مرهم جاد - للصدفية - نتائج مذهلة
السلام عليكم و حمة الله و بركاته ،،
في مرهم متوفر بالكويت "مرهم جاد" للصدفية في أحد سمع فيه أو استعمله ؟؟ أنا استعملته فترة و قطعت عنه ، لأن شفت نتائجه وايد قوية خفت ان فيه كورتيزون قوي ولا شي جذي. اهو مرهم ثقيل لونه بني غامقو فيه حبوب سوداء. المرهم اول يوم او يومين استعمال يعمل حرقة في الجسم مثل الفلفل ،، بس بعدها خلاص تصير في مناعة بالجسم. و ما تبين الحرقة. أظن السر من اللون البني اهو مادة القطران. ممكن مو أكيد بس البياع يأكد ان ما فيه كورتيزون. و سبحان الله الصدفية يبدأ لونها يتغير,, ويمكن خلال اسبوع متواصل الفرق واضح واضح واضح جداً. قبل لا أرجع له في أحد سامع فيه ؟ مجربه ؟ مسوي له تحليل؟ عموما اهو من أحسن المراهم اللي جربتهم للصدفية و شكلي جد برجع له ، و انصح الكل يشوف شنو قصته. انا تاركه من فترة بس شكلي برجع له . ملاحظة الفرق بين المرهم و الكريم: مرة كنت قاعد أشتري مرهم دايفونكس المعروف و لونه أزرق ،، لفت نظري علبة دواء ثانية هم دايفونكس بس لونها "تركواز" سألت الدكتور الصيدلاني قال انه هذا كريم سألته عن الفرق بينهم قال لي :" المرهم للصدفية الجافة يكون ثقيل و يرطبها لفترة، و أما الكريم يكون للصدفية الرطبة يعالجها بدون لا يزيد من ترطيبها" الصدفية الرطبة اهي نفسها الصديدية ان خاب ظني و بهذي المناسبة أنصح كل واحد حارم نفسه و ما جرب الدهيمية يجربها بالدايفونكس ، لأنه اهو عبارة عن فيتامين د ، سواء المرهم للصدفية الجافة ، او الكريم للصدفية الصديدية. لأني أعرف ناس بالمنتدى تاركين الدهيمية بسبب الفازلين. وأن ترطيبه قوي. نسأل الله الشفاء لجميع المسلمين في مشارق الأرض و مغاربها. |
رد: مرهم جاد - للصدفية - نتائج مذهلة
المرهم انا لقيته بـ 15د.ك
اللي يعرف المرهم و يعرف اذا ممكن ألقاه أرخص من هالسعر سواء بالكويت ولا برى يا ريت لو يبلغني. |
رد: مرهم جاد - للصدفية - نتائج مذهلة
اخوي ابو عبد الرحمن الدكتور هو اللي كتب لك هذا المرهم؟؟ ممكن تعطينا معلومات عنه اكثر ياليت تنزل لنا صورته يعطيك العافيه |
رد: مرهم جاد - للصدفية - نتائج مذهلة
لأ ، اختي هذا زميل لي في العمل ذكر لي ان اخوه فيه صدفية و استعمل هالمرهم.
كان يقول ان نتائج هالمرهم مع اخوه وايد زينة. و الصورة للأسف مو عارف شلون ادخل عالكمبيوتر ،، وصلة الموبايل ضايعة. بس بإذن الله بحطها لما القى الواير. واي استفسار انا حاضر. |
رد: مرهم جاد - للصدفية - نتائج مذهلة
اخوانى المصريين هل مرهم الدفنكس موجود فى مصر ولا لاوالى جربه ياريت يقول على نتائجة
|
رد: مرهم جاد - للصدفية - نتائج مذهلة
اخي احمد على
سلام عليكم مرهم دايفونكس موجود بمصر ولكن لن تجده فى صيدليات القرى لان سعرة يعتبر غالى نوعا ما وبالنسبة له ممتاز يقضي على الصدفيه لكن لا تقطعه |
رد: مرهم جاد - للصدفية - نتائج مذهلة
شكرا اخي الكريم ..بس هذا المرهم بينباع في الصديدليات ؟؟ شكله من المستحضرات يلي بتنباع في محلات الأعشاب !
اقتباس:
|
رد: مرهم جاد - للصدفية - نتائج مذهلة
الله يجزاك خير اخوي بوعبدالرحمن بس اخوي ياليت تسوي له تحليل علشان تتاكد من خلوه من الكرتيزون ولو اثبت لنا انه خالي من الكرتيزون ان شاء الله راح يكون بينا تواصل لتمدنا بهذا العلاج السحري وجزاك الله عنا خير الجزاء |
رد: مرهم جاد - للصدفية - نتائج مذهلة
يا جماعة الخير ..
الدايفونكس (بنوعيه المرهم و الكريم) هو دواء ، و هو عالمي المفروض انه موجود في كل مكان ، و هو من تصنيع شركة الأسد "ليو" أما بالنسبة للمرهم اللي انا حاط عنه الموضوع ،، اهو خلطة مبين ان فيها فازلين لأن المرهم ثقيل .. و أتوقع ان فيه قطران بسبب الحرارة و بسبب اللون البني.. بس ما ادري شنو مكوناته بالضبط. بس البياع مأكد لي و يحلف أن مافيه كورتيزون. و بالنسبة للتحليل حاولت و رحت أكثر من مكان ما في تحليل المستشفيات الحكومية ما تقبل تاخذ عينه إلا إذا رحت أبي أقدم شكوى .. ما ينفع أضر الناس و اشتكي بدون سبب .. انا قلت يمكن أحد عنده خبرة بالموضوع او سامع عن الدواء ممكن يفيدنا. |
رد: مرهم جاد - للصدفية - نتائج مذهلة
شكرا اخي بوعبد الرحمن جزاك الله خيرا
وياريت تتاكد من المرهم وانا اعتقد فيه قطران مادام قالوا ابتعد عن الماء والقطران معروف بفعاليته بعلاج الصدفيه |
رد: مرهم جاد - للصدفية - نتائج مذهلة
الله يجزيكي الخير اختي
|
رد: مرهم جاد - للصدفية - نتائج مذهلة
جزاك الله خيرا أخي بو عبد الرحمن , إن شاء الله نبحث عن هذا الدواء بعد تنزيل صورته لان صورته مهمة , و لكن سعر الدواء غالي لأن 15 دينار كويتي يساوي تقريبا 227 جنية مصري , فيا ترى ما حجم علبة الدواء ؟ |
رد: مرهم جاد - للصدفية - نتائج مذهلة
اقتباس:
مافهمت!! وبعدين هل القطران مفيد ولا مضر بالجسم؟؟ |
رد: مرهم جاد - للصدفية - نتائج مذهلة
اتوقع العلبة ممكن تشيل 100 جرام او يمكن 200 .خلاص ولا يهمكم بحاول اصور لكم العلبة و اصور لكم المرهم.
بس العلبة 100% غير مميزة للدواء ، لأنها شغل محلي يعني مو شغل شركة. اهي بالضبط بالضبط تشبه علبة الفازلين مالت المستوصف من الحجم الصغير. يعني بيكون شكلها علبة بلاستيك بيضاء و عليها ملصق باسم المرهم مع بعض التعليمات وبس. بس عموما ان شاء الله بحط لكم الصورة. |
رد: مرهم جاد - للصدفية - نتائج مذهلة
الصور:
صورة العلبة أكبر من علبة المستوصف بشوي و صورة الدواء من الداخل http://img101.herosh.com/2010/09/01/283022136.jpg ملاحظين انه مكتوب انه خالي من المواد الكيميائية؟؟ http://img105.herosh.com/2010/09/01/828928537.jpg هذي الصورة تبين لون المرهم مه الحبوب السوداء. وبالتوفيق و الشفاء للجميع. |
رد: مرهم جاد - للصدفية - نتائج مذهلة
مكتوب عالعلبة الاستخدام مرتان باليوم
بس انا حدي مطنش فيهم ،، مرة وحدة باليوم ،، و النتيجة سبحان الله تبارك الرحمن صج شي عجيب. بس الله أعلم يمكن يختلف من جسم إلى جسم. |
رد: مرهم جاد - للصدفية - نتائج مذهلة
يابو عبدالرحمن بحثت عنه في قوقل لقيت وحده من الكويت تمدح فيه بس قالت شغلتين مهمه وهي 1/انو استخدمت المرهم وبعد وقف الاستعمال لاحظت بان الصدفيه رجعت بسرعه 2/مع استدخدامها للمرهم لاحظت انو لون جلدها صار افتح(طبعا هي مبسوطه) وهذي الشغلتين من اكبر الدلائل اللي على ان المرهم مليااااان كورتيزون لأن بعد ترك استخدام الكورتيزون ترجع صدوفه بسرعه واكثر من قبل ...وبعد مع استخدام الكورتيزون تلاحظ بأن الجلد اللي تدهنه يصير لونه افتح عن غيره وهذي من علامات الكورتيزون فياليتك تبتعد عنه |
رد: مرهم جاد - للصدفية - نتائج مذهلة
مشكورة أختي .. و كثر الله خيرج.
بس صج يا ريت لو بالإمكان أن احدد يقدر يحلل الدواء أو عالأقل يدلنا على مكان ينفع نحلل فيه الدواء بالكويت. و بالتوفيق للجميع |
رد: مرهم جاد - للصدفية - نتائج مذهلة
اخوي بو عبدالرحمن هذا العلاج انا جربته كذا مره واستخدمه قبل المناسبات الكبيره الي احضرها لانه نتائجه مره حلوووه واتوقع انه مليان كرتيزون لاني اذا وضعت العلاج تذهب الصدفيه فاليوم الثاني اوالثالث مع ضهوراختلاف في لون البشره ومع استخدامه لفتره طويله تسود منطقه الصدفيه وعند ترك العلاج ترجع لك في اليوم الثاني او الثالث بالكثير وتظهر قشور كثيفه وتزداد رقعه الصدفيه عن ما كانت عليها بالسابق ويا اخوي ابو عبدالرحمن لو كان هذا علاج نهائي لصدفيه لعتمد في الصيدليات وعمد من وزارة الصحه لديكم ودمت بخير اخي العزيز |
رد: مرهم جاد - للصدفية - نتائج مذهلة
اقتباس:
أخوي لا تشتريه و لا يحزنون .... روح خذ لك موعد من المستوصف لعيادة الجلدية .... و راح يعطونك أياه ببلاش يمكن 2 أو 3 علب أنا أتكلم عن الدايفونكس طبعا |
رد: مرهم جاد - للصدفية - نتائج مذهلة
مشكور أخوي أحمد ,, بس انا اتكلم عن المرهم الثاني ، هالمرهم الأسود اهو اللي في بالي. والدايفونكس اظن إن كثر سعره ما يعدى 4-5د.ك. وصح كلامك بعيادة الجلدية مجاني.
و طبعا الشكر موصول لكل من شارك في الموضوع. لكن انا مو متأكد انه فيه كوتيزون. لأنه فيه حرقة مثل طريقة الفلفل .. الكورتيزون بكل انواعه و بكل انواع الأدوية اللي استعملتها مافيه ولا ذرة حرارة. و الحمدلله لما قطعته ما لاحظت ان الصدفية رجعت بقوة. انا متردد منه لأن الصدفية تروح بسرعة , بس ما ادري هل فيه كورتيزون ولا لأ. لأن فيه بالي أن الكوتيزون ما يسوي حرقة ، و أظن الكل معاي في هذي النقطة. يعني في مادة ثانية فعالة تساعد ان الصدفية تروح.. محد يعرف مختبر لتحليل الأدوية؟؟ |
رد: مرهم جاد - للصدفية - نتائج مذهلة
اخوي فتى الخرج
المرهم اللي انت استعملته هو اهو نفسه هذا اللي معاي . مرهم جاد ؟؟ من جبته ؟ و بكم لقيته ؟؟ |
رد: مرهم جاد - للصدفية - نتائج مذهلة
يا هلا فيك اخوي بو عبدالرحمن نفس العبوه مندون لصقه ونفس المرهم الموجود عندك مرهم مجروش معه حبه سوداء ولا تعرف وش مكوناته ابداً غير الحبه السوداء الموجوده فيه جبته انا من واحد يقاله المطلق من منطقه القصيم ولا اعرف عن هذا الشخص شي الوكاد انا قلت له كيف المرهم لصدفيه قال من افضل شي وان شاء الله تروح منك على طول قلت فيه كرتيزون قالي لا ما فيه كرتيزون وهو وذمته لكن لمى استخدمته تبين معي انه مليان كرتيزون لكن لم استطع ان احلله لكن استنتجتها من الذهاب السريع لصدفيه وحرقاً في اول الاستعمال وبياض على الجلد من المرهم والرجوع السريع لصدفيه عند ترك المرهم وتوسع منطقه الصدفيه عن السابق والعلبه اخذتها منه 250 ريال علبه صغيره نفس علبه تحليل المختبرات ولو هو علاج نهائي لصدفيه كان عمدوه من زمان وصار من اكبر تجار العالم لكن زي ماقلت لك الدعوه غش في غش واذا تبغى تتاكد حلل العلاج وخل الحكومه مالكم يتفاهمون معهم والله يكتب لك الخيره اخوي |
رد: مرهم جاد - للصدفية - نتائج مذهلة
حيرة يأخوان تأكدوا قبل الاستعمال افضل لكم ..بالشفاء ان شاء الله |
رد: مرهم جاد - للصدفية - نتائج مذهلة
اي والله يالشفاء للجميع.
بس المشكلة الواحد من وين يتأكد .. |
رد: مرهم جاد - للصدفية - نتائج مذهلة
اخوى بوعبدالرحمن منوين محصل هالعلاج انا قبل استخدمت دهان بسعر15 دينار قالولى من السعوديه شخص يوصله للبيت لونه بنى وفيه نقط مثل علبة فازلين البيضا طلع فيه كورتيزون اخذ العينه وروح المختبرات الخاصه بساعدونك |
رد: مرهم جاد - للصدفية - نتائج مذهلة
اقتباس:
الله ينور عليك اخوى فتى الخرج كلامك صحيح 100% |
رد: مرهم جاد - للصدفية - نتائج مذهلة
بوسطن اي مختبر تقصد ؟؟
تعرف واحد ؟؟ صج ماعندي مانع أروح أحلل الدواء عندهم ،، ولا تدري شلون شرايك نروح مع بعض ، منها تدفع معاي نص المبلغ و منها أعزمك على عشاء و نتعرف على بعض ،، شقلت ؟؟ |
رد: مرهم جاد - للصدفية - نتائج مذهلة
ترى أضحك ويا ما أبي إلا سلامتك
و العشاء تستاهله بس صج والله جاااان تعرف مختبر بأكون لك شاكر. |
رد: مرهم جاد - للصدفية - نتائج مذهلة
جيك وان طلع صج فيه كورتيزون
دق على حماية المستهلك خل يشووفون شغلهم معاهم !! شنو عبالهم صحة الناس لعبه ؟! شالناس بس وشالذمه اللهم ياكافي ! |
رد: مرهم جاد - للصدفية - نتائج مذهلة
بشر اخوي بو عبدالرحمن وش صار معاك حصلت مختبر يحلل لك المرهم ..؟؟ |
رد: مرهم جاد - للصدفية - نتائج مذهلة
لا والله ، ما لقيت أحد
|
| الساعة الآن : 12:30 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour