامج لمدة شهرين و نصف كاملين
الى ان كتب الله الشفاء للابنة الصغيرة .
و هذا العام جاءت للوقاية و كانت تأمل ان تسود هذه البقع البيضاء في جسم ابنتها
الامر الذي لم يحصل !!!
كثير ممن في سفاجا تحدث عن تلك الفتاة بأن وضعها كان صعب للغاية وأنها كانت بطيئة التحسن بشكل كبير .
امها تقول ان لم تلاحظ ان صدفيتها تتأثر بكتيرعوامل..
الله يذكرهم بالخير ..والله كانوا نعم الصحبة .

رد: سفاجا تحت المجهر
 

3_ امرأة في الثلاثينيات ...لما شفتها لم أرى الا بعض بقع للصدفية منحسرة في أماكن قليلة
و ظنيت أن صدفيتها بسيطة !!
و كان لون بشرتها فاتح نوعا ما ..و بعد كم يوم صرت لاحظ آثار كثيرة جدا جدا في كل جسمها لبقع أفتح من لون الجسم .
طبعا اختكم مابتعرف تسكت و بادرت بسؤالها : هذه البقع كانت صدفية ؟؟
قالت نعم هذه كانت صدفية و بسبب المداومة على البحر لم ترجع فيها ...
و بسبب ان الجلد بيغمق من جراء اشعة الشمس و بيبقى لون هذه الاثار مثل ماهو ..فبتصير واضحة ..
والا قبل ذلك ماكانت واضحة أبدا و أنا أيضا شفتها بعيني و لم الاحظ شئ .

و الصدفية عندها لما بترجع بترجع بس في بعض لااماكن القليلة كما ذكرت ،،
وقالت انو بالمداومة بتخف اكثر فأكثر .طبعا لاتنسوا تذكروا الله .

لكن هي من النوع الي صدفيتها لاتتأثر بكتير مؤثرات .(طبعا أنا عملت معها تحقيق:D)
و كانت طريقتها كالتالي :
اولا هي لاتحب الشمس و بتحس انو الشمس بتأذيها ،، فكانت تجلس على الشاطئ في ظل مركب قديم مووجود هناك .
وكمان هي كانت تجلس على الشاطئ لغاية اخرى و هي أنو : كان فيه أسماك كثيرة
و من ضمنها أسماك مخططة اصفر و أسود ..وهذه كانت تقوم بقضم القشور الي على الصدفية
طبعا هي مقتنعة جدا بهذه الاسماك..وحاولت معي عبثا ان اتركها تفعل:king:
لكن لم يخلو الامر من بعض القرصات الي كانت تخليني أهرب من المكان و ماكمل تحقيقي:cool::ppu
بس بالاخير صار يطلع لها حبوب متقيحة في جسمها ..وهذه الحبوب ليست صدفية ولا حتى طفح حراري ..
وعلى الاغلب كانت بسبب تلك الاسماك !!!
لكن بعد ذلك بدأت هذه الحبوب بالاختفاء تدريجيا .
هي لم تجلس في سفاجا الا 15 يوم بسبب مسؤلياتها الكثيرة..لكن هي كانت تقول انو صدفيتها بتستمر بالتحسن بعدماترجع الى ان تختفي ..ماشاء الله ولا قوة الا بالله .
وكماااان في يتبع

رد: سفاجا تحت المجهر
 

ممتاز ننتضر اليتبع
موضوع منيح وعم بيشوئ
شكلك من كثر الاسئله بتصيري صحفيه
عندي لك خلطه
اخلطي اسئلتك مع شوية لوريد بلكي بيعملو شي
اتوقع تطيبي من كتر الاسئله

رد: سفاجا تحت المجهر
 

شكرا على تشجيعك ..
هو انا يمكن كون فضولية شوي بس اذا شفت حدا بيتضايق من الاسئلة ماكنت أسأله.
و صدقني انو كلامي هذا نقلته عن ناس ثقات ان شاء الله ...و صدرهم كان كتير رحب لأسئلتي .
و ثانكيو على الخلطة ... واذا بضو على مسؤليتك منجربها هههههه

رد: سفاجا تحت المجهر
 

منكمل قصص الف ليلة وليلة :ppu
4_ فتاة في العشرين من العمر ...والله هذه الفتاة قصتها قصة
طبعا انا لما شفتها استغربت مجيئها..لأنو لم يكن فيها اية بقعة لصدفية ولا حتى اثر بسيط..
الكل يعرف هذه الفتاة هناك..والكل تحدث عنها حتى قبل ان تأتي ..
و قصتها التي سمعتها منها و من الناس هي :
جاءت في العام الماضي و قد كانت الصدفية قد ملأت جسمها تماما فيماعدا الوجه تقربيا.
ولما كانت تنزل الى المياه كات تتألم بشدة بسبب ان الصدفية كانت متشققة عندها و متهيجة .
و طبعا هي بالاول ركزت على البحر لمدة معينة ..ثم بدأت بالتدرج بالتعرض للشمس.
و استمر التحسن معها الى ان شفيت تماما ماشاء الله في نههاية ال45 يوم التي قضتها .

طبعا هي هذا العام جاءت للوقاية ..
لكن في هذه المرة كانت قد حددت مدة 15 يوم مدة وقاية :
و منذ أول يوم بدأ وجهها يتحسس من الشمس ..وظهرت فيه بقع مثل الكلف ،،
ثم احمر وجهها كثيرا بعد يومين .
المشكلة هي انها حددت فترة معينة هناك لا تستطيع تمديدها لاسباب خاصة.
و كانت والدتها تأخذ تعليماتها من شخص في القرية (بحكم ان له خبرة في هذا المجال)
ونصحها بأن تبدأ بالتعرض للشمس(طبعا هو بيتحزر تحزير:o ) .. وهنا كانت الطامة :
بدأ جلدها يحمر (حروق شمس ) ثم ينسلخ ثم ظهرت الصدفية في تلك الاماكن..
و ساء وضعها كثيرا .
الحقيقة هي انها كانت بحاجة الى طبيب جلدية حتى يعالج لها هذه الحروق من البداية ،،
لكنها اهملت نفسها و ماكانت تتوقع ان تصل الى هذه المرحلة .
بالاضافة الى انها كانت محتارة الى وين تروح .. ولم تهتدي الى أحد يدلها على طبيب جلدية ..
ثم توقفت عن الشمس ...و انضمت الى الناس الي بيجلسوا في ظل المركب ..
لكن للأسف كانت الصدفية قد استشرت و انتشرت بعد ذلك ...و حينها كان قد أزف وقت الرجوع .
و فعلا اضطرت ان ترجع مع انو كانت تتمنى البقاء لأنها كانت تأمل ان تشفى اذا ما ركزت على السباحة في البحر.
لكن قدر الله و ماشاء فعل ... ونسأل الله لها الشفاء العاجل ..والله كانت اخت عزيزة .
أرجو ان تستفيدوا من هذه القصص ..لانو و الله التجربة هي اصدق برهان .

5_ رجل في الخمسينات ....والله كان منظره بيبكي الحجر
الصدفية ملأت جسمه تمامااااا ... أضف الى انه لم يكن يستطيع المشي الا بمساعدة أحد.
كانت صديقتي التي حكيت عنها توا تقوم بمساعدته حتى يصل الى العمق المناسب في البحر..
والله كنت اسمع صوت صراخه لما بيدخل للبحر.. ولا يزال صوته في اذناي .
و كات نفسيته تعبانة جدا جدا بسبب ذلك .. و أنا تحدثت معه و لاحظت كم ان الصدفية قد اثرت في نفسه ..
بس طبعا ما حققت معه :ppu لانه الوضع غير مناسب اطلاقا.
و بعد ايام بدأ جسمه يقوى و صار بامكانه المشي لوحده و هذه كانت أول بوادر التحسن ولله الحمد.
ثم بدأت الصدفية تغادر شيئا فشيئا .. و صارت نفسيته أفضل بكثير ..وصار يمزح ويضحك..
والله لو شفتوه بعد اسبوعين لن تصدقوا انه هو نفسه الشخص الذي كان يصرخ في الماء..ما شاء الله ...الله يديمها نعمة عليه يارب.
و أتوقف هنا لأني كنت قد سافرت قبل ان ينهي هو مدة مكوثه في سفاجا ...ونسأل الله ان يكون قد تعافى تماما ..

رد: سفاجا تحت المجهر
 

شكرن يا بنتي يا صدى الدعاء
ننتصزر اليتبع والله الموضوع كتير مليح
وبيئولو اللي بيشوف متشافين عم يشفى ننتزر اليتبع يا بنتي

رد: سفاجا تحت المجهر
 

والله يا صدى انا صدفيتي بزيد على الشمس مباشرة حتى رحت لدكتور واعطاني
ادوية للتهدئة.
مثل ما بتعرفي هون سهل تروحي للبحر بس كنت اجلس تحت الخيمة وبس ساعة
فقط يريحني الماء المالح.
صرت اكره البحر لانه علاج.
وشكرا للتحقيقات المهمة ,منتظيرين البقية .

رد: سفاجا تحت المجهر
 

وانا كمان اتحسس من الشمس مباشرة بتعرفي هون سهل الدهاب الى البحر.
ولكني صرت اكره البحر لانه علاج.
وشكرا للتحقيقات وننتظر البقية

رد: سفاجا تحت المجهر
 

رد: سفاجا تحت المجهر
 

الله يبشرك بالخيريارب ...وأنا كمان عم بنتظر طلاتك علينا و تفقدك للرعية :ppu

رد: سفاجا تحت المجهر
 

انت متأكدة أنو صدفيتك بتزيد على الشمس ؟؟
لأنو في ناس ما بيتحملوا الا الشمس الخفيفة (اذا كانت البشرة فاتحة في الغالب) و هذا ما لاحظته ايضا في سفاجا .
وفي قلة قليلة جدا من الناس .. الشمس بتضر الصدفية عندهم سواء كانت خفيفة او قوية (بغض النظر عن لون البشرة )

بالنسبة لي انا كنت لاحظ اني لا اتحمل الشمس القوية.
مع اني اخطأت كتير في بداية البرنامج .. بسبب انو في ناس بتفرض عليك رأيها ،،
و انا كنت قول :يمكن هني بيعرفوا اكتر مني لأنو الهم فترة طويلة بيترددوا الى هناك
بس ويييييين حتى اكتشفت انو الشمس القوية بتضرني :o .
و لما عرفت ذلك ...ما استفدت شيء .. لأنو السطح يلي كنا نتشمس فيه كانت الشمس تروح منه في تلك الاوقات ( أول الشروق و آخر الغروب ).
طبعا انا بقصد بالشمس القوية التي هي بعد الثامنة صباحا و قبل السادسة مساء .
أنا كنت أتضايق منها كتير و ما اتحملها .. و الله يسامحهم الي نصحوني ..هني كانت نيتهم حسنة ،،لانهم كانوا بيتحسنوا كتير على الشمس .
لا شكر على واجب..

:D عم اتخيل منظرك
أنا كنت اجول البحر طول و عرض ...و تعلمت كل انواع السباحة و الغوص و حتى الانقاذ :cool:
يعني طلعت بفائدة ما انو ماطلعت هههههه


صح هي الاستجابة بتختلف من شخص لآخر ..بس هناك بتسمعي كلام كتييييير و بتدوخي من كتر مابتسمعي :icon14:
المهم يا جودي انو صدفية اليدين بتحتاج وقت .. هذا أولا
و ثانيا : كل الناس الي عندهم صدفية يدين كانوا كتيركتير ثم كتير يركزوا على البحر،،
و هذا الشئ متعارف عليه هناك ... فهل ياترى كنت بتعرفي هذه المعلومة ؟؟؟
و أنا ماشفت و لا حدا بقي هناك شهر بس و شفي تماما.. الشفاء بيحتاج اكثر من شهر(على حسب الي شفته)
بس كمان بيتبع لصعوبة الحالة ... مثلا انا وجدت في القرية فقط حالتين مثلي :
و هم من النوع الي صدفيتهم بتتأثر بكتير عوامل ... و هني يلي صار معهم مثلي تماما ،،
كل مابيصير تحسن و بيوصلوا لمرحلة تحسن ممتاز ..بمجرد مايتعرضوا لدور برد او اي مؤثر تاني كانوا يرجعوا ينتكسوا :king:
و في ناس كان التحسن عندهم بطئ مثلا ..بس كانوا في تحسن مستمر بدون انتكاسات..
و هم بيطولوا حتى يشفوا ..بس بالاخير بيشفوا بفضل الله .

رد: سفاجا تحت المجهر
 

اليوم رح نغير الاومبلاج شوي :ppu و رح نسلط المجهر على منطقة كلاوي :

بالاول بدي قول انو هذه المنطقة عطتكم عمرها
لأنو لما المعنيين اكتشفوا انو في ناس بتروح الى هناك بسبب ملوحتها العالية ،،
قرروا أنو يستثمروا هذه المنطقة لصالح الاجانب ..
لا يعني مالصالح الاجانب هو لصالح الشعب ،،لأنو الاجانب بالاخيرعبارة عن ثروة اقتصادية سوف تعود بالنفع على لشعب :king:.
المهم ...أما الناس المصدفين من ابناء الشعب المسكين فراحوا يبحثوا عن كلاوي جديدة ،،
و فعلا ...أسفرت رحلة المصدف كريستوف كولومبوس عن اكتشاف كلاوي جديدة :D
مع انها ليست كما كلاوي القديمة من ناحية شدة الملوحة لكن يعني ماشي حالها
يعني هي صايرة بين ارتفاعين (غير مرتفعين كتير) و شكلها يعني ليس كلية كلية بس شي بيشبه الامعاء :ppu
و تتميز المنطقة بوجود الطحالب البحرية على مسافة كبيرة في الشاطئ ..وهذه كانوا يقولوا انو فيها معادن و مواد مفيدة للصدفية(والله اعلم)
و ايضا المميز فيها هو رمالها ذات اللون الاسود و التي تفوح منها رائحة الكبريت .
و يوجد بالقرب من المكان ملاحات ..كانوا الناس ياخدوا منها الملح حتى يستخدموه لما بيرجعوا على بلدهم
بس الملح كان قاسي جدا و بتحتاج فأس و مجرفة حتى تطلعه من الارض :eek:
لكن وجود الطحالب على الشاطئ كان يخبي تحته كائنات بحرية ..ممكن تظهر لك باي لحظة (يعني فتحوا عيونكم منيح)
بس المنطقة جميلة بالفعل ..
و طبعا لازم تحرص على اخذ واقي شمسي حتى ما تحترق من اشعة الشمس هناك لأنو رح تضطر تقعد هناك طول النهار ومافي اي مكان ظليل .

رد: سفاجا تحت المجهر
 

الاخت صدى يعني انتي تنصحي بالذهاب هناك ؟؟؟؟؟؟؟؟؟؟؟

رد: سفاجا تحت المجهر
 

شاطئ سفاجا :
اولا انا أشهد فعلاان البحر الاحمر نظيف و ومياهه صافية وغير ملوث .
وهو شاطئ جميل و بتشوفوا فيه كائنات بحرية غريبة و أسماك ملونة و ثعابيييين :eek:
بس فعلا انو الواحد ممكن يستمتع بالبحر مع العلاج و ذلك باستعمال النظارات الي رحتشوف من خلالها منظر الشعاب الجميل
كان فيه شعاب على مسافة ليست عميقة كتير .
و يوجد بالقرب من القرية شاطئين :

الأول شاطئ رسمي : مزحم بالناس من كل الاختصاصات (مصدفين و مصيفين:ppu )
بس هذا الشاطئ مزعج جدا اثناء النهار ..و قليل من المصدفين الي كانوا يرتادوه نهارا بسبب الزحمة.
أنا كنت أعتقد اني رح لاقي شاطئ خاص بالمصدفين لكن الحقيقة هي انه شاطئ عام لكل الناس،،
لكن و الحق يقال فيه شمسية واحدة للمصدفين على يمين الشاطئ ببلاااااش ..وبتلاقيها مميزة عن باقي الشماسي.
لكن هذا الشاطئ ميزته انه رملي ..لكن ما ان بتقترب شوي الى اليسار (يسار مين مابعرف:D)
حتى بتلاقي الصخور التي تجبرك على الرجوع الى البقعة المحصور فيها الناس.
و نحن كنا نسبح فيه في الفجر فقط ..بسبب انو ماكان فيه كتير ناس وقتها
وايضا كان فيه مراكب فيها اضواء بتساعدنا في تلمس الطريق وقت الفجر:king:
و هذا الشاطئ ليس ضحل مثل التاني ..و مارح تضطر ان تدخل مسافة طويلة حتى توصل للعمق المناسب.

الشاطئ الثاني كان تابع للجيش :
بس هذا الاخير كان ارحم بكتير من الاولاني ..مع انه كان ضحل جداو كمان كان فيه صخور في بدايته ..
بس بيضل ارحم بكتيييير و أنظف و أوسع من الاولاني .
و كنا نسبح فيه النساء في ناحية و الرجال في ناحية أخرى هيييييييك لحتى اجا في يوم من الايام ( ان شاء الله ماتكونوا نمتوا من الملل :D)
اجا ضابط من الجيش و كان بدو يطلعنا بس ماقدر علينا :eek:
والله كانت ذكريات حلوي ..
يتبعععععع

رد: سفاجا تحت المجهر
 

نعم أخي أنا بنصح بالذهاب الى هناك...خاصة و أن هذه الطريقة (اذا كنت قرأت القصص)
هي طريقة اثبتت نجاعتها و هذا ماشاهدته بأم عيني .
و يمكن تقول أنو يعني مافي ناس لم تتحسن؟؟
و الجواب نعم ... و ماهي الا أسباب ..وكله بيد رب العالمين
وعلى الاقل هي طريقة خالية من الاثار الجحانبية اذا ما اتبعت البرنامج صح و بعيدا عن الشمس الشديدة.
بس كمان انا لاأستطيع ان اجزم ان سفاجا فقط هي التي تساعد على الشفاء .
ربما يكون للبحر بشكل عام نفس التأثير .. بس هم بيقولوا انو ماء سفاجا أملح و غير ملوث و الشمس هناك مركزةبسبب انعكاسها على الجبال .

رد: سفاجا تحت المجهر
 

رد: سفاجا تحت المجهر
 

رد: سفاجا تحت المجهر
 

السهل الممتنع يا صدوش .
برشحك تكوني كاتبة سناريو ومخرجة,على الاضاءة لكل الجوانب.
بس ليش حسيت اول ماكتبت عن الموضوع انك تفاجئت عندما وصلت,
الى سفاجة .

رد: سفاجا تحت المجهر
 

رد: سفاجا تحت المجهر
 

هذه شهادة أعتز بها اخي سعيد ..و هذا فقط من بعض ماعندكم .
و أنا بكون كتير سعيدة اذا استطعت ان ارسم البسمة على وجوه اخوتي في هذا الملتقى .
بس لا تتحمس كتير للذهاب ..لأنو المنطقة جديدة و امكانياتها في مجال السياحة محدود..حتى ماتقول اني لم اقول لك هههههه
انا كنت اتمنى ان احصل على هذه التفاصيل قبل ان اذهب الى هناك ..لذلك تجدني اكتب بهذا التفصيل ال ...الغير ممل على قولتك :rolleyes: